Titut 3:3 - Ala Wone Peenok Peebi Mbanak

³ Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,

Titut 3:3 ပူးပေါင်းရင်းမြစ်များ

Wakkagagerak 38:9

Yoge mbareegi, at awuluk iniki nen, “Kwe yi aagaluk ndarigin kenok, An naput, yaga'lek, Noweeluk aput aret, yogo logogun kagi,” mba'nuk, akwe nogo pigagangge kenok, oweeluk apuri wigak yukwak nduk, at oona mendek nogo we endekem kilirogo nappege nagagerak.

Wakkagagerak 39:16

Yorage nagagerik, mbogoyum nggoorak nogo ogonggelo wage kenok, nikkaakit nduk, porogo wonage me,

Ndawi 36:2

It nen, “Nit aap abu iya o,” yinuk, Wogoppatit nugu menggaarak me, Eerit nogo logonet, “Yi maluk aret eeke kagi,” mbakwi, “Maluk eeke minggirak neebi o,” yinuk, mbo pugwi, Eekulik aret o.

Kini Wuppiige 8:5

Kit kiniki yuundurak yi wae. Kiniki penenak eekkabuwak nduk mamunggologwe, Kit kiniki lek wi negen yi wae. Yi wone ndi wone alom liippakwi, Eeko logonip o.

Kini Wuppiige 9:6

Kinale'nggen logonet, kineenik logomunggup nduk, Kiniki lek wi negen eerit nugwi ti, mbo punuk, Yi wone ndi wone ineenu nen eeko menggam mugurok nogo logonip o.

Yetaya 44:20

It aap ti nen, “An neenggi amburu paga ogut eeke yi, eebe abet aret me nduk, eeke ilik, eebe lek kagak we ogut mban eeke a?” yinuk, yogwe, “Yi paga nen nagap ndarigin me, eeke ilik?” mbakwi, Eeka'lek pilit kagak neenu mbakak eekwi ti paga tu alik paga nogwe, Wun nunggulik kagak nunggwi kwak eekwi, Eeko agaarik o.

Obaya 1:3

It inawi puut tiyarogon yugum ambe nggaganak me wuppunuk wonogo logonet, Aap ta nen nit tebenogo nggween paga wuppinani woroorak mbakop? Lek aret o, yinuk, Iniki tiyappakwi paga inambokan laganggologo agaarik o.

Matiyut 21:29

Yoge mbareegi, aput manggu nogo nen, E o, nogoba, yoreegerak kwe, eeri noolik puk agagerak.

Lukat 21:8

Yogo mbareegwa, at Yetut nen yorage logonet, “Aakumi nomongginakwi iyo, kiniki tum wakkologo logonip o. It aakumi apit an nendage kunit wogo logonet, at ambi nen, At woroorak nogo ti, an aret wagi o, ari, ndi, at ambi nen, At woroorak eyom muk panggo yi wagaarak o, ari, agan woraagun me, inoone konembunuk, muguren noobok o.

Yaya 8:34

Yogo mbareegwa, Yetut nen, “Ayeloman ambi ogoba abu'me logonet, aruk konok mban eeke menggi kwak, kit maluk eeriyak mban eekkinake kenok, maluk ti, ayeloman aret logomunggup o, yinuk, mondok abet aret yokkiragi o.

Oroma 11:30

Kit endekem konenggulik mendek aa'nduk Ala wone yugu kagak alik eeko nogogutak kwe, it aakumi Yakuri mendek Ala wone taganogo mbo pereegwaarak paga Ala nen kit kinabuwa mba'nuk, teppinagareegerak ti kokwak,

Oroma 6:12

Togop me, kinagabolo kanggo monggotak mendek kagak kiniki nen nengge nogo mugurok nogo logonet, maluk eeriyak mban eekkinake kero, tebenogo pegak eeko logonip o.

Oroma 6:17

Kit aa'nduk maluk ayeloman aret wogogutak kwe, yogondak perak, wone mamunggirogogwaarak nogo kiniki mbere lek ambit paga mondok li'luk eerogo woppunuk, eerit nogwe me, Ala mondok, “Wa,” yinuk, keyage wake agarik o.

Oroma 6:22

Ndi, yogondak perak, kit maluk ayeloman wonogwe kiinok, Ala nen wondet eerogo pinagage nagagerik, at ayeloman logobagip nduk, eerogo pinagareegerak paga eyo anggen yi'nage menggi kwak, at nen leenogo pinagareegerak me, at ake eerit nogo logonet, irip paga kineenik mondok logorak mendek kologo logomunggup o.

Oroma 6:6

Nit maluk ayeloman logonet, niniki maan mendek nen maluk mban eeriyak ee'ninake nogo, ambinom eerit noorak ee'ninake kero, omaawi lek eerogo puwak nduk, Keritut ninom eyo karo-karo paga ninooreegwaarak nineenu me, yokkirogo ogoorik o.

2 Korindut 12:20

An nen, “Kit eeko logorak,” mbake nogo kagak alik eekwi me kiya wage, ndi, kit nen, “At ndogop eeri woraawak,” nombakwi kiigak, an nen alik eeri wage, eerukwak, an nagabiti mbake agarik o, noreewi. An kiya wage logominggirik, noone-koone agan nugwi, nuwa-kuwa yogwe, nanini-kanini yogwe, an iya kat iya yogwe, nabok-kabok yogwe, wone kinambe irip paga wonok nugwi, wogoppatit nugwi, ogoorak ka'let eekkologwe, eekwi me kiya wage neyo, nagabiti ee'nake o.

Nggalatiya 6:3

Kit aap iya lek kwe, “Nit iya o,” mbakwi kiinok, kit aret kinambokan laganggologo ogotik o.

Kolote 1:21

Kit aa'nduk maluk eeriyak mban kiniki koombunuk, eerit nogo logonet, Ala kinom ogoorak nda negen aret wonogogutak kwe,

Kolote 3:7

Kit aa'nduk maluk mban eerit nogo logonet, ti mendek abok aret eerit nogo nogogutak nogo mbo pereegutak kwe,

2 Timotiyut 3:13

Togop aret kwe, it aakumi maluk eeka inom, pilit pugungga inom, maluk ambinom nggwok eerit nugu logonet, it mban-mban inambokan laganggologo logogun kwe,

2 Timotiyut 3:6

It aap ti nen oome ungguwok nduk, inoone waanggo-waanggo yoraanuk unggwogo nagaatik, kumi iniki nengge kenok mugurok nogo logonet, maluk eeko nogogwaarak paga iniki aaninggin wonogwe nogo, it aap ti nen inoone yanggorogon yorogo nagaatik, it kumi nogo iniki nomoninako menggaarak.

Titut 1:16

It aap ti nen yogo logonet, “Ala nineenu o,” yogo menggaarak kwe, it eerit nugwi paga nen perak, “Ala nineebi,” mbako logonet, yogwe yelok iigo monggoorak. Ala wone konengga'lek taganogo pit nogo logonet, obeelom ambi eekulik maluk mban eekwi me, inogole warak aret iigo monggoorak o.

Titut 2:12

Ninogoba nggwok Ala ninagap ndaka Yetut Keritut, “Wi!” ugwi iigak, kin ari woroorak nogo, nit niniki lunik logonet, ninale'nggen paga tokkogwe me, Ala iniki kunik nen yo'nirage logonet, “Kit o nggween paga yime Ala kinagabiti mbaka'lek maluk eekwi inom, nggween paga eeriyak kiniki nengge inom, mbo punuk, kiniki warak a'nuk, maluk eeka'lek obeelom mban logonet, Ala wone liippunuk, mugurok nogo logonip o,” yinuk, yo'nirage menggerak.

Yakobut 1:26

Kit ambi nen, “An Ala wone liippunuk eeke agarik o,” yinuk, yogo monggotak kwe, kinambe liirogon arum wonaga'lek kinamili irip paga ugun agan nugwi kiinok, kit aret kinambokan laganggologwe, ndi, “An Ala wone liippunuk eeke agarik o,” yogo monggotak nogo ti, aanom warogo aret yogwe, eeko monggotak kiigi o.

1 Peterut 1:14

Kit aa'nduk Ala kineenggo'lek logonet, kiniki nen nengge kenok ugun-ugun eerit nogo nogogutak nogo, mbo punuk, ogoba ari kenok, aput konembunuk ndak-ndak eeke menggi kwak, kinogoba Ala nen ari kenok mban eerit nogo logonip o.

Wayu 12:9

at waalo nggwok nogo awuri inom mbelenogo nggween paga mbo wuppiya wage kagarak. Wuppiya wage mbaki, waalo nggwok mbo wuppi wagaarak nogo ti, o maan nen yi aakumi ndi aakumi abok aret inambokan lagangge menggerak Ibilit nogo ti, Tile aret me, at awuri inom abok aret mbogut paga nen mbelenogo nggween paga wuppiya wogwe iigirak o.

Wayu 13:14

At nggeewo aa'nduk lagi wagaarak oone kiliregerak paga, eerubok mendek iya tit eerit nage logonet, “Nggeewo negen ambi mbuti tege paga wakaarak kwe, eenik agaarak nogo, ogut wakkagak ambi ogobakkigirogo punuk, at mban alut eeko logonip o,” yinuk, it aakumi nggween paga wonogwe nogo inambokan lagangge logonet, yorage kagarak.

Wayu 18:2

Wambi wage nagaarik, oone mondok omaawi paga ari logonet, “O kota nggwok Mbaben nogo, mondok lek eerogo pigi o. Lek eerogo pigi o. It o kota Mbaben menggaarak nogo ti, kwe yawukak pogom me, Kwe nogo nen iniki nengge kenok, Ee'nabi woraanip o, ari kenok, Yi aap ndi aap inanebunu lombok abok aret, anggur amburu nenok, kumili-kumili agan nugu mengga kwak, ugun-ugun kwe nogo eeppi wogwe, Yi aap ndi aap inoweewi inendagembogut o nggween paga menggaarak abok aret kwe nogo eeri unggwogwe, Ndi, kwe nogo nen aap iniki nengge kenok, eeppi unggwagak eekwi paga It aakumi yi awi ndi awi kunggo menggam unde menggaarak nogo, ineenggi warak eekkologwe, eekwi iinok, O Mbaben nogo pup eerogo pegerak me, Yogondak yi kugi ndi kugi inom, it kambeegwaarak inogoma inom, yi towe ndi towe nen aakumi kanggaatak nunggwi iinok inogole yogo menggaarak inom, Abok aret inawi eekkola unggwa-ga o,” yinuk, oone nggwok paga ari naruk konenggirak.