Wakkagagerak 10:6 - Ala Wone Peenok Peebi Mbanak

⁶ At Kam apuri nogo ti, Kuti inom, Mitarayim inom, Put inom, Kanan inom, aret ndaganabeegerak.

Wakkagagerak 10:6 ပူးပေါင်းရင်းမြစ်များ

Wakkagagerak 10:5

It aap yi paga nen yi aakumi ndi aakumi inawi yi aa'nggi paga inanggween inalitak lombok logonet, inanebunu inom, inoone inom, inalitak aret wigannarit nogo nogogwaarak.

Wakkagagerak 2:13

Ndi, niyo elaganggen ambi kinogo nappereegerak nogo ti, endage Nggikon aret. Niyo Nggikon nogo o Kuti time abok aret yelok-nggolok nage menggerak.

Wakkagagerak 5:32

Ndi, Nu nogo tahun lima ratus eeke nagagerik, apuri Tem inom, Kam inom, Yapet inom, aret ndaganabeegerak.

Wakkagagerak 9:18

At Nu apuri yiiro paga nen wundi wogogwaarak nogo ti, Tem inom, Kam inom, Yapet inom, aret wundi wogogwaarak. At Kam nogo nen aput Kanan aret ndareegerak.

Wakkagagerak 9:22

Ayum yirik lek we wonage me, at Kanan ogoba Kam nogo enegen kage nagagerik, yonggo at oreewi mbere nogo yora nagagerak.

1 Mbinineegwaarak 4:40

Time ari nanuk, iri'ngga mili lombok abu abe wonage, ndi, o nogo ti, ambe mondok wiganogo pereegerak wonage, o ti paga wone ambi aga'lek abolok lek abu obeelom wonage, eerak kogogwaarak. O ti paga aa'nduk lombok it aakumi Kam mendek wonogogwaarak kwe,

Ndawi 105:23

Togop aret eerogo pereegerak wonage kagak, Aakumi Iterali mendek o Metit unggwi nogo nogogwaarik, At Yakup nogo aap nggiru kwak o Kam wonagagerak.

Ndawi 105:27

Eeke mbareegi, It imbirak nen Ala iya tit eeke menggerak mendek Inenggela'me time eekwi, O Kam time eerubok mendek eekwi, Eereegwaarak.

Ndawi 106:22

O Kam paga eerubok mendek eeke, Yi kole Laut Merah aa'nggi paga Iniki ma'nariyak mendek eeke, Eeke nagagerak Ala nogo kobak eerogo pugwi, Eekwi iinok,

Ndawi 78:51

Aakumi o Metit mendek inapuri manggu ndarak inooke, Aap Kam mendek inawooliyana aap inamburu abe paga Manggu ndarak nogo inooke, Eereegerak kwe,

Yetaya 11:11

Ne ti eyom paga ninogoba Ala nen at apuri eegu yumbunik o Atiyut nen, o Metit agi-ogu nen, o Kuti nen, o Elam nen, o Mbaben nen, o Kamat nen, niyo laut oolo ku'mbanak paga wonogwe nen, abok aret aa'nduk eereegi kwak, ne ambi eenggi omaawi paga wondet eerogo piinok, iniyokan iname piya woraagin o.

Yeremiya 46:9

Togop me, it kuda-kuda ti, perenggola unggwogwe, It nggweendo wim eeka ti, nggaruk togon nonggok yi unggwogwe, It aap wim eeka inanggeemu ineenggime wonogwe Kuti mendek inom, Put mendek inom, ti, wim eeri unggwogwe, It ineegin wuppunuk wonogwe aap Liriya mendek ti, wim eeri unggwogwe, Eeko logowak o.

Yetikiyen 27:10

It aap o Peritiya mendek inom, Lut mendek inom, Put mendek inom, nen at awuri ineegin warak awim eeka ogwe, Inanggeemu inom, inabetagi omaawi mendek inom, at agobat nabenak paga tugunik-taganik eerogo pegaarak wonage kenok, Aakumi nen, Wi! yinuk, tiyappugwi,

Yetikiyen 38:5

it yi aakumi ndi aakumi inom a'nuk wonogwe aap Peritiya mendek inom, Kuti mendek inom, it o Put mendek inom, nen inanggeemu kunduk, inabetagi omaawi mendek kunduk, yirik nogo at inom wumbiya wage, o Nggomet mendek ineegin warak abok aret inom, it o nda o omarip paga pa'nggwe Mbet-Togarama mendek ineegin warak abok inom, at inom wumbiya wage, eerigin o.