Wakkagagerak 1:6 - Ala Wone Peenok Peebi Mbanak

⁶ Ti age mbareegi, at Ala nen ari logonet, “Niyo ambit me lambunik wonage yi, mogonak agi-ogu wonage kagak, o oolo ya'i we nenaarak logowak o,” ari mbareegi,

Wakkagagerak 1:6 ပူးပေါင်းရင်းမြစ်များ

Wakkagagerak 1:14

Ti age mbareegi, oonikiya-liingge mogonak logonet, o weege, o kiip age, yi eyom ndi eyom age, oonegen lagangge-wangge, eeke logorak nogo kenom age, ndi, o oolo ya'i nenaarak nen nggween paga o eya eeke, eeke logowak nduk, Ala nen, “Abinak warak mendek mbogut paga aruwak o,” ari kagak, togop aret

Wakkagagerak 1:20

Ti'nuk, at Ala nen yi mendek ndi mendek inetenggen alitik-alitak abok aret niyo inikime ineenik nugut-tiyak agan nugwi, yirowe-ndirowe mbogut abu'me o oolo ya'i wiga agan nugwi, “Eeko logowak o,” yinuk,

Ayup 26:13

Ambebubu paga mbogut ket yanggo eerogo pege, Waalo kole yi inikime wonage nogo ogole nen mbagangge me, Wooluwak paga polok togon warogo pege,

Ayup 37:11

Ndugwi paga mayu narogo pege, Ndugwi nen o kimbik nggaganogo nappuwak nduk eeppege, Eeke menggerak.

Ayup 37:18

Mbuti tembaga woraappunuk, Pugagi abu omaawi ogobakkigirogo pogo mengga kwak At Ala nen o yi nenaarogo pege logonet, Ndugwi ndak warogo pit nage menggerak nogo Kat togop aret eeriyak mbaken?

Ndawi 104:2

Kabinak paga keebe lenggembatinuk wonage, Yum tabak paga ooliya lenggenogo punuk mengga kwak, Kat togop aret mbogut mbiganogo punuk wonage,

Ndawi 148:4

Kit mbogut ta'mban-mban eerak irimbaga monggotak yi, at tiyappugwi, Niyo mbogut irimbaga yi, at tiyappugwi, Eeko logonip o.

Ndawi 150:1

At Aliku ALA tiyappogo logowok o. Ala alik leenak menggim wonage me tiyappugwi, O mbogut eraanu at omaawi eerit nage menggim wonage me tiyappugwi,

Ndawi 19:1

Mbogut nen, “Ala abu tiyanak menggerak o,” yinuk, ari, Ndi, o oolo we wonage yi nen, “At eenggi paga ogobakkigirogo paneegerak iya o,” yinuk, ari, Yogo menggaarak.

Ndawi 19:2

Ne yogondak nen ne ko'lu yoga'mban eeke, Oonikiya yogondak nen Oonikiya ko'lu eenu eeppega'mban eeke, Eeko menggaarak.

Ndawi 33:6

At Aliku ALA oone ari kagak, Mbogut-nggween aret age, At ambe aagi wungge kagak, Laaluguragan ninggirogo piinet nage,

Wone Alom Kibingga 11:3

Ndugwi paga nen mayu narogo punuk, nggween paga lubu-lubu wambit wage menggerak. Eyo ambi aan woguk togon o omarip paga pa'nggwe ngginnari nage, ambi o ame paga pa'nggwe ngginnari nage, Eeke nagaatik, wambemenggim time aret wonage menggerak.

Yetaya 40:22

At nggween yimun-namun agago pereegerak aakumi wurin kwak wonogo menggam irimbaga at wone lengganogo yorage menggim wonage, Yum tabak mbiganogo nappogo mengga kwak mbogut nenaarogo pege, Ooliya wuppunuk, oo'ngget maako mengga kwak mbogut mbiganogo pege, Eereegerak o.

Yeremiya 10:10

Kaliku ALA perak, kalik Ala aret! Kat kanggeelik mondok keenik wonage, Kendagembogut kitok mondok wonage, Eeke menggendak o. Kanini mbake keenok, nggween yi nuk-nuk ari, Kanini yi aakumi ndi aakumi inoba piige keenok, ko wappunuk, wonaga'lek iniki ma'nogwe, Eeko menggaarak.

Yeremiya 51:15

At Ala eenggi omaawi paga o yi ogobakkigike, Iniki warak nen o nggween yi ena koonogo pege, At eenu paga mbogut mbiganogo nappege, Eereegerak o.

Takariya 12:1

It Iterali eeppiyoorak Aliku ALA nen yereegerak nogo yi aret. O mbogut mbiganogo pege, nggween alom wurabit nage, aakumi ogobakkigirogo piinok, iniki warak eerogo piige, eereegerak Aliku Ala nen ari logonet,

2 Peterut 3:5

Ti yogwe nogo ti, Ala oone paga nen mbogut wakkage, nggween wakkage, eeke logonet, niyo mban wonage mbareegi, Ala nen, “Nggween aruwak o,” ari kagak, niyo inikime nen nggween aret kin age, ti'nuk, ti eyom paga mban peebi mayu nappi wagagerak nogo paga niyo yenggenit lagangge logonet, o aa'nduk wakkagagerak nogo maluk eerogo pege, eereegerak nogo ineenu logonet kwe, taganogo mbo pogo menggaarak o.