Urut 4:6 - Ala Wone Peenok Peebi Mbanak

⁶ Yoge mbareegi, aap kwe Urut awone koonogo onggo mbaniyak kin wokkage nogo nen ari logonet, “Togop kenok, an lombok neyate nogo paga wone ambi age kero, an kuniyak meek me, kat aret kunu o,” yoreegerak.

Urut 4:6 ပူးပေါင်းရင်းမြစ်များ

Wakkagagerak 38:8

Kangge mbareegi, at Yekura nen at Et awuluk Onan nogo yoge logonet, “Kat koweeluk Et nogo obaane'me pugu lek aret kanggerak me, endage ki logowak nduk, koweeluk togwe pegerak kwe Tamat ti, kolage logomenggendik, kimbirak nogo yu o.”

Ala Unde 25:25

Ndi, inore ambi yinip-panip aaninggin oba kwi'naremenggerak paga anggween onggo kunggolage kenok, ore imbirak ndarak wage logomenggerik, nggween onggo pugu nogo awi yakkage logowak o.

Pelaareegerak 25:7

Ndi, aap kambemenggerak ore nogo nen, Kwe nore nanu ti, an woorak neebi o, ari kenok, kwe nogo nen it aap inoweewi kota tu unggwogo menggam wonogwe nogo inowagam nage logomenggerik, yorage logonet, An narogweluk nogo nen aakumi Iterali wonogwe me endage ki logowak nduk, kumi kologo logonet, eeko menggaarak nogo eeriyak neebi, ari kenok, yokkira wagi o.

Pelaareegerak 25:8

Yorage kenok, it aap inoweewi o kota wonogwe nogo nen aap nogo wiiremenggaarak wage kenok, eegwa'me wamenggaarak kwe, aap nogo nen, An woorak abu neebi o, yemenggerak togop nogo aret ari kenok,

Pelaareegerak 25:9

kwe nanu nogo nen aap inoweewi nogo inenggaanom paga aap arogweluk nogo iyogogut yirik ambi nggoorogo punuk, yoge logonet, Ore endage ki logowak nen obaane'me piyoorak eebi mbake kenok, yogop aret eeriyak me, yinuk, awoori etenggen paga lenggenogo nappuwak o.

Urut 2:20

Yoge mbareegi, Nawomi nen eenggelo yoge logonet, “At Aliku ALA nen aakumi kanggwi inom, ineenik wonogwe inom, abok aret inabuwa mbake menggerak me, at ale'nggen aap ti, oba pege logowak o.” Ari nagagerik, wone ambi ari logonet, “Aap ti, nit ninayinggelo aret me, ninawone koonogo nineebe-ninanggween onggo mbanogo pinaniyak ambi at aret o.”

Urut 3:13

Togop me, oonikiya yogondak yi paga yime logot o. Ndi, ko'lu kuubondendok at nen, An nen aret onggo pikit o, ari kenok, at nen puurak op aret me, kineebe-kinanggween onggo puwak o. Ndi, at nen, An puurak neebi, ari kenok perak, An nen aret pikit o, yinuk, Aliku ALA eenik menggerak endage paga yokkege me, o awo wigangga'lek me, nogo ambinom yu o.”

Urut 3:9

“Kat ta o?” Ari mbareegi, at nen, “An kayeloman Urut areto. Kat nen ninawone koonogo nineebe-ninanggween onggo mbanogo pinaniyak nayinggelo kat aret me, kayum yi, mbiganogo ando an lenggenogo panu o.”