Wakkagagerak 1:12 - Ala Wone Peenok Peebi Mbanak

¹² nggween me nen iri'ngga-kale'ngga alitik-alitak etenggen lombok abok aret it mendek mban anggen yi'nage, it mendek mban agarip wundit nage, eeke mbareegi, at Ala nen, “Obeelom aret kagi,” mbareegerak.

Wakkagagerak 1:12 ပူးပေါင်းရင်းမြစ်များ

Wakkagagerak 1:11

Mbake nagagerik, at Ala nen, “Nggween yi paga iri'ngga-kale'ngga etenggen alitak mendek abok aret wundit nogo logomenggaarik, it mendek mban anggen yi'nage, agarip lagit nage, eeke logowak nduk, wunduwak o,” ari kagak, togop aret

Wakkagagerak 1:13

Ti eereegerak nogo o kiip age, o weege, eeke ne ambi 3 aret agagerak.

Ndawi 104:14

Tapi-ndomba inake iri'ngga mbilanuwak nduk eeppege, Aakumi nen yi mendek ndi mendek awi yarit nogo logowak nduk, eerogo pege, Eeke keenok Nggween nen nunggwi mendek wogorage nogo yi o.

Yetaya 61:11

Nggween nen yi mendek ndi mendek awi mbilanogo nippit wage, Yabu wogome anggen yumbunggaatak mbilanogo nippit wa'nuk, anggen kole eerogo pege, Eeke menggi kwak, Aliku Itok Menggerak ALA nen obeelom mban eerit nugu logorak inom, inale'nggen nen at endage tiyappogo logorak inom, Yi aakumi ndi aakumi inenggaanom paga eekwi ti, togop aret kin eerogo wumbigin o,” yinuk, yegerak o.

Marakut 4:28

Nggween paga yumbunik me, aburen aret wungge menggerak o. Wungge logonet, engga mbere agago ero lagangge nagaatik, anggen yippunuk, eebe kole age menggerak.

Lukat 6:44

Yi eyo ndi eyo eebe anggen yege paga ineenu ogo menggaarak. Kit eyo wuli anggen nogo eyo poondo alokwi paga yugu me mbanggulik o. Ndi, anggur anggen nogo keele togona'le paga yugu me waganggulik mban.

2 Korindut 9:10

It aap awi yaka nen yaruwak nduk awi pipuk eerogo pege, ndi, mbi eebe ndaruwak nduk kole eerogo pege, eeke menggerak Ala nogo nen kit kunduk, aakumi yeenggwaaroorak nduk, awi negen pipuk agago nggwok aret wokkirage, ndi, mbi eebe ndaruwok nduk, kole eerogo pege menggi kwak, aakumi inabuwa nen wogorogwe kiinok, Ala nen nggwok aret wokkirage, eeke logogin o.

Nggalatiya 6:7

Ala ambokan laganggulik kagak, ambokan laganggwi kiinok, kit aret kinambokan laganggologwe me, liippako logonip o. Aap ambi awi yaremenggerak nogo ti, anggen ti mendek aret mbanggolage menggerak me,

Iberani 6:7

O mayu wangge logonet, nggween yawenogo pegetak me, aakumi awi yakkolagaatak nogo nen anggen obeelom mbanggologwe Ala nen iige nagaatik, “Nggween yi, obeelom aret o,” yinuk, ale'nggen mbake menggerak kwe,