Urut 1:5 - Ala Wone Peenok Peebi Mbanak

⁵ Makolon kunduk, Kiliyon kunduk, time aret kambeegwaarak. Kwe Nawomi nogo ogonggelo inom, aagalogwe mbere nogo inom, kanggo mbareegwa, inagalo nogo mban alik wonagagerak.

Urut 1:5 ပူးပေါင်းရင်းမြစ်များ

Yetaya 49:21

Yogwi iinok, inikime mbake logonet, An ndegeninake logokit nduk aap ta nen apuri yi, ndarogo wo'negerak mbakop? Naagalogwe lek ogogwaarak kenok, niniki puru aago wonage, Ambinom ndaganaka'lek wubili wonage, Keele maarogo piya nogogwaarak iigak nalik aret wonage, Eeke nagagirak kwe, Elege-aabologwe yi, ta nen tawe eeginabeegerak mbakop? Mbo paneegwaarak nalik aret wonagagirak kwe, it yi, ngga nen wagaarak wonogo agaarik o? Yinuk, mbake logomunggun o,” yinuk, yoge kagarak o.

Yeremiya 2:19

It maluk eekwi nen aret maluk eeginake, It an noone ineebi mbakwi nen aret ineebe andi-pandi eerogo piige, Eerigin o. Togop me, it nen, Ninogoba Aliku Ala mbo pugwi, At ayuk wukwi, eeka'lek niinok, Abu maluk aret eekwi, niniki andi eekkoloorak mendek eekwi, eeko ogoorik kogo o, yinuk, Ineenu ogwe, iniki liippugwi, eeko logowak o,” yinuk, at ninogoba Omaawi Lombok Menggerak Aliku ALA nen yegerak me, yokkiragi o.

Lukat 7:12

O kota tu pak ambe mbanak me wok yi wogwe me, kwe togwe ambi aagaluk aap ambolom ndarak me kangge mbareegi, eewu'nuk wogwe iigak, it aakumi apit o kota time menggaarak inom, agalo inom, wogwe iyareegerak.

Pelaareegerak 32:39

Ala lombok ambit an aret kinigen pe'neyaanip o. Ala alik ambi wonage lek, nalik aret logonet, Aakumi inoorogo piige, ineenik agago piige, Inawinde-inobaande agago piige, lek eerogo piige, Eeke minggirak an aret me, Aap ambi nen, Eeppiyoorak mage, yo'niriyak meek o.

Urut 1:2

Aap ti endage Elimelek, ndi, at akwe endage Nawomi. Apurilogwe wologwe mbere nogo ambi endage Makolon, ndi, ambi endage Kiliyon. It ti, aap Eparata mendek inawi Yekura o Mbe'lekem aret wonogogwaarak kwe, o Mowap time logowok nduk, nogogwaarak.

Urut 1:4

Wonogo logonet, wologwe nogo inakuwi kumi Mowap mendek wogonabeegwaarak me, kwe ambi ti endage Orapa, ndi, ambi ti endage Urut, kologogwaarak wonogwe iigak, tahun 10 eeppunuk,

Urut 1:6

Ti'nuk, at Aliku ALA nen apuri Iterali liippiige logonet, inambi wogoragagerak kwe Nawomi nogo aruk konengge nagagerik, kumi eenggelomini nogo inom aap Mowap iname nen iniyokan woroorak nduk, pipuk eereegwaarak.