Titut 2:8 - Ala Wone Peenok Peebi Mbanak

⁸ Ata, kayuk warak logonet, yorage kenok, it aap koone woorak, “Nineebi,” mbakwi nogo nen wone maluk ambi yoramenggendak paga yilunogo punuk, nit tebembinaniyak lek me, it inenggali aruwak nduk, wone koleewak wone kenggali wappagarak lek nogo mendek mban yorage logot o.

Titut 2:8 ပူးပေါင်းရင်းမြစ်များ

Nekemiya 5:9

Puk aret ogo mbareegwa, an nen ambinom yorage logonet, “Kit eekwi ti, eeriyak lek mendek aret eeko ogotik! Yi aakumi ndi aakumi inambik ninawim nogo nen ninendage maluk eerogo pinanukwak, ninogoba Ala ninagabiti mbako logonet, eerit nogo logorak lek mbakop?

Yetaya 66:5

Aliku ALA nen ari kenok kinaganak waka kit yi wae. At yegerak yi, kinaruk liirogon konenggo logonip o. It kinoreewi nen ineebi kinombakwi, An nayuk wukwi kiinok mbo pinagagwi, Eekwi nogo nen yogo logonet, Kit ale'nggen mbako monggotak kiyaawok nduk, Aliku ALA eeke paga endage tiyak ari nogo, Nit ambi eeke kaawok o, yinuk, Yagaarak kwe, eeka'lek kenok, inenggali kaagun o.

Marakut 12:17

Yogo mbareegwa, at Yetut nogo nen, “Ti kenok, Kayitat amendek ti, Kayitat aret wogogwi, ndi, Ala amendek ti, Ala aret wogogwi, eeko logonip o,” yinuk, yorage mbareegi, it nogo nen, “Wi!” yinuk, pi wareegwaarak.

Marakut 12:28

It Ala wone liiru mbanak unde ambi inowagam wage nagagerik, it wone wakwi nogo aruk konembunuk, at Yetut wone onggo obeelom aret yorage kage nagagerik, at Yetut yoge logonet, “At Ala nen, Yogop ee'nu, ndogop ee'nu, yereegerak nogo, wone alom ambi iya lombok nogo ngge kagandak o?” yinuk, kin wokkagagerak.

Marakut 12:32

Yoge mbareegi, at Ala wone liiru mbanak unde nogo nen, “E o, nogoba. Op aret yagan o. At Ala mbere lek alik aret menggerak me, abet aret yagan o.

Marakut 12:34

Yoreegerak at Yetut nen aap nogo iniki warak nen ari kage nagagerik, “Kat keebe Ala abu'me pagarak panggoppake keegi o.” Yoge mbareegi, it abok aret ne ti kuli nen at ambinom kin wokkoorak inagabiti agagerak.

Lukat 13:17

Ti yoragagerak paga at inom ogoorak wonogwe nogo inenggali agago piyareegerak kwe, it aakumi abok at Yetut iya tit eerit nege nagagerak nogo paga inale'nggen mbako nogogwaarak.

2 Tetalonika 3:14

Nit wone yokkirogwe liiru mbanak yi, at ambi nen, “Eeriyak, neebi o,” ari kenok, aap ti, eebe liippogo logomonggotik, enggali aruwak nduk, kinom nugu logorak mage o.

1 Timotiyut 5:14

Togop me, it kumi ti nen ambi eeremenggaarak paga it ninom ogoorak nogo nen ninenggali wappinanukwak, it kumi ndugum me togwe piyamenggerak nogo, inogonggelomini kologwe, inaagalogwe ndaganakwi, inamelak wogo eekwi, eeko logorak op aret mbake agarik o.

1 Timotiyut 6:3

Aap ambit-ambi wone kole wone ninowe Yetut Keritut wone nogo inom, ndi, nit Ala wone liippunuk, mugurok noorak mamunirogwe wone nogo inom, eebi mbake logonet, wone alik mamunirage kenok,

Titut 3:14

It ninapuri ti, eyo anggen yegeelik pogom logokwak, it aakumi aaninggin inoba age kenok yeenggwaarogo logowak nduk, yabu liirogon eeriyak mamunggologo logowak o.

1 Peterut 2:12

It aap endekem iniki abet mbaka'lek mendek nogo nen, “It maluk eerit nugwi o,” yinuk, kinabok mbaniyak nduk eeremenggaarak kwe, obeelom mban eerit nogwe liippinagago logomenggaarik, Yetut wage eyom paga Ala wogoppuwak nduk, inenggela'me logonet, kiniki mondok liippunuk eeko logonip o.

1 Peterut 2:15

It wone lengganogo yokkirogwe nogo ndak-ndak eerit namonggotak paga, aakumi iniki lek we ugun agan nogo menggaarak nogo, at Ala nen, “Inoone taganogo piigo logowak,” kinombareegerak me, kinogobamini nogo nen wone lengganogo yokkirogwe iinok, “E o,” yinuk, konenggo logonip o.

1 Peterut 3:16

Kit Keritut kinom kunik logonet, obeelom eerit nogwe kiigak, it miyuk-meya eerogo pinagagwi nogo nen, kit obeelom mban eerit nogwe paga, “Ia!” yinuk, inagabiti mbarugun me, kiniki maluk ambi abe'naga'lek kiniki obeelom paga kinoone yanggorogon yorogo logonip o.