Urut 1:6 - Ala Wone Peenok Peebi Mbanak

⁶ Ti'nuk, at Aliku ALA nen apuri Iterali liippiige logonet, inambi wogoragagerak kwe Nawomi nogo aruk konengge nagagerik, kumi eenggelomini nogo inom aap Mowap iname nen iniyokan woroorak nduk, pipuk eereegwaarak.

Urut 1:6 ပူးပေါင်းရင်းမြစ်များ

Wakkagagerak 21:1

At Aliku ALA nen, “Togop eerigin o,” yinuk, Tara wone yoreegerak nogo abeke nagagerik, imbirak wone abuk nggaruk togon mbaneegwaarak nogo eyom ndak-ndak ari wage mbareegi, at Abarakam nogo abu anggok agagerak kagak, Ala yoreegerak ndak-ndak kwe Tara nogo abila age nagagerik, aagaluk Abarakam obaane'me wulaga aret ndareegerak.

Wakkagagerak 28:20

Nogo toombege nagagerik, at Yakup nen ari logonet, “An tu paga yime nage neegak, kat Ala nen liirogon ndegenneren nage, narum wonage, eeke logonet, nambi noorak inom, nambogoyum yikkoloorak inom,

Wakkagagerak 48:15

Nogo eeppege nagagerik, ari logonet, “Nogoba Ala wa! An nombo Abarakam inom, nogoba Itak inom, imbirak kat kiniki kunik me, kenegen wogoren nege, An nda'nagagirak kuli nen nok yogondak kuli aap ndomba ndegeninako mengga kwak, an ndegenneren nege, Ndi, an maluk noba age kero, malayikat negen a'nuk, pi'neren nage, eeke menggendak kat Ala aret me, It wologwe yi, kale'nggen inoba piige logomunggun o. An nendage inom, nombo Abarakam endage inom, nogoba Itak endage inom, it wologwe yi nen ki eerit nogo logowak o. Ndi, inombowologwe o nggween paga yime ambik aret wigannarit nogo logowak o,” yinuk, Yutup ale'nggen oba pereegerak.

Wakkagagerak 50:25

Yorage nagagerik, ambinom yorage logonet, “An kangge neenok, Ala nen liirogon aret wokkiren wundi nagin me, wokkiren nage ti eyom paga an nowak nenenak kit Iterali apuri yi, abet aret wonok noorak mbarikit nduk, kumbuk mbanogo yo'ninip o.” Yorage mbareegi, “Wonok nagun aret o,” yinuk, kumbuk mbaneegwaarak.

Ndawi 102:14

O yugum paga wurik yugum ti, Kayeloman mini nen inikilom mbakwi, O minik liirubu kale'ngga aago kunduk abuwa mbakwi, Eeko menggaarak o.

Ndawi 111:5

It aap at inagabiti ombako menggaarak nogo, inambi wogorage, Wone eeppinaniyak koonogo pereegerak nogo, Mondok-mondok iniki aberak wonage,

Ndawi 132:15

An nen o Tiyon yime Yi mendek ndi mendek kalo logonogo wogoge, Aap o yime ineenggi lek tebenak wonogwe nogo Inambi ndonggorogon nawak nduk wogorage,

Ndawi 145:15

Inigen warak abok aret kat inigen wokkakwi iinok, Inambi noorak eyom paga inambi wogorage,

Ndawi 146:7

Aap tebenak wonogwe nogo at nen aret inawone mbanogo piige, Mbi abu wonogwe nogo inambi wogorage, Aliku ALA nen aap keele maarak wonogwe nogo wondet eerogo piige,

Ndawi 147:14

At nen kiniki ugun tayenak logomunggup nduk, Kinawi paga obeelom eerogo pege, Ndonggorogon nonggo logomunggup nen Kinambi gandum abe kenok mban wokkirage, Eeke menggerak o.

Wundeegwaarak 3:16

Togop aret me, it aap Iterali inoweewi yo'nggok kero kuwak eeppiinok, yorage logonet, Kit kinombomini Abarakam inom, Itak inom, Yakup inom, at Aliku inogoba Ala nogo nen ni'neya wage nagaarik, yo'nege logonet, It aakumi Metit mendek nen aaninggin-paaninggin inoba piigwi nogo an inogoba Ala nen muk liippiige nagarik,

Wundeegwaarak 4:31

it aakumi Iterali yo'nggok nogo nen, “Aaninggin-paaninggin ninoba pinanege nogo, Aliku ALA nen enegen niige nagaarik, koonggerak kogo o,” yinuk, iniki abet mbako logonet, inendobanggun yindumbunuk, alut eereegwaarak.

Kini Wuppiige 30:8

Ambi, niniki mbere logonet ari, noone pilit ari, eeke nogo mbo pege, Ndi ambi, neenggi lek eeppanege, neenggi warak eeppanege, eeka'lek we nambi ko'lu-kii'me nengge logorak punik nogo mban wo'nege, Eeke logot o.

Yetaya 55:10

O mayu inom, ndugu-ndugu inom, mbogut paga nen wambi wage nagaatik, nggween miin eerogo pit nage, Yabu yarak mili eerogo pege, Awi yarak mbilambunuk, abe lagawak nduk amburu eeppege, Eeke logonet, Aap awi yaka nogo awi peebi yariyak mbanggolaawak nduk, eeppege, It aap mbi noorak mbakwi nogo inambi ndarogo nawak nduk, eeppiige, Eeke nagaatik, Ti'nuk, iyokan yungguninuk lagangge menggi kwak,

Yeremiya 29:10

At Aliku ALA nen yegerak nogo yi aret. “It an napuri aakumi Mbaben mendek inayeloman a'nuk wonogwe iigak, tahun 70 abu ari nage kenok, an liippiige logominggirik, iniyokan o yime piya woroorak koonogo pereegirak nogo ndak-ndak aret eerigin,” yegerak o.

Yowen 2:19

Mbake logomenggerik, at Aliku ALA nen wone onggo yorage logonet, Yogondak an nen gandum inom, anggur amburu ngget toolak inom, eyo tayitun amburu inom, Wokkiraminggirak nunggwi paga ndonggoppinagage kaamunggup o. Kit nen yi aakumi ndi aakumi inenggela'me nugwi kiinok, It aap maluk mendek nugwi yi o, yinuk, ambinom yokkirogo logowak nduk eerogo pinagagin lek o.

Tepaniya 2:7

Kit monggo'nom time aap Yekura paga wiganak eegu yumbunik nogo, unde eeppatinuk wonogo logonet, Inaanggumi kambin-ndomba inagari'ngga mbanogo nonggo logowak nduk, time piigwi, Ndi, oonikiya paga it Atekelon mendek inawi wurik me time inanogo yikkologwe, Eekwi iigak, At Aliku inogoba Ala nen ineebe liirogon aret ndegeninake, Aa'nduk wonogogwa kwak eerogo piige, Eerigin o.

Matiyut 6:11

Yogondak ninambi noorak ndak-ndak wo'niret o.

Lukat 1:68

“Nit aakumi Iterali ninogoba Ala nogo niya wage nagagerik, wondet agago pinaneegerak me, alut eeko logowok o.

Lukat 19:44

kawi yugum paga wurik yi, yugum ambi obaga lu'luk aago logogin lek o. Langgunogo pogo logonet, kaagalogwe kinom abok aret mondok pup eerogo pinagarak eyom panggoni woraagin o,” yinuk, yoragagerak.

1 Timotiyut 6:8

Ninambi-ninayum ambiriluk ambi wonage kenok, “Yi abu aret o,” yinuk, niniki tayenak logowok o.

1 Peterut 2:12

It aap endekem iniki abet mbaka'lek mendek nogo nen, “It maluk eerit nugwi o,” yinuk, kinabok mbaniyak nduk eeremenggaarak kwe, obeelom mban eerit nogwe liippinagago logomenggaarik, Yetut wage eyom paga Ala wogoppuwak nduk, inenggela'me logonet, kiniki mondok liippunuk eeko logonip o.

Urut 1:5

Makolon kunduk, Kiliyon kunduk, time aret kambeegwaarak. Kwe Nawomi nogo ogonggelo inom, aagalogwe mbere nogo inom, kanggo mbareegwa, inagalo nogo mban alik wonagagerak.

Urut 1:7

Pipuk eeko nogogwaarik, iname time mbo punuk, o Yekura woraawok nduk, kwe Nawomi eenggelomini inom tu paga ari wogo nogogwaarik,

1 Tamuwen 2:21

Togop eekwi iigak, at Aliku ALA nen kwe Kana nogo abuwa mbake mbareegi, aagalogwe wologwe kenagan ndaganake, ndi, komologwe mbere ndaganake, eereegerak. Ndi, Tamuwen nogo Aliku ALA awooliya wurik me enggaanom paga ake eeke kagak, eebe tawe aret age nagagerak.