Urut 4:13 - Ala Wone Peenok Peebi Mbanak

¹³ Ti'nuk, aap Mbowat nen kwe Urut nogo kolage nagagerik, akwe aret age mbareegi, at Aliku ALA nen obeelom eeppege kagak, abila age nagagerik, aagaluk aap aret ndareegerak.

Urut 4:13 ပူးပေါင်းရင်းမြစ်များ

Wakkagagerak 20:17

At Abimelek nen at Abarakam akwe Tara nogo waganeegerak paga it kumi Abimelek ame wonogwe nogo tigitogon wubili agago piyareegerak me, ti'nuk, inaagalogwe ndaganako logowak nduk, at Abarakam nen tamban eeginake mbareegi, at Ala nen Abimelek inom, akwe inom, ayeloman komologwe nogo inom, obeelom agago piyareegerak.

Wakkagagerak 25:21

Wagangge nagagerik, akwe Iribaka nogo aagaluk ndaka'lek mbareegi, at Itak nen akweeluk ake tamban eeke mbareegi, at Aliku ALA aruk konengge kagak, kwe Iribaka nogo aret abila agagerak.

Wakkagagerak 29:31

Yakup nen kwe Leya iniki kunik lek wonage nogo at Aliku ALA nen kage nagagerik, aagaluk ndaruwak nduk, eeppereegerak kwe, Araken nogo perak, wubili aret wonagagerak.

Wakkagagerak 30:2

Yoge mbareegi, at Yakup nen Araken mberege logonet, “An Ala kokwak me nduk ari agandik ya? At Ala nen aret kat elege ndake keyo, non mbambagage wonage o.”

Wakkagagerak 33:5

Ti'nuk, at Etawu nogo enegen tiya ari logonet, it kumi inom, wologwe inom, wonogwe iige nagagerik, “Aakumi kinom wonogwe yi, taani o?” Yoge mbareegi, at Yakup nen ari logonet, “Lek o. Wologwe yi ti, Ala nabuwa nen wo'negerak kayeloman an napuri aret o.”

Ndawi 113:9

It kumi wubili iname inalik wonogwe me, Inaagalogwe wogoramenggerak inom logonet, inale'nggen kogo logowak nduk eeppiige, Eeke menggerak o. Aliku ALA tiyappogo logowok o.

Ndawi 127:3

Nit ninapuri nogo ti, At Aliku ALA nen yate kwak wo'nirage, Ninagalomini inikime logombunuk ndaganakwi ti, Onggo lek we aret wo'nirage, Eeke menggerak o.

Urut 3:11

Togop aret me, nayinggelo o. Kagabiti mbarugun o. Ninoreewi ninawi kota yime abok aret nen, Kwe yi abu obeelom aret, ineenu wonogwe me, yo'negendak nogo abok aret an ndak-ndak eerigin o.

Urut 4:12

Kwe Tamat nen aap Yekura obaane'me Peret ndareegerak paga nen ineebe nggwok wigak yereegwaarak nogo ndak-ndak, at Aliku ALA nen kwe tawe yi paga nen kapuri togop aret wokkiruwak o,” yinuk, yoreegwaarak.

1 Tamuwen 1:27

Aliku ALA nen an naagaluk wo'niriyak nduk nggino yoreegirak a'me lik togon wo'negerak nogo wulaga yi aret o.

1 Tamuwen 2:5

It aa'nduk mbi ndonggorogon nonggo nogogwaarak nogo, Mbi abu nen yabu kwaakwi, Ndi, it aa'nduk mbi abu wonogogwaarak nogo, Yogondak inambi ndonggorogon nunggwi, Eeko agaarik o. Kwe aa'nduk wubili wonagagerak nogo, Yogondak aagalogwe 7 ndaganake kagak kwe, At aa'nduk aagalogwe apit ndaganake nagagerak nogo, Yogondak elege ndake menggim nggilit agaarak wonage o.