Wakkagagerak 1:11 - Ala Wone Peenok Peebi Mbanak

¹¹ Mbake nagagerik, at Ala nen, “Nggween yi paga iri'ngga-kale'ngga etenggen alitak mendek abok aret wundit nogo logomenggaarik, it mendek mban anggen yi'nage, agarip lagit nage, eeke logowak nduk, wunduwak o,” ari kagak, togop aret

Wakkagagerak 1:11 ပူးပေါင်းရင်းမြစ်များ

Wakkagagerak 1:12

nggween me nen iri'ngga-kale'ngga alitik-alitak etenggen lombok abok aret it mendek mban anggen yi'nage, it mendek mban agarip wundit nage, eeke mbareegi, at Ala nen, “Obeelom aret kagi,” mbareegerak.

Wakkagagerak 1:29

Yorage nagagerik, at Ala nen, “O nggween paga yime yi mendek ndi mendek eebe nggween me nen piike menggerak inom, iri'ngga-kale'ngga yi eyo ndi eyo anggen yege menggerak inom, abok aret nonggo logobagip nduk, unde eeppinagagi o.

Wakkagagerak 2:16

Pege nagagerik, at Aliku Ala nen aap nogo yoge logonet, “Eyoonggen-kalenggen yabume yime yarak wonage nogo ti, abok aret kat nen mbanogo nenet nage logorak op aret kwe,

Wakkagagerak 2:5

o nggween paga igale inagarip lagit nage, iri'ngga-kale'ngga awo mbilangge, ndi, aakumi kunduk ineebe wonogwe lek me, yabu waganggwi, eeka'lek aret wonogogwaarak. Ndi, ti eyom paga at Aliku Ala nen mayu wurabi waga'lek kagak kwe,

Wakkagagerak 2:9

Pege nagagerik, at Aliku Ala nen, “Yi eyo ndi eyo abu obeelom eyoonggen-kalenggen ombat abe yit nage kenok, nonggo logowak o,” yinuk, igale awi abok aret mbilanogo wundit nawak nduk, eereegerak. Ndi, igale wundit nagagerak enggela'me oolo time eyo ambi ineenik aganaka inom, eyo ambi maluk-obeelom ineenu agak inom, laganeegerak.

Ayup 28:5

Nggween aakumi inambi magarage nogo Irimbaga wonage kagak, nggween abena ti, Kani eyak nen yugum yanggunogo nappit nage kwak, Togop aret eerogo pit nage menggerak me,

Ndawi 1:3

Eyo niyo eneeri me yarak logonet, anggen yege eyom paga anggen yege, Engga mbuk ageelik ki wonage, Eeke menggi kwak, Aap ti, eeriyak mbake nogo A'me nggelok mban arit nage logogin o.

Ndawi 147:8

At nen mbogut paga ndugwi lenggenogo pege, O mayu nen nggween miin eerogo puwak nduk, pipuk eerogo pege, Puut-puut paga iri'ngga laganuwak nduk, eeppit nage,

Yetaya 61:11

Nggween nen yi mendek ndi mendek awi mbilanogo nippit wage, Yabu wogome anggen yumbunggaatak mbilanogo nippit wa'nuk, anggen kole eerogo pege, Eeke menggi kwak, Aliku Itok Menggerak ALA nen obeelom mban eerit nugu logorak inom, inale'nggen nen at endage tiyappogo logorak inom, Yi aakumi ndi aakumi inenggaanom paga eekwi ti, togop aret kin eerogo wumbigin o,” yinuk, yegerak o.

Yeremiya 17:8

Eyo niyo aa'nggi paga yarak omanggen niyo ambet paga yari unggwegetak me, O kibi paga mo andi nen, Nagaro mbuk arigin kagi, mbakeelik agaro mondok ki logonet, engga mili kwit agan lagangge, O kibi wungge paga ayo wake mono-mono wangge menggim ari wage kenok, Nanggen yigin lek kagi, Yinuk, mbakeelik anggen mondok-mondok yege logogin, mbake, Eeke menggi kwak, At aap ti togop aret logogin o,” yinuk, yegerak o.

Matiyut 3:10

Ye eyo alom muk kundugu agaarak me, yi eyo ndi eyo anggen obeelom mendek yege lek kenok, muurogo kani kunik me mambigin o.

Matiyut 6:30

Iri'ngga-kale'ngga endekem mendek yogondak ki lagangge, ndi, ko'lu tekkani pugwi iinok, nengge, eeke menggerak kwe, at Ala nen enete abe eerogo pege menggerak me, at nen iri'ngga nogo mbuuluk eeppege, ndi, kit aap kiniki Ala liirogon abet ombaka'lek mendek yi, mondok iya negen eeppinagage, eerigin lek mbakop?

Marakut 4:28

Nggween paga yumbunik me, aburen aret wungge menggerak o. Wungge logonet, engga mbere agago ero lagangge nagaatik, anggen yippunuk, eebe kole age menggerak.

1 Korindut 15:38

mbilanikit nduk eeke logonet, eebe-etenggen alitak lombok mbilangge menggerak nogo ti, Ala nen mban iniki koombunuk, eeppege menggerak o.

Iberani 6:7

O mayu wangge logonet, nggween yawenogo pegetak me, aakumi awi yakkolagaatak nogo nen anggen obeelom mbanggologwe Ala nen iige nagaatik, “Nggween yi, obeelom aret o,” yinuk, ale'nggen mbake menggerak kwe,

Yakobut 3:12

Woromo nen tawi yege, tawi nen woromo yege, eeriyak op mbakop? Ndi, niyo nggut nen niyo mili wundiyak op mbakop? Togop mondok eekeelik o, noreewi.