Wakkagagerak 11:31 - Ala Wone Peenok Peebi Mbanak

³¹ Ne ambi paga at aap Tera nogo nen o Kanan naakit nduk, at aput Abaram wagangge, at ombooluk Karan apuluk Lot nogo wagangge, ayinggelo Abaram akwe Tarayi nogo wagangge, eeke nagagerik, aakumi Katirim iname yaga'lelo Ut nogome mbo punuk, o Karan time aret ari nanuk, nogome mondok puk aret ogogwaarak.

Wakkagagerak 11:31 ပူးပေါင်းရင်းမြစ်များ

Wakkagagerak 10:19

inanggween nogo ti, o Tiron nen o Nggerat pa'nggwe Nggata kuli inom, ndi, o Torom, Nggomora, Arama, Teboyim pa'nggwe o Lata kuli inom, aret unde eekkologogwaarak.

Wakkagagerak 11:32

Nogome wonogo logonet, at Tera nogo ndarak kagak tahun dua ratus lima eeppunuk aret kambeegerak.

Wakkagagerak 12:4

Yoge mbareegi, Abaram nogo ndarak kagak tahun 75 eeke nagagerik, Aliku ALA nen at yoreegerak nogo ndak-ndak o Karan wonagagim nogome teppunuk, at akwe Tarayi inom, at awuluk aput Lot nogo inom, o Karan logonet, amindik-amendek kuwak eereegerak nogo inom, ayeloman mini inom, abok aret wogoren o Kanan Ala nen, “Nak o,” yoreegim nogome aret wogogwaarak.

Wakkagagerak 14:12

Wonok nogo logonet, at Abaram awuluk aput Lot nogo o Torom inenggela'me nogome inom wonage me, at eebe inom, amindik-amendek inom, abok aret kugun wogoren nogogwaarak.

Wakkagagerak 15:7

Mbake nagagerik, wone ambinom yoge logonet, “Kat o yime wokkiriminggirak unde logonok nduk, aakumi Katirim iname yaga'lelo Ut nen wokkeren wundi wagagirak kogoba Naliku ALA nogo an aret o.”

Wakkagagerak 24:10

Owak mbangge nagagerik, at ayeloman nogo nen at ogoba aanggumi unta ineebe 10 wogonake, at ogoba amindik-amendek etenggen alitak onggo nggwok nogo wagangge, eeke nagagerik, ya nogo yegak o Aram-Metopotamiya o omarip paga pa'nggwe o tini Abarakam awot Nakot menggim nogome aret nagagerak.

Wakkagagerak 24:15

Tamban awo eeke me, kolaga tawe abu iya kigirikwe aap awo kigin waka'lek Abarakam awot Nakot akwe Milaka aagaluk aap Mbetuwen apuluk kolaga endage Iribaka nogo, niyoowak uum paga piyaninuk niyo tooko menggam wambi nage nagagerik, niyo too'nuk ame naakit nduk lagi wage me,

Wakkagagerak 27:43

an yokkege yi aret konembunuk eeru o, naagaluk.” Ari nagagerik, “Kat yogondak aret an noweeluk Laban o Karan wonage me time aret mbet-mbet nak o.

Wakkagagerak 28:10

At Yakup nogo o Mberetiyeba teppege nagagerik, o Karan naakit nduk aret nagagerak.

2 Endagembogut 19:12

Ndi, an nombomini nen it yi aakumi ndi aakumi o Nggotan mendek inom, Karan mendek inom, Eretep mendek inom, it aakumi Eren mendek o Telatat wonogwe nogo inom, lek eerogo piigo nogogwaarak inagugi nogo nen aakumi ambi neenggime nen ndininabeegwaarak mbaken?

Nekemiya 9:7

Kat Kaliku ALA aret me, aap Abaram miike nagagindik, it aakumi Mbaben wonogo menggam o Ut nen eebe wonok wundi wage nagagindik, endage Abarakam toonogo pereegindak o.

Ayup 1:17

Yinuk, wone awo yoge wonage me, aap alik ambi wage nagagerik, yoge logonet, “Aap Katirim mendek ineebe kenagan aago inoba kwi'nari unggwogo logonet, aap kaanggumi arum wonogwe nogo inoorogo piinok, kaanggumi unta nogo ko'nok ndi yogwe iigak, nalik mban mbagangge nagarik, wone wonok yokkiri wagi o.”

Yetaya 37:12

Ndi, an nombomini nen it yi aakumi ndi aakumi o Nggotan mendek inom, Karan mendek inom, Eretep mendek inom, it aakumi Eren mendek o Telatat wonogwe nogo inom, lek eerogo piigo nogogwaarak inagugi nogo nen aakumi ambi neenggime nen ndininabeegwaarak mbaken?

Iberani 11:8

Ndi, at Abarakam kunduk, Ala nen, “Eyate kwak nggween ambi kat unde logonok nduk, wokkirigin me, nak o,” yoge mbareegi, o ti, eenggo'lek kwe kagak, “Abet aret wo'nirigin,” mba'nuk, nagagerak.