Urut 4:1 - Ala Wone Peenok Peebi Mbanak

¹ At Mbowat nogo wage nagagerik, o kota tu unggwogo menggam nogome aret kwi'nari wagagerak. Kwi'ndak taati wonage me, at Urut awone koonogo onggo mbaniyak yereegerak nogo aret wage enegen kage nagagerik, “Wulaga yi wae. Yime kwi'nari mok o.” Yoge mbareegi, wage nagagerik, imbirak aret kwi'nagagerak.

Urut 4:1 ပူးပေါင်းရင်းမြစ်များ

Wakkagagerak 19:1

It aap Ala ayonggo malayikat mbere'ndak nogo, o kiip age kagak o Torom unggwi wogogwaarak. At Lot nogo o Torom tu unggwogo menggam kwi'ndak wonage me, it nogo unggwi wogwe enegen iige nagagerik, etenggen nggween paga wanduk wangge logonet, keyage wappiyareegerak.

Wakkagagerak 23:10

At aap Ket mendek endage Eporon nogo, oreewi inom kwi'ndak wonage me, Abarakam yoragagerak nogo konengge nagagerik, it aakumi Ket mendek o tinime tu unggwogo menggam kuwak ogogwaarak nogo abok konenggwi iigak, Abarakam yoge logonet,

Wakkagagerak 34:20

Mbake nagagerik, at Kemot aput Tikem imbirak iname nogo nogogwaarik, tu unggwogwe me wone mbanggo menggam taa'nogo nen it aakumi o time mendek yorogo logonet,

2 Tamuwen 15:2

Koonogo pake nagagerik, ko'lu-kii'me o kuubondendok tu kota unggwogo menggam time ari nanuk wonage me, it aakumi aap endagembogut nen inawone amburu mbanogo, “Yogop ee'nip o,” yoraawak nduk, ka wogwe iinok, at Abatalom nen it aakumi nogo yorage, “Kit kinawi ngga nen wogop?” Yorage kenok, it nen, “Nit Iterali ninanebunu ndi mendek nen wogo o,” yogwi iinok,

2 Mbinineegwaarak 18:9

Yoge mbareegi, wa nage kagak, it Iterali inowe endagembogut inom, it Yekura inowe endagembogut Yotapat inom, imbirak aap inendagembogut inayum yiriko menggaarak mendek yirippunuk, kota Tamariya tu unggwi wogo menggam gandum agabolo mbelanggo menggam taa'nogo wone lengganogo yorogo logonet, inageyo kwi'ndak menggaarak nogo paga kwi'ndak iigak, it aap peebi eeriyak wone yoraga nogo nen inenggaanom paga wone yorogwe me,

Ayup 29:7

Name nen o kota tu unggwogo menggam unggwi nage, Oore'nggam kwi'nage minggim nogome kwi'nage, Eeke neegak,

Ayup 31:21

It aap inowak loonggo menggaarak nen Noone konenggo menggaarak neenu me, Aap moono iinok, noone lok togon yorage, Ee'netak en

Ndawi 69:12

It wone mbangga tu unggwogo menggam kwi'ndak logonet, An nabok nggarik-nggarek yogwe, Aap amburu kumili aganaka nunggo logonet, Ndawi paga an nanep tenok-mbenok yogwe, Eeko agaarik o.

Kini Wuppiige 31:23

Ogonggelo o kota tu unggwi wogo menggam it aap o time mendek inoweewi kwi'nogo menggam inom kwi'nage kenok, “Aap yi nogo aret o,” yinuk, ayuk wuruwak nduk, eeppege,

Yetaya 55:1

Aliku ALA nen ari logonet, “It abok aret niyo abu wonogwe ti, woraawak o! Wogo logomenggaarik, niyo yi nawak o. It inawu lek wonogwe ti, wogo logomenggaarik, inambi waganogo nunggwi, Inawu paga onggo pugwi, onggo kunogo nunggwi, eeka'lek we aret anggur amburu inom, tapi elak amburu inom, kologo logomenggaarik, nunggwi, Eeko logowak o.

Yeremiya 32:10

“Nggween yi muk kunggoorak o,” yinuk, liiru mbanak nogo it ando apit inenggaanom paga neenggi amburu pege nagagirik, pekkookwak amburu nabenogo punuk, mbuti perak aaninggin wakkagagirak nogo wogoreegirak.

Amot 5:15

At Omaawi Lombok Menggerak Aliku Ala nen kit Yutup mendek eegu yumbunik wonogwe nogo, kinabuwa mbake kagak eerukwak, Maluk eeriyak kineebi mbakwi, Obeelom eeriyak kiniki kunik eekwi, Ndi, inowak loonggo menggam aakumi inowak loonggo logonet, eekaatak ndak-ndak eeppiigwi, Eeko logonip o.

Takariya 2:6

Aliku ALA nen ari logonet, “O wiya agi-ogu nen, aru-ogwe nen, nage menggim nogome mappinagareegirak me, kit o omarip paga pa'nggwe wonogwe nogo woraanip o! Woraanip o!

Pelaareegerak 16:18

Yorage nagagerik, ambi yorage logonet, “At Aliku kinogoba Ala o wokkiramenggerak kinawi kota alitak lombok logonet, aakumi li'lak inawone amburu mbanggo logowak nduk, aap inowak loongga inom, inanebunu inalitak lombok wone lengganogo yoraga inoweewi inom, mippiyaamunggup o.

Pelaareegerak 17:5

aap ilik, kwe a, maluk lombok eeremenggerak ti, o kota kinaru unggwi wogo logowam taati wonok wundi nogo logomonggotik, kambuwak nduk, yugum paga iniki togu eerogo warogo pumunggup o.

Pelaareegerak 21:19

agalo-ogoba nen wulaga ti, wonok it inawi kota tu unggwi wogo menggam aap inoweewi wone mbangga wonogwe me taati pi nawak o.

Pelaareegerak 25:7

Ndi, aap kambemenggerak ore nogo nen, Kwe nore nanu ti, an woorak neebi o, ari kenok, kwe nogo nen it aap inoweewi kota tu unggwogo menggam wonogwe nogo inowagam nage logomenggerik, yorage logonet, An narogweluk nogo nen aakumi Iterali wonogwe me endage ki logowak nduk, kumi kologo logonet, eeko menggaarak nogo eeriyak neebi, ari kenok, yokkira wagi o.

Yotuwa 20:4

Aap nogo mbaganit o inagap ndake logowam ambime unggwi naakit nduk, tu unggwogo menggam taati mi'nari nage logomenggerik, it aap inoweewi o kota inagap ndake logowam wonogo logogun nogo yorage logonet, Wone alom yogop eekirak o, yinuk, liirogon mbininogo yorage kenok, it aap inoweewi nogo nen o kota nogome mambunuk, inom logowak nduk, o ambi wogorugun o.

Urut 3:12

Kat nen, Ninawone koonogo nineebe-ninanggween onggo puurak nayinggelo kat aret, yo'negendak ti, abet aret kwe, an we tayorogon negen o. Kayinggelo kineebe-kinanggween onggo puurak alom me liirogon lombok ti wonage o.

Urut 3:18

Wogoge mbareegi, Nawomi nen eenggelo yoge logonet, “Neenggelo o. Kayinggelo ti, kawone koongga'lek puk arigin lek, yogondak mbet-mbet aret koonigin me, wone koonemenggerak yo'niraga'lek kagak, we luulu tokkogo logowok o,” yinuk, yoreegerak.