Urut 2:10 - Ala Wone Peenok Peebi Mbanak

¹⁰ Yoge mbareegi, Urut nogo abu'me tebe yinuk, ena nggween paga wu'na'nuk yoge logonet, “An ti, kwe nggiru aret kwe, nonggop nduk an nabuwa mbake logonet, liippanegeno?”

Urut 2:10 ပူးပေါင်းရင်းမြစ်များ

Wakkagagerak 18:2

Nikka wage mbareegi, Abarakam uut pilarogon enegen pe'nage nagagerik, aap ineebe kenagan at owagam taati mi'ndak wonogwe iyareegerak. Iige nagagerik, awooliya tungga'nggi paga nen nggare agan inowagam iya nage nagagerik, inabu'me nggween paga enete wanduk wangge logonet keyage waganabeegerak.

2 Tamuwen 19:28

Ndi, an nogobamini inom, nowe-nawot inom, it abok aret eereegwaarak paga kat nowe kendagembogut nen inoorogo piige logonet kwe, an kayeloman nalik aret it kinom mbi nonggo menggaarak nogo, ninom mbi nengge logokit nduk koonogo paneegindak me, an nowe kendagembogut ambinom koonogo panenok nduk, yokkirigin lek o.”

2 Tamuwen 7:18

Mbininogo yori nage mbareegi, aap endagembogut Ndawut nogo Ala awooliya wurik me unggwage nagagerik, Aliku ALA enggaanom paga kwi'na'nuk tamban eereegerak. Tamban eeke logonet, “Kaliku Kitok Menggendak nogoba ALA wae. An inom, nowe-nawot inom, nit nen eeriyak abu meek lombok niigak, an mii'nake nagagindik, kapuri inarum logokit nduk, mippaneegindak o.

2 Tamuwen 9:8

Yoge mbareegi, at Mepibotet eebe tebe yinuk, yoge logonet, “Ai, nogoba. An kayeloman yi, abu meek lombok nggeewo kambak kwak wonage neegak, nonggop nduk, liippanegen o?” yinuk, yoreegerak.

Ala Unde 19:34

It Iterali o maan Metit time aakumi nggiru negen aret wonogogwaarak nogo iniki abeko logonet, aap nggiru inenggela'me inom wonogwe nogo ti, Nit Iterali mendek negen aret wonogwe o, yinuk, ineebe iniki kunik eekkologo mengga kwak, it aap nggiru kunduk togop aret iniki kunik aganako logowak o.

Lukat 1:43

An meek neegak kwe, nogoba agalo nen an neya wagandak o?

Lukat 1:48

An at ayeloman tebenak wonage neegak, liippanggerak me, It aakumi abok aret yogondak kuli nen peebi mondok-mondok iniki ale'nggen wonage nombako logogun o.

Oroma 12:10

Kinowe-kinawot kiniki kunik eeginako monggotak kwak, kinoreewi kinom niniki-kiniki kunik eeko logonip o. Nabu'me-kabu'me logonet, at ambi tiyappegak eeko logonip o.

Urut 2:11

Ari mbareegi, at Mbowat nen kwe nogo yoge logonet, “Kogonggelo kangge mbaki, keenggelo obeelom eeppege logonet, kagalo-kogoba inom, nggween kat nda'nagaginom inom, abok aret nonggoti eerogo mbo piinok, aakumi kat keenggo'lek mendek wonogwe iigak wagandak nogo, an abok aret konenggirak me,

Urut 2:13

Yoge mbareegi, at Urut nen at yoge logonet, “An nogo ti, kat kayeloman mini kumi nogo ndak-ndak lek aret wonage neegak kwe, an kayeloman nabuwa lombok nombake logonet, koone yanggorogon yo'nege, niniki eyak wappanege, eekendak me, mondok-mondok togop aret eeppanege logot o, nayinggelo,” yoreegerak.

Urut 2:19

Wogoge mbareegi, eenggelo nogo nen at yoge logonet, “O ngga nen anebenogo wagangge, ndi, yogondak aap ta eyabu aago me eeke, eekendak? Eeke keegak, aap liippagagerak nogo Ala nen ale'nggen oba pege logowak o.” Ari mbareegi, eenggelo Urut nen eekerak nogo tigitogon aret mbininogo yoge logonet, “O yogondak aap eyabu eekirak nogo ti endage Mbowat aret.”

Urut 2:2

Kwe Mowap mendek Urut nogo nen Nawomi yoge logonet, “Aakumi waabuk negen jelai anggen mbanit nogo logonet, inambokan wambemenggerak nogo nabuwa nen, Anebenggolet, yo'niruwak nduk, yabume na o.” Ari mbareegi, Nawomi nen at yoge logonet, “E o. Nak o, neenggelo.”

Urut 2:9

It yabu yarak me waabuk negen jelai anggen mbanit nogwe kenegen iige logomenggendik, it kumi nogwe ti, inambokan aret nage logomunggun o. Ndi, it aap yabu eeko menggaarak nogo nen kat maluk eeppagukwak an muk yoragarak me, kat niyo abu eekkake kenok, it yabu eeko menggaarak nogo nen niyo toologo pugwi iinok mban na nagak yumunggun o.”

1 Tamuwen 25:23

kwe Abigayin nogo aap Ndawut enegen kage nagagerik, imbirak lambumbunuk, keledai amborowak paga nen mbet-mbet wangge nagagerik, Ndawut abu'me etenggen nggween paga wanduk yinuk,