Wakkagagerak 1:1 - Ala Wone Peenok Peebi Mbanak

¹ O maan aa'nduk at Ala nen mbogut inom, nggween inom, wakkagagerak.

Wakkagagerak 1:1 ပူးပေါင်းရင်းမြစ်များ

2 Endagembogut 19:15

Mbiganogo punuk, tamban paga Aliku ALA yoge logonet, “Kaliku Iterali inogoba Ala o. Malayikat kwak kerub aru-ogwe iigak, kat oolo wone lengganogo yorage menggenom wonage, kat Ala kalik aret me, o nggween paga yime yi aakumi ndi aakumi abok aret inabu'me piigo menggam kat mban kabu'me piinok wonage, eeke menggendak o. Mbogut-nggween kunduk, kat nen aret wakkagagindak me,

1 Mbinineegwaarak 16:26

Yi aakumi ndi aakumi inagugi inayuk wukwi ti, Kugiwak ineenggi paga nen ogobakkigirik aret kwe, At Aliku ALA nen perak, Mbogut aret ogobakkigirogo pereegerak o.

2 Mbinineegwaarak 2:11

Talomo nen wone eerogo nappereegerak nogo aap o Tirut inowe endagembogut Kiram nogo konengge nagagerik, wone onggo liiru mbanogo nappi wage logonet, “Aliku ALA nen at apuri inabuwa lombok mbake menggerak me, inarum logonok nduk, kendagembogut mippagareegerak o.”

Nekemiya 9:6

Kaliku ALA kalik aret menggendak o. Kat nen mbogut inom, mbogut ta'mbanak irimbaga inom, laaluguragan abinak kwindagala eeke nogo inom, o nggween inom, yi mendek ndi mendek nggween paga wonage inom, niyo yenggenak laut inom, niyo yenggenak laut inikime menggaarak inom, abok aret ogobakkigirogo pit nagagindak o. Yi mendek ndi mendek abok aret ki logowak nduk, eerogo piige, nit aakumi nineenik logowok nduk, eerogo pinanege, eeke menggendak me, it mbogut paga menggaarak abok aret inendobanggun yindumbunuk kalut eeko menggaarak o.

Ayup 26:13

Ambebubu paga mbogut ket yanggo eerogo pege, Waalo kole yi inikime wonage nogo ogole nen mbagangge me, Wooluwak paga polok togon warogo pege,

Ayup 38:4

An o nggween yi, alom lombok kwippege neegak, kat ngga wonagagindak? Keenu kenok, mbininogo yo'niru o.

Ayup 9:8

At alik nen mban mbogut mbiganogo pege, Niyo laut kilaarak-mogonik eeke paga iyok pit nage,

Ndawi 102:25

O maan aa'nduk nggween yi alom kwippege, Kat keenggi paga nen mbogut ogobakkigirogo pege, Eereegindak o.

Ndawi 104:24

Kaliku ALA wae. Kat yi eekak ndi eekak ambik lombok eeke menggendak o. Kiniki warak nen yi mendek ndi mendek ogobakkigirogo Piyareegindak nogo O nggween paga ndak warak wonogo menggaarak.

Ndawi 104:30

Aberiniki kimbirak wonage nogo nappi wage keenok, It inobaane'me alik nda'naruwak nduk eeppiige, O nggween yi enete ngget alik eerogo pege, Eeke menggendak o.

Ndawi 115:15

Mbogut-nggween wakkagagerak Aliku ALA nen ale'nggen kinoba pinagage, Eeke logowak o.

Ndawi 121:2

An yeenggwa nege menggerak nogo ti, At mbogut-nggween wakkagagerak Aliku ALA aret o.

Ndawi 124:8

Mbogut-nggween wakkagagerak Aliku ALA endage kunogo yogwi niinok, At nen yeenggwa nirage menggerak o.

Ndawi 134:3

O mbogut-nggween wakkagagerak Aliku ALA nen O Tiyon logonet ale'nggen kinoba pinagage logowak o.

Ndawi 136:5

At iniki warak lombok nen Mbogut wakkagagerak me, “Wa,” yogo logonip o. & Ninabuwa mbake ti, itok kunik wonage o.

Ndawi 146:6

Mbogut inom, nggween inom, niyo kole laut inom, Yi niyo ndi niyo inikime menggaarak abok inom, Ogobakkigirogo piyareegerak inogoba Aliku Ala aret o. Aliku ALA yorage nagaatik, Li'lak mondok-mondok eeppiinet wundi wage,

Ndawi 33:6

At Aliku ALA oone ari kagak, Mbogut-nggween aret age, At ambe aagi wungge kagak, Laaluguragan ninggirogo piinet nage,

Ndawi 8:3

Kat keenggi paga nen kat logowam mbogut ogobakkigike, Tut inom, laaluguragan inom, Inobaane'me lombok logowak nduk eerogo piige, Eereegindak nogo kage kenok,

Ndawi 8:4

Nit aakumi yi, taani me nduk abe'ninake, Ndi, aap inapuri nit yi, taani me nduk, liippinanege, Eeke mbake minggirak?

Ndawi 90:2

Puut-puut alom awo kwippega'lek logonet, O nggween yi, awo wakkaga'lek logonet, Mbogut-nggween awo wakkaga'lek logonet, O aa'nduk nen nok, age yobok kuli kitok mondok-mondok menggendak kat Ala aret o.

Ndawi 96:5

Yi aakumi ndi aakumi inagugi inayuk wukwi ti, Kugiwak ineenggi paga nen ogobakkigirik aret kwe, At Aliku ALA perak, Mbogut aret ogobakkigirogo pereegerak o.

Wundeegwaarak 20:11

Naliku an ALA nen mbogut-nggween inom, niyo inom, yi mendek ndi mendek abok aret wakkage neegak, ne 6 wonagagirik, ko'lu paga yonggonggolagagirak me, ko'lu ti, Naliku ALA nale'nggen mbake logonet, nake leenogo pateegirak o.

Wundeegwaarak 31:18

Muta nogo at Aliku ALA imbirak puut Tinayi paga wone abu aret mbambogo nogogwaarik, wone, “Yogop ee'nu ndogop ee'nu,” yinuk, Ala eenggi paga yugum tabak mbere paga liiru mbaneegerak nogo, Muta wogoreegerak.

Kini Wuppiige 16:4

Yi mendek ndi mendek eeriyak koonggwi nogo abok aret aakumi nen, “Ti yogop nduk eeruwok o,” mba'nuk eerit nogwe nogo Aliku ALA nen waganogo at eeriyak mbaketak mban eerit nage, Ndi, it aap maluk mendek kunduk, aakumi aaninggin inoba eeppiyoorak eyom paga, it maluk mendek ti inake eeppiyoorak nduk, pipuk eerogo piige, eeke menggerak.

Kini Wuppiige 3:19

Iniki warak paga Aliku ALA nen o nggween yi, alom ndoonogo pege, Wone alom eenu paga nen mbogut ti koonogo nappege,

Wone Alom Kibingga 12:1

Kat awo tawe logonet, at ogobakkigirogo pagareegerak nogo abeke logot o. Maluk koba ariyak ne nogo awo ari waga'lek kagak, “An nda'nagagirak yi tahun ndi tahun ari nage kagak, niniki ale'nggen ee'nabigin lek kagi o,” yuurak eyom awo panggoni waga'lek kagak,

Yetaya 37:16

“Komaawi Lombok Menggendak Iterali inogoba Kaliku Ala o. Malayikat kwak kerub aru-ogwe iigak, kat oolo wone lengganogo yorage menggenom wonage, kat Ala kalik aret me, o nggween paga yime yi aakumi ndi aakumi abok aret inabu'me piigo menggam kat mban kabu'me piinok wonage, eeke menggendak o. Mbogut-nggween kunduk, kat nen aret wakkagagindak me,

Yetaya 40:21

Wone ti, kit kineenu ogwe, kinaruk konenggwi, Eeka'lek ogotik ya? O aa'nduk lombok agagerak kuli nen yokkiraga'lek ya? O nggween yi alom kwippereegerak kuli nen liippega'lek ya?

Yetaya 40:26

Kit kina mbogut paga nikkaanip o. Mbogut paga wonage abok aret ti, ta nen ogobakkigirogo pereegerak mbakop? Lek o! Laaluguragan mbogut paga menggerak abok aret inendage kunogo mbo wiirage kenok, Ambit nggigik wumbiya wage menggerak nogo nen aret ogobakkigirogo pereegerak o. At abu tiyanak mondok omaawi menggerak nogo nen aret eeke me, it ambi kobak arugun mondok lek aret o.

Yetaya 40:28

O nggween alom nen nok irip kuli ogobakkigireegerak mondok-mondok menggerak Ala ti, Aliku ALA aret keenu age, karuk konengge, Eeka'lek agandik ya? At aret eereegerak me, at omaawi lek age, ta'liila eeke, eekeelik o. Ndi, at yi wone ndi wone eenu menggerak nogo aakumi nen liippugulik aret o.

Yetaya 42:5

At mbogut nenaappunuk wiganogo pege, Nggween ogobakkigirogo punuk, iri'ngga-kale'ngga mban enete kuurik lek eerogo pege, It aakumi o nggween paga yime ineenik ndelenak-welenak nugu logowak nduk, ambe aagi inikime mambege, Eereegerak Aliku Ala nen yegerak nogo yi aret.

Yetaya 44:24

Kat kagalo inikime nen keenggi-kiyok warak eerogo pagage, Wondet eerogo pagage, eereegerak Aliku ALA nen wone yegerak nogo yi aret. “Yi mendek ndi mendek apit aret wakkage, Mbogut nenaarogo pege, nggween ambe wiganogo pege,

Yetaya 45:18

At mbogut wakkage, nggween wakkage, eereegerak nogo ti, Ala aret me, O we tenak logowak nduk wakkoolik o. Ata, nggween yi, aakumi wonogo logowak nduk wakkagagerak Aliku ALA nen yegerak nogo yi aret. “Naliku ALA an aret me, an neegak Ala alik ambi wonage lek aret o.

Yetaya 51:13

O nggween yi alom kwippege, mbogut mbiganogo pege, Eeke nagagirik, Kineebe ogobakkigirogo pinagareegirak Naliku ALA kobak eerogo panugwi, It aakumi maluk eerogo piyoorak mbako menggaarak nogo inanini nen maluk eeppinanugwi iyo, yinuk, O kuubondendok nen nok oonikiya ari nage paga kinaganak warit nugwi, Eekwi yi, taani o? It inanini nen maluk eeppinagarak nogo ineebe nggeeme wonogo agaarik? Lek aret o.

Yetaya 51:16

O nggween alom kwippege, mbogut mbiganogo pege, Eeke nagagirik, Kit an napuri aret o, yinuk, It o Tiyon wonogwe yorage minggirak nogo ti, an aret o. Noone yorage logonok nduk, kinikime mambege, Ngguna'me mengga kwak neenggi tabak paga nobappaganuk wonage, Eereegirak o,” yinuk, yegerak o.

Yetaya 65:17

At Aliku ALA nen ari logonet, “An nen mbogut ngget mendek ogobakkigirogo pege, Nggween ngget mendek ogobakkigirogo pege, Eerigin o. Aa'nduk lombok eerit wogo nogogutak nogo ambinom niniki abe'nage, Ninikime nen ambi koonnage, Eerigin abu lek o.

Yeremiya 10:12

At Ala eenggi omaawi paga o yi ogobakkigike, Iniki warak nen o nggween yi, ena koonogo pege, At eenu paga mbogut mbiganogo nappege, Eereegerak o.

Yeremiya 32:17

“Kaliku Kitok Menggendak ALA ai. Kat nen eeriyak meek ambi lek ti lek abok op mban aret o. Keenggi omaawi paga eeriyak kobam aret me, nggween inom, mbogut inom, wakkagagindak o.

Yeremiya 51:15

At Ala eenggi omaawi paga o yi ogobakkigike, Iniki warak nen o nggween yi ena koonogo pege, At eenu paga mbogut mbiganogo nappege, Eereegerak o.

Takariya 12:1

It Iterali eeppiyoorak Aliku ALA nen yereegerak nogo yi aret. O mbogut mbiganogo pege, nggween alom wurabit nage, aakumi ogobakkigirogo piinok, iniki warak eerogo piige, eereegerak Aliku Ala nen ari logonet,

Matiyut 11:25

O ti eyom paga Yetut nen at ogoba yoge logonet, “Mbogut-nggween unde nogoba wa! Kat eeriyak yi nogo, it aap iniki warak inom, iniki ngget inom, ineenu ogwe iyo, nobappunuk, it elege-aabologwe kwak mban paganogo yoragagindak me, wa!

Marakut 13:19

At Ala nen yi mendek ndi mendek wakkagagerak kuli nen nok, yogondak kuli aakumi inoba aaninggin-paaninggin eeppiigo nogogwaarak kwe, ti, we mbuuluk aret eeppiigo nogogwaarak. Yogondak kunduk mbuuluk aret eeppiigwi kwe, o ti eyom paga inoba aaninggin-paaninggin alik tam warak lombok eeppiigwi iyaagun o.

Nappiigak 14:15

“Wologo wae. Nit kit kokwak abe aakumi aret me, kit nonggop nduk yogop eeko ogotik? Kit yi eekak ndi eekak aanom warogo eeko monggotak yi, mbo punuk, at mbogut inom, nggween inom, yi nggwok yenggenak laut inom, yi mendek ndi mendek abok wakkagagerak Ala eenik menggerak nogo wone waabagip nduk, obeelom wone wonok yokkira wogoorak kagak kwe, eeko ogotik o.

Nappiigak 17:24

Yorage nagagerik, “At nggween inom, yi mendek ndi mendek nggween paga mendek abok inom, wakkagagerak Ala nogo ti, mbogutnggween unde at aret me, at kugiwak awi aap nen wureegwam nogome wonageelik o.

Nappiigak 4:24

Yorogwe nogo it inaruk konenggo nogogwaarik, it inom iniki lambunna'nuk tamban eeko logonet, “Kaliku ninogoba Ala o. Mbogut-nggween inom, yi yenggenak laut inom, yi mendek ndi mendek abok kat nen mban wakkagagindak o.

Oroma 11:36

At nen aret yi mendek ndi mendek abok aret wakkage, at nen aret yi mendek ndi mendek unde wonage, ndi, at nen aret yi mendek ndi mendek paga at endage tiyak yuwak nduk eeppege, eeke menggerak me, at endage mondok-mondok tiyanak aret logowak o. Amin!

1 Korindut 8:6

nit perak, ninogoba ambit Ala aret wonage o. At nen mban yi mendek ndi mendek abok aret wakkagagerak me, nit at ake aret nineenik ogoorik o. Ndi, ninowe Yetut Keritut kunduk ambit aret o. At eereegerak paga yi mendek ndi mendek warak eerogo pege nagagerik, nit nineenik logowok nduk, eeppinanege menggerak nineenu ogoorik o.

Iberani 1:10

wone alik ambi ari logonet, “Nogoba o. O maan aa'nduk nggween yi, alom kwippege, Kat keenggi paga nen mbogut ogobakkigirogo pege, Eereegindak o.

Iberani 1:2

o yogondak irip paga perak, ninenggela'me logonet, ogoba oone yo'nirage logowak nduk, aput lombok nappi wagagerak o. “Naput mban yi mendek ndi mendek unde logowak o,” yinuk, mippege nagagerik, ogoba nen, “Yogop ee'nu, ndogop ee'nu,” yoge kagak, aput nogo nen mbogut-nggween yi mendek ndi mendek abok aret wakkagagerak.

Iberani 11:3

At Ala oone paga nen mbogut-nggween wakkagagerak nogo ninigen kogo logonet, “Yi Ala nen aret wakkagagerak o,” yinuk, abet mbakwi paga nineenu ogwe me, yi mendek ndi mendek ninigen kogwe yi, ninigen kaga'lek nogo paga nen wakkagagerak kogo o.

Iberani 3:4

Yi o ndi o ti, aakumi nen aret wuko menggaarak kwe, yi mendek ndi mendek abok aret ti, Ala nen aret ogobakkigireegerak.

2 Peterut 3:5

Ti yogwe nogo ti, Ala oone paga nen mbogut wakkage, nggween wakkage, eeke logonet, niyo mban wonage mbareegi, Ala nen, “Nggween aruwak o,” ari kagak, niyo inikime nen nggween aret kin age, ti'nuk, ti eyom paga mban peebi mayu nappi wagagerak nogo paga niyo yenggenit lagangge logonet, o aa'nduk wakkagagerak nogo maluk eerogo pege, eereegerak nogo ineenu logonet kwe, taganogo mbo pogo menggaarak o.

1 Yaya 1:1

Mbogut-nggween yi, awo wakkaga'lek kagak aa'nduk togon wonagagerak aakumi ineenik eeginake menggerak at Wone nogo, abok paganogo yokkirogo ogoorik o. At oone ninaruk konenggwi, eebe ninigen abe nen kogwe, eerit nage nogo liippugwi, eereegurak eebe lombok nogo aret nineenggi pigaganeegurak o.

Wayu 10:6

at mbogut inom, mbogut paga wonogwe inom, nggween inom, nggween paga wonogwe inom, niyo nggwok yenggenak inom, inikime wonogwe inom, abok aret wakkagagerak mondok-mondok itok eenik menggerak nogo endage kungge logonet, “At Ala nen, Kit nagote wone kumaarak nogo ando yokkiragagirak kwe, irip pagaluk ando kumaarak wonage nogo, peebi kineenu arumunggup o, yinuk, at ayeloman mini yorage kagak, yoraga nen yoragagerak nogo, ambinom kumaapporogo logogin lek o. It malayikat ineebe 6 nen oone nggwok eeka trompet nogo oone muk eekaarak kwe, ambiret 7 nogo ti, awo eeka'lek me, eeke kenok, wone nogo pagak yigin o,” yinuk, ari naruk konenggirak.

Wayu 14:7

ari nagaarik, “Mbogut inom, nggween inom, niyo nggwok yenggenak laut inom, niyo eneeri wundit nage menggim inom, at Ala nen mban wakkagagerak me, yogondak Ala nen kinowak loongginaburak eyom abu koorok panggo yegerak me, kinagabiti nen at Ala mban ayuk wuko logonet, at abu'me tebe yinuk, endage tiyappogo logonip o,” yinuk, oone nggwok paga agan nage kagarak.

Wayu 21:6

Yo'nege nagaarik, ambinom yo'nege logonet, “O maan aa'nduk togon wonagagirak alom Alpa inom, ndi, irip paga mondok logorak Omega inom, ti an aret me, yokkigirak nogo ti, muk eeke me nduk yokkigi o. It aakumi niyo abu eeginake kenok, an nen niyo ineenik aganake menggerak eneeri wungge me nen onggo lek we aret toologo wogorage logogin o.

Wayu 3:14

“Ndi, ambi at malayikat Ala apuri o Laworikiya kuwak eekwi inarum menggerak nogo nen apuri yoraawak nduk, yoriyak, yokkiri o. At Ala nen yi mendek ndi mendek wakkaakit mbake kagak, wakkagagirak alom an aret me, Ala nonggop menggerak mondok liirogon abet aret paganogo ari minggirak nendage Amin nogo nen,