Wakkagagerak 1:16 - Ala Wone Peenok Peebi Mbanak

¹⁶ abinak warak mendek mbere, ambi oonegen ti nen liingge eya eepporogo logowak nduk wakkage, ndi, ambi oonikiya tut ti nen eya eepporogo logowak nduk wakkage, eeke nagagerik, laaluguragan inom aret wakkagagerak.

Wakkagagerak 1:16 ပူးပေါင်းရင်းမြစ်များ

Ayup 31:26

Ndi, oonegen abinak eeke, tut abe kemeninuk lagi wage, Eeke nenegen kenok,

Ndawi 148:3

Kit oonegen tut yi, at tiyappugwi, Kit eya eeka laaluguragan yi, at tiyappugwi,

Ndawi 148:5

Aliku ALA nen, “Aruwak o,” yinuk, Oone ari kagak ogobakkigi'narit nogo mbareegup, Kinobaane'me lombok logobagip nduk, pinagit nage, Ambime agak nugwi kiyo, Wone mondok-mondok lengganogo yokkirage, Eereegerak me, Kit abok aret Aliku ALA endage tiyappogo logonip o.

Ndawi 19:6

Oonegen o irip ambi me nen wundi woraanuk, Nage menggim aret nage nagaatik, o irip ambi me unggwi nage me, Mo andi lek me ambime kumaa'nari noorak lek aret o.

Ndawi 74:16

O liingge inom, oonikiya inom, kat nen mban wakkage, Oonegen tut imbirak inobaane'me lombok logowak nduk, Kat nen aret koonogo pege,

Ndawi 8:3

Kat keenggi paga nen kat logowam mbogut ogobakkigike, Tut inom, laaluguragan inom, Inobaane'me lombok logowak nduk eerogo piige, Eereegindak nogo kage kenok,

Yetaya 13:10

Ti eeppiige neegak, Laaluguragan mbogut paga wonogwe inom, Laaluguragan ambit me ninggirik wonogwe inom, Inabinak pinda yogo menggaarak nogo lek age, Oonegen lagi wage nogo apit age, Tut kunduk abinak lek age, Eerigin o.

Yetaya 24:23

At Omaawi Lombok Menggerak Aliku ALA o kota Yerutalem puut Tiyon logonet, Endagembogut a'nuk wone lengganogo yorage, Aakumi at apuri inoweewi nen at abinak kwindagala aago logonet eerit nage inigen kaawak nduk eeke, Eeke kenok, Tut nogo nen, “Nabinak mbuuluk me nagabiti o,” ari, Ndi, mo nen, “An nenggali aga o,” yinuk, ari, Eerugun o.

Yetaya 40:26

Kit kina mbogut paga nikkaanip o. Mbogut paga wonage abok aret ti, ta nen ogobakkigirogo pereegerak mbakop? Lek o! Laaluguragan mbogut paga menggerak abok aret inendage kunogo mbo wiirage kenok, Ambit nggigik wumbiya wage menggerak nogo nen aret ogobakkigirogo pereegerak o. At abu tiyanak mondok omaawi menggerak nogo nen aret eeke me, it ambi kobak arugun mondok lek aret o.

Yetaya 45:7

O liingge wakkage, oonikiya wakkage, Obeelom eerogo piige, maluk eerogo piige, Eeke minggirak yi abok aret ti, Naliku ALA nen aret eeke minggirak o,” yinuk, yoge kagarak.

Yeremiya 31:35

Aliku ALA nen yegerak nogo yi aret. “O liingge eya eeke logot o,” yinuk, oonegen yoge, “Oonikiya eya eeko logonip o,” yinuk, tut laaluguragan imbirak wone lengganogo yorage, Niyo nggwok yenggenak laut kilaarak-mogonik eeke logonet, oonebu ari logowak nduk, eerogo pege, Eeke menggerak endage Omaawi Lombok Menggerak Aliku ALA nen ari logonet,

Abakuk 3:11

Komaale namburik abigan o kimbik negen eeke, Kawooluwak namburik nage logonet, abinak pindanggage, Eeke paga Oonegen inom, tut inom, inobaane'me mbogut paga nogome puk ogwe iigirak o.

Matiyut 24:29

Wone ambinom yorage logonet, “Kineebe aaninggin-paaninggin eeppinagago mbaremengga, Oonegen apit age, tut abinak lek age, Laaluguragan mbogut paga nen nggaru-nggaru nggween paga wambit wage, It mbogut oolo yime inomaawi menggaarak nogo, inaganak nugirage, Eerigin o.

Matiyut 27:45

Yogo mbareegwa, o liingge oonegen 12 kuli paga nen nok, oonegen 3 kuli ari nage kagak, o time apit aago aret wonagagerak.

1 Korindut 15:41

Oonegen abinak alik, tut abinak alik, laaluguragan abinak alik, ndi, laaluguragan ando inabinak alitak lombok aret menggaarak.

Pelaareegerak 4:19

Ndi, oonegen inom, tut inom, laaluguragan inom, mbogut paga wonage abok aret ti, yi aakumi ndi aakumi o nggween paga yime menggaarak abok aret at Aliku kinogoba Ala nen terak ninake wo'niragagerak me, kit nen oonegen inom, tut inom, laaluguragan inom, mbogut paga wonage abok aret kinigen nikkogo logomonggotik, inayuk wukwi, inalut eekwi, eeko logobagip nduk, aakumi nen kiniki nomongginabi worookwak, Mage, yokkirage agarik o.

Wayu 21:23

At Ala abu tiyanak eebe eya ndelenak-welenak eeke nogo paga o kota ti, eya eeke, ndi, ndi wuninik pogom ti, Ndomba Aagaluk nen aret eya eeke, eekwi me, it aakumi nen, “Oonegen inom, tut inom, eya aruwak lak ao,” yinuk, yaga'lek aret iigirak.