Wakkagagerak 1:14 - Ala Wone Peenok Peebi Mbanak

^14-15 Ti age mbareegi, oonikiya-liingge mogonak logonet, o weege, o kiip age, yi eyom ndi eyom age, oonegen lagangge-wangge, eeke logorak nogo kenom age, ndi, o oolo ya'i nenaarak nen nggween paga o eya eeke, eeke logowak nduk, Ala nen, “Abinak warak mendek mbogut paga aruwak o,” ari kagak, togop aret

Wakkagagerak 1:14 ပူးပေါင်းရင်းမြစ်များ

Wakkagagerak 1:13

Ti eereegerak nogo o kiip age, o weege, eeke ne ambi 3 aret agagerak.

Wakkagagerak 8:22

Yogondak o nggween yi, Lek aga'lek awo wonage kagak, Mbi puut age, lek age, O kibi age, mayu wage, O togwi age, aganggen age, O kiip age, o weege, Togop aret eeke logogin o,” yinuk, yereegerak.

Wakkagagerak 9:13

kineenu agak, luware mbogut paga karerogo nappigi o. Nappege neenok, aakumi nen yogo logonet, Ala nen nit aakumi o nggween paga wonogwe ninake nen wone abuk nggaruk togon mbangge logonet, luware karerogo pereegerak yi o, yinuk, yogo logogun o.

Ayup 25:3

At awuri ineegin warak aago ineenggi linggininaburak op mbaken? At yi o ndi o eya eeppege logonet, o ambit-ambi eya eeppegeelik mbaken? Abok aret eeppege menggerak me,

Ayup 25:5

At Ala nogo nen tut abinak mbuuluk wonage kage, Laaluguragan eya abe lek kage, Eeke menggerak me,

Ndawi 119:91

Wone lengganogo pereegindak paga Yi mendek ndi mendek ogobakkigiri'nagagerak kayeloman mini negen aret wonogwe me, Lek aga'lek o yogondak wonogwe aret o.

Ndawi 148:3

Kit oonegen tut yi, at tiyappugwi, Kit eya eeka laaluguragan yi, at tiyappugwi,

Ndawi 150:1

At Aliku ALA tiyappogo logowok o. Ala alik leenak menggim wonage me tiyappugwi, O mbogut eraanu at omaawi eerit nage menggim wonage me tiyappugwi,

Ndawi 81:3

Tut awo ngget penengge paga, Tut abu penengge kenok, ninale'nggen nen laago lariyak koonak nogo paga, Ndomba eyak paga oone pu eeko logonip o.

Yetaya 40:26

Kit kina mbogut paga nikkaanip o. Mbogut paga wonage abok aret ti, ta nen ogobakkigirogo pereegerak mbakop? Lek o! Laaluguragan mbogut paga menggerak abok aret inendage kunogo mbo wiirage kenok, Ambit nggigik wumbiya wage menggerak nogo nen aret ogobakkigirogo pereegerak o. At abu tiyanak mondok omaawi menggerak nogo nen aret eeke me, it ambi kobak arugun mondok lek aret o.

Yeremiya 10:2

Aliku ALA nen yegerak nogo yi aret. “It yi aakumi ndi aakumi nen yogop-ndogop yogo menggaarak nogo ti, We aanom warogo yogo menggaarak kagak, it Iterali mugurok nogwe, Mbogut paga tam warak mendek eeke inigen kenok, yi aakumi ndi aakumi inamineeri ne agan nage menggerak kwe, It Iterali inigen kogwe kenok, inamineeri ne agan nage, Eerugwaarik o. It yi aakumi ndi aakumi ti nen eyo eyonggaame mendek muurogo pugwi, Aap inogut ogobakkigika nen eyo ti paga kugi ogut eerogo pugwi,

Yeremiya 31:35

Aliku ALA nen yegerak nogo yi aret. “O liingge eya eeke logot o,” yinuk, oonegen yoge, “Oonikiya eya eeko logonip o,” yinuk, tut laaluguragan imbirak wone lengganogo yorage, Niyo nggwok yenggenak laut kilaarak-mogonik eeke logonet, oonebu ari logowak nduk, eerogo pege, Eeke menggerak endage Omaawi Lombok Menggerak Aliku ALA nen ari logonet,

Yeremiya 33:20

Aliku ALA nen ari logonet, “An nen o liingge age logorak koonogo pege, oonikiya age logorak koonogo pege, eereegirak nogo eyom ndak-ndak ari waga'lek alik paga ari woroorak kooniyak meek ti kokwak,

Yeremiya 33:25

Naliku ALA nen o liingge age logorak koonogo pege, oonikiya age logorak koonogo pege, ndi, mbogut-nggween imbirak eeko logorak koonogo pege, eereegirak nogo mondok nu'lek logonet eeko logowak o, yinuk, koonogo puulik nombariyak meek ti kokwak,

Yetikiyen 46:1

Aliku Itok Menggerak ALA nen yegerak nogo yi aret. “Oore'nggam akem time ungguwok nduk, tu unggwogo logowam oonegen lagi wage menggim pa'nggwe wonage nogo, narak wonage kagak, ne 6 paga yabu eeko logorak kwe, nogo 6 yippunuk, ko'lu yonggonggologo logorak nogo paga inom, tut ngget penengge kenok eeko logorak nogo paga inom, ti, tu paarak logowak o.

Yetikiyen 46:6

Tut ngget penengge kenok eeko logorak ne ti eyom paga at nen tapi ngguunok awooluk inom, ndomba aagalogwe 6 inom, ndomba ngguunok ambit inom, abok aret ti, awinde-obaande eerak lek mban warogo wo'niruwak nduk, pi woraawak o.

Yowen 2:10

It unggwi nogwe iigak, nggween ndipuk eeke, Mbogut nuk-nuk eeke, Oonegen inom, tut inom, yumaak eerogo pege, Laaluguragan abinak eeke menggerak nogo lek age, Eeke agaarik o.

Yowen 3:15

Oonegen inom, tut inom, abinak lek age, Laaluguragan abok aret inabi'nak nogo lek age, Eerigin o.

Amot 5:8

Laaluguragan o mbogut paga ninggirik kuwak aago Kartika inom, Belantik inom, wakkagagerak nogo nen o apit aago wonage nogo obaane'me o weeruwak nduk, eerogo pege, O liingge wonage nogo obaane'me oonikiya eerogo pege, Niyo nggwok yenggenak laut nogo, wiiremenggerak wundi wage kenok, nggween paga kilirogo wunabit nage, Eeke menggerak endage ti, Aliku ALA aret o.

Amot 8:9

“Ne ti paga ariyak nogo ti, o liingge kagak oonegen kilu yi nage, O liingge wonage kagak, o nggween paga apit age, Eeruwak nduk, eeppigin o.

Matiyut 2:2

“Aap Yakuri inowe endagembogut nda'nagaarak nogo eebe ngge o? Oonegen lagi wage menggim nen at elaaluguragan wunggerak ninigen kogo nogoorik, ayuk wurogo alut eeruwok nduk wogo o.”

Matiyut 24:29

Wone ambinom yorage logonet, “Kineebe aaninggin-paaninggin eeppinagago mbaremengga, Oonegen apit age, tut abinak lek age, Laaluguragan mbogut paga nen nggaru-nggaru nggween paga wambit wage, It mbogut oolo yime inomaawi menggaarak nogo, inaganak nugirage, Eerigin o.

Marakut 13:24

Wone ambinom yorage logonet, “Ti eyom paga aaninggin-paaninggin eeppinagago mbaremengga, Oonegen apit age, tut abinak lek age,

Pelaareegerak 4:19

Ndi, oonegen inom, tut inom, laaluguragan inom, mbogut paga wonage abok aret ti, yi aakumi ndi aakumi o nggween paga yime menggaarak abok aret at Aliku kinogoba Ala nen terak ninake wo'niragagerak me, kit nen oonegen inom, tut inom, laaluguragan inom, mbogut paga wonage abok aret kinigen nikkogo logomonggotik, inayuk wukwi, inalut eekwi, eeko logobagip nduk, aakumi nen kiniki nomongginabi worookwak, Mage, yokkirage agarik o.

Wayu 6:12

Ti'nuk, Ndomba Aagaluk nogo nen keele 5 maarak piingge nagaarik, ambi maarak nogo piingge mbaki, o mi nggwok nuk ari, kibiyan kiik worako mengga kwak oonegen apit age, tut aakumi inamiya negen age,

Wayu 8:12

Malayikat kenagan oone nggwok eeka inarompet nogo, oone eeko mbaka, at ambi nen arompet oone eeke kagak, oonegen eya inom, tut eya inom, laaluguragan eya inom, abeenok mogonogo sepertiga nogo, abinak lek eerogo pege kenok, o liingge nogo eya mbuuluk age, ndi, oonikiya kenok, o abu apit age, eeke logowak nduk, oonegen eya inom, tut eya inom, laaluguragan eya inom, ando mogonogo teppege logonet, ando sepertiga nogo, abinak lek age kagarak.

Wayu 9:2

Wogogerak Kambunuk Nogo Menggam mbuun ambe nogo tu paake mbaki, yugum yugu ka'luk yonggo-ndonggo eeke menggi kwak, mbuun ambena nen ka'luk alik negen lagi wage logonet, oonegen inom, o oolo ogona ya'i inom, apit eerogo pege kagarak.