Urut 4:12 - Ala Wone Peenok Peebi Mbanak

¹² Kwe Tamat nen aap Yekura obaane'me Peret ndareegerak paga nen ineebe nggwok wigak yereegwaarak nogo ndak-ndak, at Aliku ALA nen kwe tawe yi paga nen kapuri togop aret wokkiruwak o,” yinuk, yoreegwaarak.

Urut 4:12 ပူးပေါင်းရင်းမြစ်များ

Wakkagagerak 38:29

Ari mbareegi, eenggi nogo yabok togon ee'nuk lagangge kagak, oreeluk nogo aa'nduk nda'nage mbareegi, at kwe elege ndaganaka nogo nen, “Kat komaawi paga pelenogo pegak wundi wagandak me,” yinuk, endage Peret aret tooneegerak.

Wakkagagerak 46:12

Yekura, at apuri Et Onan imbirak o Kanan kambeegwaarak iigak, apuri ando Tiyela, Peret, Tera, at Yekura nogo inom, Peret apuri Ketoron Kamun imbirak inom,

1 Mbinineegwaarak 2:4

Ndi, Yekura nen ayinggelo kwe Tamat wagangge nagagerik, obaane'me Peret Tera imbirak ndaganabeegerak me, at apuri ineebe lambunik ti, 5 aret.

Maleyaki 2:15

At Aliku ALA nen it aap akwe imbirak ti, ineebe ambit aret eerogo piyareegerak nogo lek a? Ambit aret kunogo piyareegerak me, ineebe inom, iniki inom, ti, at unde aret o. Nonggop nduk aap akwe imbirak ambit togop aret eerogo piyareegerak? Lek o. At mendek awi wiganogo piyaawak nduk, eereegerak o. Togop me, kiniki alik age kero, arum wakkologwe, ndi, kit tawe paga kinakuwi wogonako logonet, kinom wone koonogo pereegutak nogo taganogo pugwi kiyo, liippugwi, eeko logonip o.

Matiyut 1:3

ndi, at Yekura nogo nen kwe Tamat paga Peret Tera imbirak ndaganake, at Peret nen Ketoron ndake, Ketoron nen Aram ndake,

Urut 4:18

Aap Peret apuri wiganak inendage nogo yi aret o. Peret nen Ketoron ndake,

1 Tamuwen 2:20

Wogori wagak eeke kenok, at Eli nen Elakana akwe imbirak keyage warogo ale'nggen inoba piige logonet, aap Elakana nogo yoge, “Kakwe yi nen, Naagaluk wo'niriyak o, yinuk, Aliku ALA yoreegerak wogoge mbareegi, Aliku ALA wogoreegerak nogo obaane'me kapuri ambinom wokkege logogin o,” yorage kenok, at Elakana akwe imbirak iniyokan iname o Arama aret nogo nogogwaarak.