Urut 1:14 - Ala Wone Peenok Peebi Mbanak

¹⁴ Yorage mbareegi, inoone nggwok paga le yogo logonet, at Orapa nogo nen eenggelo nogo linggik-kambuk eerogo agandin eyak mbangge nagagerik, ame aret nagagerak kwe, at Urut nogo perak, “Nimbirak aret noorak o,” yinuk, perenggolage mbareegi,

Urut 1:14 ပူးပေါင်းရင်းမြစ်များ

Wakkagagerak 31:28

Napurilogwe-nombologwe inagandin neyak mbaninake logonet, keyage linggik-kambuk agago wappiyaakit lak, kat wi negen aret ee'nuk wagandak o.

Wakkagagerak 31:55

Ndi, ko'lu kuubondendok at Laban nogo nen ombowologwe inom, apurilogwe inom, inagandin eyak mbaninake logonet, ale'nggen inoba piige nagagerik, iyokan ame aret nagagerak.

2 Tamuwen 19:39

Ndi, at Ndawut inom wonogogwaarak nogo, niyo Yoraran wunda wogo mbareegwa, aap endagembogut Mbaritilayi imbirak wunda wage nagagerik, aap Mbaritilayi keyage wappege logonet, agandin eyak mbambunuk, ale'nggen oba pege mbareegi, aap Mbaritilayi nogo iyokan ame aret nagagerak.

1 Endagembogut 19:20

Oba lenggembege mbareegi, at Elita nen aanggumi tapi nogo mbo piinok, nggare agan Eliya ka wage nagagerik, yoge logonet, “Aa'nduk nagalo-nogoba keyage warogo inagandin neyak mbambiinok, nimbirak nawok o.” Yoge mbareegi, at Eliya nen, “An nano eeppagagirak paga mu'neren wagan. Kiyokan nak o.”

Kini Wuppiige 17:17

Aap ambi aaninggin at oreeluk oba age nogo, imbirak ndak-ndak kaawak nduk nda'nagagerak me, Nano mendek oreeluk oba agak eeke kenok, “Nawuluk kwak me,” yinuk, at mbo pegeelik iniki kunik mban aret eeke menggerak o.

Kini Wuppiige 18:24

Aap ambi oreewi ambik wonogwe kwe, ambi oba age kenok perak, mbo punuk mbaganggo menggaarak. Ndi, aap ambi owe-awot iniki mbuuluk kunik eeginake menggerak kwe, At ambi perak, oreewi iniki mondok kundugu lombok aganake menggerak.

Yetaya 14:1

Aliku ALA ari nogo, kage logonet, “An nen at Yakup paga wiganak inabuwa mbake, Napuri Iterali ambinom leenogo piinok, iname wonogogwam logowak nduk, iniyokan piya wage, Eerigin o. Piya woraminggirak wonogwe me, it aap nggiru iya wogwe, At Yakup ombowologwe wiganak inom lambunna'nuk wonogwe, Eeko logogun o.

Takariya 8:23

At Omaawi Lombok Menggerak Aliku ALA nen an yo'nege logonet, “Ne ti eyom paga yi aap ndi aap inanebunu alitak inom, inoone alitak inom, ineebe 10 nen aap Yakuri mendek ambi ayum nggorek ineenggi mondok omaawi pipporogo logonet, Kit Ala kinom wonogwe ninaruk konenggoorak me, kit ninom noorak uugwe mbako ogoorik o, yinuk, yorogo logogun o,” yinuk, an yo'nege, eereegerak ti aret.

Matiyut 10:37

An kineebi negen nombako logonet, kinagalo a, kinogoba a, kiniki kunik eekwi kiinok ti, an ninom logorak meek aret o. Ndi, an kineebi negen nombako logonet, kinapuluk wulaga a, kolaga a, kiniki kunik eekwi kiinok kunduk, an ninom logorak meek mban aret o.

Matiyut 16:24

Yoge nagagerik, Yetut nen it at oone waganggwi nogo yorage logonet, “Kit an ninom nugu logorak mbakwi kenok, yi eekak ndi eekak eeriyak mbakwi nogo mbo punuk, eyo karo-karo paga nabembinagarak nogo ko'nok, ninom aret nugu logowok o.

Matiyut 19:22

Yoge nogo aruk konengge nagagerik, amendek ambik me, iniki puru agan ame nagagerak.

Nappiigak 17:34

Wungge mbareegi, at o Areyopagut wone amburu mbangga mendek ambi Ndiyonitiyut inom, kwe endage Ndamarit inom, it ando inom, Pawulut inom lambunggo nogogwaarik, abet mbareegwaarak.

Pelaareegerak 10:20

At Aliku kinogoba Ala kinagabiti mbakwi, kiniki at paga mban panggonak logonet mugurok nogwe, ndi, at endage kunogo kumbuk mbanggwi, eeko logonip o.

Pelaareegerak 4:4

Ndi, kit perak, kiniki at Aliku kinogoba Ala oba panggombunuk, mugurok nogwe nogo paga o yogondak kineenik wonogwe yi aret.

2 Timotiyut 4:10

At Ndemat nogo, nggween paga mendek mban inikilom agagerak me, mbo paninuk o Tetalonika nagagerak o. Ndi, at Kereket o Nggalatiya nage, at Titut o Ndalamatiya nage, eekwi iigak,

Iberani 10:39

It aap wone abet mba'nuk waganeegwaarak nogo, mbo pugwi iinok, Ala nen ineebe lek eerogo piyaagin nogo mendek nit lek o. Ata, it abet mbakwi iinok, mondok-mondok ineenik logorak nogo mendek nit aret ogoorik o.

Urut 1:13

tawe ogwe iigak, kit kinogonggelomini alik mbet-mbet kolaga'lek it torinako logorak op mbakop? Togop eeriyak meek aret me, naagalogwe o. Kit perak, obeelom logonet eerit nogo logorak op aret kwe, an perak, Ala nen ale-pale eerogo panegerak niniki abu andi lombok wonage me, obeelom eeppaniyak meek me, nanip o, naagalogwe.”

Urut 1:15

at Nawomi nen at yoge logonet, “Koregelo nogo muk owe-awot inom, ayuk wuko menggaarak inagugi inom, wonogwe me nogome nage me, kat koregelo kimbirak aret nanip o.”

Urut 1:7

Pipuk eeko nogogwaarik, iname time mbo punuk, o Yekura woraawok nduk, kwe Nawomi eenggelomini inom tu paga ari wogo nogogwaarik,

Urut 2:11

Ari mbareegi, at Mbowat nen kwe nogo yoge logonet, “Kogonggelo kangge mbaki, keenggelo obeelom eeppege logonet, kagalo-kogoba inom, nggween kat nda'nagaginom inom, abok aret nonggoti eerogo mbo piinok, aakumi kat keenggo'lek mendek wonogwe iigak wagandak nogo, an abok aret konenggirak me,