Titut 3:5 - Ala Wone Peenok Peebi Mbanak

⁵ ninagap nda'ninabeegerak. Nit obeelom eeko nogogurak paga ninagap nda'ninabulik o. Ata, at alik iniki nen ninabuwa mba'nuk, obeelom eeppinanege logonet, niniki maluk koorogo punuk, obaane'me ngget ndarogo pinanege, Aberiniki nen niniki ngget ogobakkigi'ninake, eereegerak ti paga ninagap nda'ninabeegerak.

Titut 3:5 ပူးပေါင်းရင်းမြစ်များ

Ayup 15:14

Aap kikak naka'lek abu obeelom wonogwe, It kumi nen inaagalogwe nogo, iniki abe koonak aret ndaganakwi, Eeko menggaarak mbaken?

Ayup 25:4

At Ala nogo nen, Aap yi, iniki abe koonak aret kagi o, yoge, Ndi, kumi nen ndaganakaatak inaagalogwe nogo Iniki kikak naka'lek ambi wonogwe iige, Eeriyak ti, nonggoti mbaken?

Ayup 9:20

An aap obeelom aret kwe, Noone yikkolage ti paga nen kat aap abe lek maluk aret, yo'nege, Ndi, an maluk eeka'lek aret kwe, Wone yiminggirak ti paga nen, Kat maluk aret, yo'nege, Ee'netak o.

Ndawi 130:7

Togop me, kit Iterali yi wae. At Aliku ALA kinabuwa nen Iniki mondok kunik mban eekkinake, Eebi mbaka'lek wondet eerogo pinagagak mban eeke, Eeke logogin me, At paga kiniki lunik logonip o.

Ndawi 143:2

It aakumi o nggween paga wonogwe inenggela'me Aap ambiriluk ambi iniki abe koonak kat kageelik me, Kayeloman an yi, nowak looniyak mage o.

Ndawi 51:10

Ala wae. Niniki kikak naka'lek eerogo panege, Niniki nu'lek logokit nduk, Niniki ngget mendek eerogo panege, Eeru o.

Ndawi 62:12

Ndi ambi, Nogoba wae. “Kat aakumi inabuwa lombok mbarit nage, Eeke menggendak,” Konenggirak me, Aakumi eekaatak ndak-ndak aret Onggo eeppiige logomunggun abet mbake agarik o.

Ndawi 86:15

Nogoba o. Kat aakumi inabuwa mbake, Kiniki yanggo yinuk eeppiige, Kiniki aan aganggenggwi lek kwi'ndak wonage, Aakumi kiniki kunik aganakak mban eeke, Yoraga'ndak nogo li'luk eeppiige, Eeke menggendak o.

Ndawi 86:5

Nogoba o. Kat Ala abu obeelom aret wonage, Aakumi inomaluk aberak wonageelik mari eerogo piige, Aakumi abok aret inoone nggwok paga yokkugwi iinok, Inabuwa lombok mbarit nage logonet inoone konengge, Eeke menggendak o.

Yetaya 57:12

Maluk kagak, Nit obeelom eekwi, mbakwi inom, eerit nogo menggaarak abok aret inom, kin paga yoroorak kwe, Wone ti, liippugun lek me, we aanom warogo aret yoroorak o.

Yetikiyen 36:25

Piya nanuk, inabin koorogo piige neenok, it obeelom aret logogun o. Inoba maluk lenggennage, inagugi ogut alut eerit nogo logonet maluk eerogo pakwi, eereegwaarak nogo, inabin koorogo piinok,

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Matiyut 3:11

Kit kiniki koombunuk, kinomaluk mbo pugwi kiinok, yiime wuppinagage minggirak aret kwe, at ambi nambo'me woraagin nogo perak, Aberiniki inom, kani inom, kinoba pinagi woraagin me, at aap nggwok aret o. Ndi, an mbuuluk me, an nen at iyogogut nggerenak piiniyak meek o.

Lukat 1:50

It aakumi at inagabiti mbakwi iinok, muk ndarak ngget ndarak abok aret inabuwa nen obeelom eeppiinet wundi wage logogin o.

Lukat 1:54

Ndi, wone maan ninombomini Abarakam ombowologwe inom mondok-mondok inabuwa nen obeelom eeppiyoorak yoragagerak nogo, Abeke logonet, at ayeloman Iterali yeenggwaara wagagerak o,” yinuk, yereegerak.

Lukat 1:72

At nen ninombomini inabuwa nen obeelom eeppiyoorak, yoragagerak nogo aret eeppiige, Ndi, wone mondok alik leenak at endage kumbatinuk, ninombo Abarakam yoreegerak nogo, a'me lik yuurak nduk, abeke, Eerikit nduk, eereegerak o.

Lukat 1:78

Ninogoba Ala nen mbo pinanegeelik liirogon aret ninabuwa nen obeelom eeppinanege me, o kilim nagake menggi kwak, eya agi nen niya wambi wage logonet,

Oroma 11:14

Kit an wone yokkirage nogo waganggwi kiinok, it an nowe-nawot Iterali mendek nogo nen, “Nit togon abet mbaruwok lak, it mban yorage ti, nineebi a,” mba'nuk, it ando iniki abet mbako mbaremengga, “Ala nen inagap ndaruwak lak ao,” yinuk, niniki lunik agarik o.

Oroma 11:6

Ala nen miirinabeegerak nogo ti, it obeelom eekwi iinok, miirinabulik o. Ata, inabuwa nen miirinabeegerak. At Ala nen miirinabeegerak nogo ti, it obeelom eereegwaarak paga miirinabenetak en, inabuwa nen miirinabeegerak nogo ti, pilit aret mba'netak.

Oroma 12:2

It aakumi nggween paga mendek nen iniki mba'nuk eerit nogo mengga kwak, kit togop eerit nogo logogup o. Ata, kit alik ngget mendek eerit nogo logobagip nduk, “Niniki ngget alik ogobakkigi'ninake logot o,” yinuk, Ala yogo logonip o. Ti yorumonggotak eekkinake kenok, at Ala eeriyak mbake nogo ti, obeelom aret kogwe, eerit nogwe kiinok, Ala iniki ale'nggen ninombake kogwe, ndi, “Abu obeelom lombok koonggerak me, ambi kooniyak lek aret,” mbakwi, eeko logorak kineenu arumunggup o.

Oroma 3:20

Togop me, Ala nen wone lengganogo Muta yoreegerak eekwi paga Ala nen, “Kat aap obeelom aret o,” yinuk, yigin lek aret. Ata, “An maluk eeke minggirak aret kagi,” yinuk, yelok kogo logowak nduk, lengganogo Muta yoreegerak o.

Oroma 3:28

Wone, “Yogop ee'nu, ndogop ee'nu,” Muta yoreegerak waganggo monggoorak paga Ala nen, “Aap yi, oba lek o,” yinuk, obeelom eerogo pinanigin ti, lek o. Ata, abet mbakwi paga mban obeelom eerogo pinanigin abet aret mbako logonet, yogo ogoorik o.

Oroma 4:5

Kit nen, “Ala nen obeelom agago panuwak nduk, nonggop eeri?” mbaka'lek logonet, it maluk eekwi obeelom agago piige menggerak Ala nogo, kiniki oba panggombunuk abet mbakwi kiinok, kit abet mbakwi ti paga Ala nen, “Kit obeelom aret kiigi o,” yinuk, yokkiraagin o.

Oroma 9:11

Inogoba ambit aret kwe, “At Ala nen it eekwi paga lek o. Ata, iniki nen mban koombunuk, ambi miike, ambi teppiige, eeke menggerak,” mbako logowak nduk, it wologwe nogo awo nda'nogwe, ndi, maluk eeriyak obeelom eeriyak awo ineenggo'lek wonogwe, eekwi iigak, Ala nen kwe Iribeka yoge logonet, “Kaagalogwe ndaganabemenggendak nogo owe nen awuluk abu'me logogin o,” yinuk, yoreegerak.

Oroma 9:16

Togop me, Ala nen mbo pinanege a, obeelom eeppinanege a, ti, nit aakumi nen, “Eeppinanuwak,” mbakwi, “Eeppinanuwak nduk, ambi eekkola o,” yinuk, yogwe, eekwi paga eeppinanigin lek o. Ata, iniki mba'nuk nen mban ninabuwa mbake logonet, obeelom eeppinanege menggerak kogo ogoorik o.

Oroma 9:30

Ti kenok, nit wone ngge yuwok o. It endekem konenggulik mendek nogo at Ala nen obeelom agago piyaawak nduk eekkologo logolik o. It abet mbareegwaarak paga obeelom agago piyareegerak kwe,

1 Korindut 6:11

Kit maan nen aap togop aret wonogogutak kwe, ninowe Yetut Keritut eereegerak paga ninogoba Ala Aberiniki nogo nen kinomaluk koorogo pinagage, Ala ake leenogo pinagage, ndi, “Aap yi, oba lek o,” yinuk, kiniki obeelom agago pinagage, eereegerak o.

Nggalatiya 2:16

Ala nen wone Muta yoreegerak nogo ndak-ndak eekwi niinok, “Aap yi, oba lek o,” yinuk, obeelom agago pinanigin lek o. Ata, Keritut Yetut abet mbakwi nogo paga, “Aap yi, oba lek o,” yinuk, obeelom eeppinanege menggerak nineenu me, nit togon Keritut Yetut abet mbareegurak o. Wone Muta yoreegerak nogo eekwi paga, “Aap yi, oba lek o,” yinuk, obeelom agago piyaagin lek me, nit Yakuri mendek kunduk, obeelom agago pinanuwak nduk, wone Muta yoreegerak nogo eekwi lek o. Nit togon, Keritut abet mbareegurak aret o.

Epetut 2:4

at Ala nogo nen aakumi maluk eekwi iinok, anini nen mbet-mbet inookeelik mondok inabuwa lombok mbake logonet, yanggo yinuk, torinake menggerak me, nit abok aret yi maluk ndi maluk eerit nogo nogogurak paga kambak kwak aret wonogwe niigak, Ala ninabuwa mbake nagagerik, Keritut eenik eeppege logonet, nit kunduk ninom aret nineenik eeppinaneegerak. Ala ninabuwa nen iniki kunik ee'nabeegerak ti paga ninagap ndareegerak kogo o.

Epetut 4:23

kiniki ngget ogobakkigikkinabuwak nduk, Ala oone mban mugurok nogo logonip o.

Epetut 5:26

Nit Ala apuri yi awi ndi awi monggoorak ninake kambeegerak nogo ti, “An napuri inoba mili lenggenak yinik-pinik aago ineebe yinuk-punuk eerak iigak koloorak neebi o. Ata, ineebe kikak naka'lek mondok alik leenak abe kigirikwe lombok iinok kolaakit o,” yinuk, ngguu'mo wappiigo mengga kwak, at oone waganggwi paga ninomaluk lek eerogo pinanege logomenggerik, Ala ake leenak logowok nduk, ninabuwa mbake logonet, ninake kambeegerak o.

Pelaareegerak 9:5

Kit nen obeelom eekwi, kiniki abu koonak wonogwe, eeko logomonggotak paga aakumi inanggween time unde arumunggup nduk, unggwi namunggup lek o. Ata, at Aliku kinogoba Ala nen wone abuk nggaruk togon kumbuk mbanogo kinombomini Abarakam inom, Itak inom, Yakup inom, yoragagerak nogo a'me lik yuwak nduk, eeke logonet, It aakumi inanebunu abok maluk lombok eekwi me, yinuk, at aa'nduk a'nuk mugogo wumbiyaagin o.

2 Timotiyut 1:9

At Ala nen ninagap ndake nagagerik, nit at apuri at ake leenak logowok nduk, ninayonggo pereegerak. Nit ambi eekkologogurak paga ti lek o. Ata, at ee'ninaburak kooneegerak nogo ndak-ndak, iniki kunik nen eeppinanege logonet, ninagap ndareegerak. At iniki kunik nen eeppinanege menggerak nogo ti, o yi awo wakkaga'lek kagak, “Keritut Yetut abet mbakwi paga woorak o,” yinuk, koonogo pinaneegerak nogo, pagak yaga'lek wonagagerak kwe,

Titut 3:4

ninagap ndaka Ala nen yi aakumi ndi aakumi inabuwa mba'nuk, obeelom eeppiyoorak nogo, kin ari wage nagagerik,

Iberani 10:22

niyo abe mili-mili paga ninabin koorogo pinanege, ndi, maluk eeko nogogurak ninikime aberak logokwak, lek eerogo pinanikit nduk, at amiya paga werenogo pinanege, eereegerak me, “Abet aret panggo yi ungguurak, yegerak,” mba'nuk, niniki mondok abe paga at owagam panggo yi ungguwok o.

Iberani 4:16

yogondak aaninggin ambi ninoba age kenok, ninabuwa mbake logonet, iniki kunik en eeppinanege kaawok nduk, ninagabiti mbaka'lek at Ala iniki kunik en eeppinanege menggim nogome panggo yi ungguwok o.

Iberani 6:6

mbo punuk, nomoninuk alik eerit nogwe iinok ti, Keritut eyo karo-karo paga ambinom nabenogo punuk, nggwok paga enggali wappugwi me, peebi inomaluk mbo punuk, Ala oba nabennari noorak abu meek aret kaagun o.

1 Peterut 1:3

At ninowe Yetut Keritut ogoba Ala nen ninabuwa nggwok lombok mbake nagagerik, obeelom eeppinanege logonet, at Yetut Keritut kambunuk nogo menggam nen eenik agago mippereegerak nogo paga ninake punik nineyate kokwak pili age, yi'mbaani kungge, lek age, eekeelik mondok mbogut paga pinanogo wonage niniki lunik wonogwe nogo, kola nawok nduk, niniki ngget nda'ninabeegerak me, “Ninogoba Ala wa,” yinuk, endage tiyappogo ogoorik o.

1 Peterut 2:10

Kit maan aa'nduk nen Ala apuri lek aret wonogogutak kwe, yogondak perak, at apuri eekkinabeegerak wonogwe, ndi, kit aa'nduk Ala nen kinabuwa mbake nagagerak nogo kineenggo'lek wonogogutak kwe, yogondak perak, at Ala kinabuwa nen obeelom eeppinagage nogo liippugwi, eeko ogotik o.

1 Peterut 3:21

Ndi, it ineebe 8 niyo ndonggoninake kero, niyo nen wogoren laganeegerak paga inagap ndareegerak nogo ndak-ndak, nit yogondak niyome wuppinanugwi paga ninagap ndake ti, we ninagabolo mili kenok, koo'ninabuwak nduk, eekwi lek o. Ata, nit nen Ala yogo logonet, “An pilit lek, abet aret yiluk-maluk mbo pigirak me, kat kabu'me logokit o,” yinuk, Ala enggaanom paganggwi niinok, niyome aret wuppinanugwi, ndi, at Yetut Keritut eenik eerogo mippereegerak paga ninagap ndake menggerak ndak-ndak, niyome nen pilanogo mippinanugwi, eeko menggaarak o.