Urut 2:13 - Ala Wone Peenok Peebi Mbanak

¹³ Yoge mbareegi, at Urut nen at yoge logonet, “An nogo ti, kat kayeloman mini kumi nogo ndak-ndak lek aret wonage neegak kwe, an kayeloman nabuwa lombok nombake logonet, koone yanggorogon yo'nege, niniki eyak wappanege, eekendak me, mondok-mondok togop aret eeppanege logot o, nayinggelo,” yoreegerak.

Urut 2:13 ပူးပေါင်းရင်းမြစ်များ

Wakkagagerak 32:6

Nappiya wagagerak nogo yori woraanuk, iniyok paga nogo nogogwaarik, at Yakup yogo logonet, “Kat kowe Etawu nogo muk yori nogo mbako, kimbirak tu paga lambuniyak nduk, awuri ineebe empat ratus aago inom tu paga wogogak wogo o.”

Wakkagagerak 33:10

Yoge mbareegi, at Yakup nen, “Togop ari mage ubi! Kat kiniki abe paga wo'nakendak nogo ti, Ala etenggen pekkogo nagaatik, inikime ale'nggen kogo mengga kwak, kat ketenggen togop aret keege nagarik, niniki ale'nggen ambik ee'nakerak me, kiniki ale'nggen nombake logonet, kake leenogo nappiigirak ti, kolaamunggun o, noweeluk.

Wakkagagerak 33:15

Yoge mbareegi, at Etawu nen ari logonet, “Togop kenok, an nawuri ando ndegenggabit nawak nduk, leenogo piinok na o.” Yoreegerak kwe, at Yakup nen, “Togop eeriyak ti mage o. We nabuwa mbakak kiniki ugun aret namunggun o, nowe,” yoreegerak.

Wakkagagerak 33:8

Abu aret keyage wappogo mbareegwa, at Etawu nen Yakup yoge logonet, “Ndi, kambin-ndomba ambik lombok aago wogoren nogwe ninom aabuk agarak yi, kiniki ngge koombunuk eerogo nappiigendak?” Yoge mbareegi, at Yakup nen, “Kiniki ale'nggen nomba'nok nduk, nappiigirak o, noweeluk.”

Wakkagagerak 34:3

Maluk eeppege nagagerik, “Yakup apuluk Ndina yi lombok kolaakit, ao,” mba'nuk, iniki perengge nagagerik, kolaga ti, iniki yanggonogo punuk,

Wakkagagerak 43:14

At Omaawi Lombok Menggerak Ala nogo nen aap o Metit unde menggerak ti, iniki yanggonogo pemenggerak paga kit kinabuwa nen Timeyon Mbeniyamin imbirak nappiya woramenggerak kinom aret woraamunggup o. Ndi, an yi perak, napurilogwe lek arit nogwe paga niniki wakkolage logonet, kambuurak kenok ti, op mban aret o.”

2 Tamuwen 16:4

Yoge mbareegi, aap endagembogut nen Tiba yoge, “At Mepibotet unde wonagagerak nogo abok aret o yogondak yi paga kat aret unde eeppagagi o.” Yoge mbareegi, at Tiba nen ari logonet, “Ai, nogoba. An niniki tebenak kabu'me logokit o. Kat nowe kendagembogut aret me, noba aberak logonet, nabuwa nen obeelom eeppanege logomunggun o,” yinuk, yoreegerak.

Kini Wuppiige 15:33

It aap Aliku ALA inagabiti mbakwi paga iniki warak logorak mamunggologwe, Ndi, iniki tebeppatiyak aa'nduk mamunggo'nok, inayuk wuriyak mendek mamunggologwe, Eeko menggaarak o.

Oteya 2:16

At Aliku ALA nen ari logonet, “Ne ti eyom paga at nen, Nombo agugi o, yinuk, an yo'nirigin lek o. Ata, Kat nogonggelo aret, yo'nirigin o.

Pilipi 2:3

Kit yi mendek ndi mendek eeko logonet, ambi koloorak nduk eeppiigwi, ndi, “Tiyappinanuwak,” mba'nuk eekwi, ti eerugup o. Ata, kiniki tebenak logonet, “An ti, meek, ndi, nore perak, iya o,” mbako logonet, eeppiigo logonip o.

Owak Loongga 19:3

Tut 4 aret penengge mbareegi, kwe ogonggelo nogo nen iniki yanggik-yanggok eerogo wonok woraawok nduk, ayeloman imbirak nogo logonet, keledai mbere inom wonok kwe nogo wonage me nogogwaarak. Nogo mbareegwa, kwe nogo nen aap nogo wonok ogoba ame unggwi nage kolaga ogoba nen enegen kage nagagerik, iniki ale'nggen paga waganeegerak.

Urut 2:12

at Aliku ALA nen eekendak nogo onggo wokkege, ndi, towe aagalogwe kanggwi iyo, a'naabit abu'me tebembiinok menggi kwak, at Aliku Iterali inogoba Ala abu'me ari wagandak wonage me, onggo nggwok lombok kalo logonogo wokkege, eerigin o.”

Urut 2:14

Ndi, mbi nonggo menggam aret age mbareegi, Mbowat nen at yoge logonet, “Oroti waganogo anggur amburu ale negen mendek paga labunogo nanok nduk, mok o.” Yoge mbareegi, it waabuk negen jelai anggen mbanggo menggaarak nogo inom kwi'nage mbareegi, at Mbowat nen waabuk negen jelai anggen worarak wogoge mbareegi, Urut nogo ndonggok togon nengge nagagerik, ando ndinogo nggerenggolagagerak.

1 Tamuwen 1:18

Yoge mbareegi, kwe Kana nogo nen, “Kayeloman an aret me, nabuwa mbake logomunggun o,” yo'nuk, wundi nage nagagerik, mbi nengge, etenggen ogum aago wonagagerak nogo eya age, eereegerak.

1 Tamuwen 25:41

Yogo mbareegwa, at kwe Abigayin nogo nen mi'na'nuk, inabu'me etenggen nggween paga wanduk yinuk, yorage logonet, “An yi, nogoba Ndawut ayeloman aret me, kit at ayeloman mini kiniyok kooriyak nduk, aret agarik o.”