Titut 2:6 - Ala Wone Peenok Peebi Mbanak

⁶ Ndi, it wologwe tawe ti, togoti aret iniki warak logowak nduk, inaruk wake logot o.

Titut 2:6 ပူးပေါင်းရင်းမြစ်များ

Ayup 29:8

Aap tawe nen neego nagaatik, inakom tayo yogwe, It aap inanggok kenok mi'nogwe,

Ndawi 148:12

Wologwe tawe komologwe tawe inom, Aap inanggok inom, elege-aabologwe inom, Kit abok aret Aliku ALA tiyappogo logonip o.

Wone Alom Kibingga 11:9

Wulaga tawe yi wae. Kat awo tawe wonage logonet, kiniki ale'nggen mbake, Kat awo tawe paga kiniki ale'nggen nen eerit nage, Eeriyak eekkake nogo mugurok nage, Kenegen kenok eerit nage, Eeke logorak ti op aret kwe, Yi eekak ndi eekak eeremenggendak abok aret nogo paga Ala nen kowak loonigin mbake logot o.

Wone Alom Kibingga 12:1

Kat awo tawe logonet, at ogobakkigirogo pagareegerak nogo abeke logot o. Maluk koba ariyak ne nogo awo ari waga'lek kagak, “An nda'nagagirak yi tahun ndi tahun ari nage kagak, niniki ale'nggen ee'nabigin lek kagi o,” yuurak eyom awo panggoni waga'lek kagak,

Yowen 2:28

Ti eeppege logominggirik, yi aakumi ndi aakumi abok aret Naberiniki inoba wuppi woraagin o. Wuppi wage logominggirik, inapuri wologwe-komologwe yorage neegak, an ari nogo yoranet nugwi, Inogobamini inanggwok nen inabi kogwe, Inapuri wologwe tawe nen inabinggaanggo kogwe, Eeko logogun o.

1 Tetalonika 5:6

it aakumi ando nogo yugu menggaarak nogo pogom nit togop nogo yugu logorak lek o. Nit nogolumok yaga'lek tum wako logowok o.

1 Timotiyut 5:1

It aap inanggok iinok, koone omaawi paga mberiraagun o. “Yi nogobamini kwak me,” yinuk, iniki eyak wappiige logot o. It aap tawe ti, kat kawuri kwak,

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.

1 Yaya 2:13

Nogobamini yi wae. At o aa'nduk nen nok-nok yogondak kuli itok mondok menggerak kit kineenu ogogutak me, Kinake liiru yi, mbanggirage, Nawuri yi, wae. At maluk ee'ninaka nogo tebenogo pogotak me, Kinake liiru yi mbanggirage, Eeke agarik o. Kit an napuri niniki kunik yi, wae. Ninogoba Ala kineenu ogogutak me, Liiru yi, mbanggirage,