Urut 2:9 - Ala Wone Peenok Peebi Mbanak

⁹ It yabu yarak me waabuk negen jelai anggen mbanit nogwe kenegen iige logomenggendik, it kumi nogwe ti, inambokan aret nage logomunggun o. Ndi, it aap yabu eeko menggaarak nogo nen kat maluk eeppagukwak an muk yoragarak me, kat niyo abu eekkake kenok, it yabu eeko menggaarak nogo nen niyo toologo pugwi iinok mban na nagak yumunggun o.”

Urut 2:9 ပူးပေါင်းရင်းမြစ်များ

Wakkagagerak 20:6

Togop ari mbareegi, at Ala nen abi paga wone nogo yoge logonet, “Abet aret yagan o. It yagaarak ti, Yi abet aret yaga, yinuk, kiniki abe paga eekendak keege nagarik, an nenegen neegak kwe ti pigagangge paga, maluk eeke keyo nduk, an nen non mbambagage wonagarak o.

Ayup 19:21

Togop aret me, noreewi yi wae. Ala nen yombak togon nookerak me, nabuwa nombakwi, narigi mbakwi, Ee'nip o.

Ndawi 105:15

“It aap an nen leenogo piinok, amburu kilippiyareegirak yi, kineenggi mbaaniigwi, It aap an yorage neegak yoraga yi, Maluk eerogo piigwi, eerugup o,” yinuk, yorage, Eereegerak.

Kini Wuppiige 6:29

Aap ambi aap alik ambi akwe imbirak nogo yege ti, Ti ndak-ndak aret o. Aap ambi nen aap alik akwe nogo pigagangge kenok, At aaninggin oba arigin lek ti lek, oba arigin aret o.

Matiyut 10:42

Ndi, kit nen, Yetut oone waganggwi me, yinuk, wologwe mbuulogwe yi mendek ambi, niyo miin toologo wogogwi kiinok ti, onggo kolaamunggup lek ti lek o. Kolaamunggup aret o, yinuk, abet aret yokkiragi o,” yoragagerak.

1 Korindut 7:1

Kit liiru mbanogo nappani wogogutak nogo, yogondak an wone onggo ambi yokkira o. Aap nen kwe kolaga'lek we logorak ti op aret kwe,

1 Yaya 5:18

Aap ambi Ala nen ndareegerak kenok, at maluk eerit nageelik ti, nineenu aret o. Ala aput Yetut nen aap ti, liirogon aret porogo menggerak me, at maluk eeka nogo nen aap ti, maluk eeppuurak mondok meek aret o.

Urut 2:10

Yoge mbareegi, Urut nogo abu'me tebe yinuk, ena nggween paga wu'na'nuk yoge logonet, “An ti, kwe nggiru aret kwe, nonggop nduk an nabuwa mbake logonet, liippanegeno?”

Urut 2:8

Yoge mbareegi, at Mbowat nen Urut nogo yoge logonet, “Nayinggelo o. An wone yokkege yi, liirogon konenu o. Aakumi alik ineyabume waabuk negen jelai anebenggola nage, ndi, yime nen alik me nage, eerugun o. Ata, an nayeloman kumi wonogwe yime kinom logot o.