Wakkagagerak 10:1 - Ala Wone Peenok Peebi Mbanak

¹ Niyo paga nen yi aakumi ndi aakumi yi mendek ndi mendek abok aret ndonggoninake mbareegi, at Nu apuri Tem, Kam, Yapet nogo wonogo logonet, inapuri aap ndaganabit nogogwaarak inendage yi o.

Wakkagagerak 10:1 ပူးပေါင်းရင်းမြစ်များ

Wakkagagerak 10:2

At Yapet apuri ti, Nggomet, Magok, Marayi, Yawan, Tuban, Metek, Tirat, aret ndaganabeegerak.

Wakkagagerak 2:4

At Ala nen yi mendek ndi mendek abok tigitogon wakkagagerak wone nogo ti aret o. At Aliku Ala nen mbogut-nggween wakkagagerak ti eyom paga

Wakkagagerak 5:1

Aap Aram ombowologwe wiganak inendage liiru mbanak yi o. Ala nen aakumi wakkage logonet, at etenggen pogom aret ogobakkigirinabeegerak.

Wakkagagerak 5:32

Ndi, Nu nogo tahun lima ratus eeke nagagerik, apuri Tem inom, Kam inom, Yapet inom, aret ndaganabeegerak.

Wakkagagerak 6:9

Aap Nu eeke nagagerak wone yi aret. At Nu apuri ineebe kenagan nogo inendage Tem, Kam, Yapet, aret ndaganabeegerak. Ndi, it yi aakumi ndi aakumi o nggween paga wonogogwaarak nogo abok aret Ala enggaanom paga maluk mban eerit nogwe, yi awi ndi awi abok aret inanini nen ugun-ugun eerit nogwe, eekwi iigak kwe, at Nu alik perak, o ti eyom paga aakumi at inom wonogogwaarak nogo inenggela'me logonet, maluk eeke, aakumi inoone at oba pugwi, eeka'lek obeelom mban eerit nage logonet, Ala imbirak iniki kunik aret wonagagerak.

Wakkagagerak 9:1

Ari nagagerik, Ala nen Nu apurilogwe inom ale'nggen inoba piige logonet, “Kit kineebe ambik wiganit nogo logonet, o nggween paga yime ndak warak logobagip nduk, kinapuri-kinombowologwe ndaganabit nogo logonip o.

Wakkagagerak 9:19

Ndi, aap Nu apuri nogo ti, ineebe kenagan ti aret o. Ndi, ineebe kenagan ti paga nen yi aakumi ndi aakumi o nggween paga yime wigannogogurak.

Wakkagagerak 9:29

at Nu nogo ndarak kagak lambuk togon tahun sembilan ratus lima puluh aret eeke nagagerik, kambeegerak.

Wakkagagerak 9:7

“Ndi, kit perak, o nggween paga yime kinapuri-kinombowologwe wigannarit nogo logowak nduk, kinapuri ambik aret ndaganabit nogo logonip o,” yinuk, yoreegerak.

1 Mbinineegwaarak 1:1

At Aram nen Tet ndake, Tet nen Enot ndake,

1 Mbinineegwaarak 1:4

Ndi, aap Nu apuri aap ndaganabeegerak ti, Tem, Kam, Yapet aret.

Matiyut 1:1

At Ndawut Abarakam imbirak inombooluk Yetut Keritut ombomini nda'narit wundi wogogwaarak inendage liiru mbanak yi o.