Wakkagagerak 10:7 - Ala Wone Peenok Peebi Mbanak

⁷ Kuti apurilogwe ti, Teba, Kawila, Tabata, Arayema, Tabeteka, aret ndaganabeegerak. Ndi, Arayema apuri ti, Tiyeba Nderan imbirak aret ndaganabeegerak.

Wakkagagerak 10:7 ပူးပေါင်းရင်းမြစ်များ

Wakkagagerak 10:8

Ndi, Kuti apuluk Nimorot ndareegerak nogo, ogogumbuk anini ambik wonagagerak paga o nggween paga yime iyaalok togon endage nggwok wigak yereegerak nogo at aret o.

Wakkagagerak 2:11

Niyo elaganggen aa'nduk kinogo nappereegerak endage Pitom aret. Niyo Pitom nogo o Kawila pa'nggwe time abok aret aanunggut yelok-nggolok nage menggerak. Ndi, nage menggim o Kawila nogome mbuti emas wonage.

1 Endagembogut 10:1

At Talomo nen Aliku ALA endage tiyappege logonet, eerit nage paga endage wiganinuk nage nogo, kwe nggwok o Tiyeba mendek aruk konengge nagagerik, “At Talomo eeke yogwe ti, nonggop ari kaamun? Abut mbani na,” mbake nagagerik,

1 Mbinineegwaarak 1:9

At Kuti nen apuri aap ndaganabeegerak ti, Teba, Kawila, Tabata, Arayema, Tabeteka aret. Ndi, at Arayema apuri aap ndaganabeegerak ti, Tiyeba, Nderan aret.

Ayup 1:15

aakumi o Tiyeba mendek nen wogo nagaarik, kayeloman mini kaanggumi inarum wonogwe nogo inoba kwi'na'nuk, wooluwak paga inoorogo piinok, lembu-keledai nogo ko'nok ndi yogwe iigak, nalik mban mbagangge nagarik, wone wonok yokkiri wagi o.”

Ndawi 72:10

It aap o Taritit inoweewi inendagembogut inom, It aakumi niyo ogobak mbanogo pit nagagerak nogo paga menggaarak inom, nen Inarum wonage onggo at wogori wogwe, Aakumi o Tiyeba mendek inom, Teba mendek inom, Inoweewi inendagembogut nen yi mendek ndi mendek onggo lek we aret iri wogwe,

Yetaya 21:13

O Arap mendek eeppiyoorak abinggaanggo paga Aliku ALA nen yoreegerak nogo yi aret. Aap luurik-maarak aago nega kit aap Nderan mendek yi wae. O Arap wonogo menggam eyoongga ku'mbanak me ooliya wuppatinuk kumaarak logonip o.

Yetikiyen 27:15

It aap o Ororut mendek nen at inom onggo-onggo eekwi, it aakumi ambik o niyo aa'nggi paga wonogwe nen amendek kunggolagak mendek ogwe, eeko logonet, gajah eyak inom, eyo amu kunik inom, wonok at amendek onggo mbanggola wogwe,

Yetikiyen 27:20

It Nderan mendek nen kuda amborowak paga ndoombunuk, kwi'nagak eerak nogo paga at inom onggo-onggo eekwi,

Yetikiyen 27:22

It Tiyeba mendek inom, Arayema mendek inom, at inom onggo-onggo eeko logonet, yi mendek ndi mendek ombat abe eeka abu abe lombok inom, yugum kere'li-kere'lo eerak enete alik-alik onggo iya nogo inom, mbuti emas inom, nogo paga amendek onggo kunggola wogwe,