Urut 2:23 - Ala Wone Peenok Peebi Mbanak

²³ Yoge mbareegi, Urut nogo kumi Mbowat eyabu eeko menggaarak nogo inom wonage logonet, waabuk negen jelai inom, gandum inom, mbanit nogwe iigak, age yobok aret ari nagagerak. Ndi, ti eeko logonet, Urut nogo eenggelo imbirak aret wonagagerak.

Urut 2:23 ပူးပေါင်းရင်းမြစ်များ

Wundeegwaarak 9:31

Ti eyom paga, nggem nogo anggen yege, waabuk negen jelai nogo ayo wake, eereegerak me, kumulinggen wuppi wage logonet, mondok pup eerogo pereegerak kwe,

Kini Wuppiige 13:1

Wulaga ambi iniki warak kenok, ogoba nen aruk wake liippege menggerak kwe, Wulaga ambi meek eerogo piiga ti perak, aruk wakwi nogo aruk konenggeelik o.

Kini Wuppiige 13:20

Aap ambi nen aap iniki warak imbirak kunggolage kenok, at iniki warak aret age, Ndi, aap ambi nen aap wi negen imbirak kunggolage kenok perak, at eebe aret maluk eekkolage, Eeko menggaarak.

Marakut 14:66

Wakwi iigak, at Peterut nogo oore'nggam kogona time wonage me, kolaga aap Ala unde inowe nggwok nogo ayeloman ambi wage nagagerik,

1 Korindut 15:33

“Kit kinobaabut obeelom wonogwe nogo nen aakumi maluk eekwi kinom nugwi kiinok, kinom maluk eekkolaamunggup o,” yinuk, yogo menggaarak nogo ti, abet aret yogwe me, aakumi nen wone alik yokkirogo logonet, kinambokan laganggwi iyo, kiniki liippinip o.

Pelaareegerak 16:9

Yorage nagagerik, ambi yorage logonet, “Anggen iyaalok mbaniyak nduk, waruk gandum owak paga pugwi eyom nen lingginit tamban 7 eeppunuk,

Urut 1:22

Kwe Nawomi eenggelo Mowap mendek Urut nogo imbirak o Mowap nen o Mbe'lekem unggwi wogogwaarak nogo ti, waabuk negen jelai anggen iyaalok mbanggwi nogo eyom aret unggwi wogogwaarak.

Urut 2:22

Yoge mbareegi, kwe Nawomi nen eenggelo Urut nogo yoge logonet, “Aakumi inalik ineyabu yarak me eeri nage kenok, it nen maluk eeppagukwak, kumi Mbowat ayeloman mini yabu eekwi me time kinom eeri noorak op aret o.”

Urut 3:1

Ti'nuk, ne ambi paga at Urut eenggelo Nawomi nen Urut yoge logonet, “Neenggelo o. Kiniki kwi'ndak ale'nggen logonok nduk, o ambi kwaakkiri ilik?