Urut 3:9 - Ala Wone Peenok Peebi Mbanak

⁹ “Kat ta o?” Ari mbareegi, at nen, “An kayeloman Urut areto. Kat nen ninawone koonogo nineebe-ninanggween onggo mbanogo pinaniyak nayinggelo kat aret me, kayum yi, mbiganogo ando an lenggenogo panu o.”

Urut 3:9 ပူးပေါင်းရင်းမြစ်များ

Yetikiyen 16:8

Ti'nuk, peebi an tu ti paga nage logonet, eebe nenegen kage nagagirik, at abu tawe aap miikkoloorak aret agagerak kenok, nayum nggorek irip paga at agabolo kin wonage nogo lenggenogo pereegirak. Pege nagagirik, at nimbirak wone abuk nggaruk togon koonogo punuk, Nore kat aret o, yinuk, Naliku Nitok Minggirak an ALA nen kumbuk mbangge mbareegi, at an nore aret agagerak.

Lukat 14:11

Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

Urut 2:20

Yoge mbareegi, Nawomi nen eenggelo yoge logonet, “At Aliku ALA nen aakumi kanggwi inom, ineenik wonogwe inom, abok aret inabuwa mbake menggerak me, at ale'nggen aap ti, oba pege logowak o.” Ari nagagerik, wone ambi ari logonet, “Aap ti, nit ninayinggelo aret me, ninawone koonogo nineebe-ninanggween onggo mbanogo pinaniyak ambi at aret o.”

Urut 3:10

Yoge mbareegi, at yoge logonet, “Nayinggeloo. At Aliku ALA nen ale'nggen koba pagage logogin o. Kat nen aap tawe ineenggi warak inom, ineenggi lek inom, kwaarinabit noolik an aret neya wagandak me, aa'nduk neya wagandak nogo ti, nabuwa mbuuluk negen nombakendak kwe, o yogondak yi paga perak, nabuwa nggwok lombok nomba'nuk, wagandak keegi o.

Urut 3:12

Kat nen, Ninawone koonogo nineebe-ninanggween onggo puurak nayinggelo kat aret, yo'negendak ti, abet aret kwe, an we tayorogon negen o. Kayinggelo kineebe-kinanggween onggo puurak alom me liirogon lombok ti wonage o.

Urut 3:8

Winnage mbareegi, nogo iniki mbere eeke paga at Mbowat nogo ogut nage nagagerik, ena logu yinuk, kwe ambi iyok irip me windak wonage kage nagagerik, yoge logonet,

Urut 4:4

aakumi kwi'ndak wonogwe yi inom, aakumi nit mendek inoweewi yi inom, inenggaanom paga kat kunggoloorak mbake ilik, lek a? ari keyaakit nduk, Mok, yokkigirak me, kunggoloorak mbake kenok, aret kunggolet o. Ndi, kunggoloorak keebi mbake keenok perak, an neenu arikit nduk, yo'niru o. It aakumi inambik kunggoloorak lek oweeluk alom me liirogon kat aret kuniyak koba wonage me, kunu o. Ndi, kat kunggoloorak meek mbake keenok, an aret kuniyak noba aruwak o.” Yoge mbareegi, “An aret kunggolaakit o,” yoreegerak.

Urut 4:6

Yoge mbareegi, aap kwe Urut awone koonogo onggo mbaniyak kin wokkage nogo nen ari logonet, “Togop kenok, an lombok neyate nogo paga wone ambi age kero, an kuniyak meek me, kat aret kunu o,” yoreegerak.

1 Tamuwen 25:41

Yogo mbareegwa, at kwe Abigayin nogo nen mi'na'nuk, inabu'me etenggen nggween paga wanduk yinuk, yorage logonet, “An yi, nogoba Ndawut ayeloman aret me, kit at ayeloman mini kiniyok kooriyak nduk, aret agarik o.”