Titut 2:2 - Ala Wone Peenok Peebi Mbanak

² It aap inanggok ti, iniki tum waka kenok, inayuk warak kenok, iniki warak kenok, it iniki abet mbakwi nu'lek menggaarak kenok, aap togop mendek logowak nduk, yorage logot o. Aakumi abok abet aret iniki kunik aganakwi, ndi, aaninggin inoba age kenok inogogumbuk logonet, waganggwi, eeko logowak nduk, yorage logot o.

Titut 2:2 ပူးပေါင်းရင်းမြစ်များ

Ayup 12:12

Aap inanggok kenok iniki warak logonet, wone koonogo yogwe, Aap ndarak iigak, tahun ambik eerak kenok, wone mbet-mbet liippugwi, Eeko menggaarak nogo lek a?

Ndawi 92:14

Aap inanggok ari nogwe iigak, Eyo anggen yege menggi kwak, anggen abe yugwi, Eyo mbuk aga'lek ki menggi kwak, it togop aret wonogwe, Eeko logonet,

Kini Wuppiige 16:31

Ineeruwak kenen wonage kenok ti, obeelom mban eerit nugwi iigak, wundeegerak me, Nggare-nggare abu kigirikwe yirik kwak aret wonage menggerak.

Yetaya 65:20

It inapurilogwe awo ngget ndarak kagak kanggwi, It aap inanggok nogo nda'nogogwaarak eyom ari naga'lek kagak obate paga kanggwi, Eeko logogun lek o. It ndarak iigak tahun 100 eeppunuk kanggwi iinok, Awo tawe aret kanggerak, mbakwi, Ndi, it ndarak iigak tahun 100 ari naga'lek kagak kanggwi iinok, At pulunik aret me kanggerak, mbakwi, Eeko logogun o.

Ala Unde 19:32

Naliku ALA an aret me, aap inanggok iinok, inabu'me tebe yinuk inayuk wukwi, ndi, an inogoba Ala inagabiti nombakwi, eeko logowak o.

Marakut 5:15

Yetut owagam nogo nogogwaarik, aap kugi ambik inikime lik yereegerak nogo, aap iniki age nagagerik, yum yippunuk, time aret kwi'ndak wonage kogo nogogwaarik, inagabiti agagerak.

Lukat 8:35

Eerit nugu mbareegwa, eereegerak nogo it aakumi pekka nawok nduk, iname nen wundinuk Yetut owagam nogo nogogwaarik, aap kugi inikime nen wundi nagagerak nogo aap iniki a'nuk, yum yirik Yetut abu'me kwi'ndak wonage me ka nogogwaarak. Ka nogo nogogwaarik, inagabiti mbareegwaarak.

Nappiigak 24:25

Ndi, at Pawulut nen obeelom eeko logorak wone inom, iniki nen eeriyak eeginake kwe, tebenogo puurak wone inom, peebi nen owak looninaburak wone nogo inom, yorage mbareegi, at Pelikit nogo agabiti age nagagerik, “Abu yogoorak me, nak o. Ne ambi paga yuurak nanonggwan age kenok, woraanok nduk kayonggo pege neyaamunggun o,” yinuk, yoreegerak.

Oroma 12:3

Ala nen, “At yi, an noone yoranet nege logowak o,” yinuk, iniki kunik en onggo lek we aret unde eeppaneegerak nogo paga kit abok aret wone ambi yokkira o. Kit obeelom wone abet mbako mbareegup, Ala eyabu eeko logobagip nduk, kinalitak lombok unde eeppinagareegerak nogo, liippunuk, “An yi aret unde eeppanegerak kagi,” yinuk, ndak-ndak eerit nogo logonet, kat mbuuluk unde eeppagareegerak kagak, “An iya lombok unde eeppanegerak kagi,” yinuk, wogoppako logogup o. Ata, “An yi aret wo'negerak me,” yinuk, kiniki tebenak logonet, eerit nogo logonip o.

1 Korindut 15:34

It ando kinenggela'me Ala wone ineenggo'lek iigak, kit maluk eekwi me, maluk eeko monggotak nogo mbo punuk, kiniki warak a'nip o. Wone yokkirage yi, kit kinenggali arubagip nduk, yokkiragi o.

1 Korindut 9:25

Aap ambi it aakumi nggare agan nogwe nogo inom nggare agan aa'nduk wundi noorak mbake logonet, at yi mendek ndi mendek eeriyak mbake nogo tebenogo pege menggerak. At onggo nggare-nggare mendaarak we luulu lek ariyak mendek kagak yippanuwak mba'nuk, eeke menggerak kwe, nit perak, onggo nggare-nggare mendaarak mondok-mondok logorak mendek yippinanuwak mba'nuk, eekwi me,

2 Korindut 5:13

Nit yorogwe paga, “Kumili o,” yo'nirogwe iigak kwe, Ala tiyappuurak nduk, agan nugwi niigak, yo'nirogwe me, op aret o. Ndi, “Aap iniki warak logonet, yo'nirogwe o,” yinuk, yogwe iinok ti, kit ambi eeppinagawok nduk, yokkirogwe me, op mban o.

Nggalatiya 5:23

niniki yanggonak wonogwe, eeriyak niniki nengge kenok mbet-mbet tebenogo pugwi, eeko monggoorak ti aret o. Ti eeko monggoorak nogo eeko logorak mage yugu ambi wonage mondok lek o.

Pilipi 4:8

Noreewi o. Wone irip paga ambiriluk yi, yokkira o. Wone abet mban agan nugwi, iya eeriyak kenok mban eerit nugwi, a'me nggelok mban eeppiinet nugwi, kumi inabok yaga'lek wonogwe, kinoone abe kigirikwe mban agan nugwi, “Wone abe yigi,” yuwak nduk agan nugwi, eekwi ti mendek abok aret eekwi kiinok, aakumi nen, “Yi abu obeelom aret eekwi iigo o,” yinuk, tiyappogo logorak aret me, ti mendek mban eeko logobagip nduk, kiniki koonggo logonip o.

1 Tetalonika 5:6

it aakumi ando nogo yugu menggaarak nogo pogom nit togop nogo yugu logorak lek o. Nit nogolumok yaga'lek tum wako logowok o.

1 Tetalonika 5:8

it liingge eeko menggaarak nogo mendek nit aret me, nit nogolumok yaga'lek tum mban wako logowok o. Tum wako logonet, nit niniki abet mbakwi, aakumi niniki kunik aganakwi, eekwi nogo paga ninarin pogom yirikkologwe, ndi, aap wim nambuka anobak me warukwak nduk, petagi mbuti mendek yirikkolage nogo kwak, ninagap nda'ninaburak niniki lunik wonage nogo abekwi, eeko logowok o.

1 Timotiyut 1:10

kumi ugun wurinaka inom, aap-aap wut-wut yaga inom, aakumi inapuri kumaarinaka inom, pilit pugungga inom, pilit wone inoba pega inom, ti eekwi abok aret Ala wone kole wone kagak alik eekwi iinok, inake aret yoragagerak nineenu aret o.

1 Timotiyut 1:14

Ninowe Keritut Yetut ninom kunik me, iniki kunik nen obeelom eeppanegak mban eeke logonet, an Ala wone abet mbarikit nduk ee'nake, ndi, aakumi niniki kunik aganabikit nduk ee'nake, eereegerak.

1 Timotiyut 1:5

An wone lengganogo yokkereegirak nogo ti, it iniki abe paga aakumi inabuwa mbakwi, iniki obeelom koonnage kenok mban eekwi, ndi, iniki abu abet aret mbakwi, eeko logowak nduk, “Yorage logot o,” yinuk, yokkereegirak nogo o.

1 Timotiyut 3:11

It inakuwi ti togop aret inayuk warak logonet, wone inambe irip paga wonok nugulik kenok, iniki warak kenok, ndi, yi eekwi ndi eekwi ineenggi omaawi eerit nugwi kenok, kumi togoti mendek iinok, it inogonggelomini aap yeenggwaaragak mippiyoorak op aret o.

1 Timotiyut 3:2

Aap ambi Ala apuri unde logorak mippuurak mbakwi kenok ti, aakumi inoone at oba pugulik kenok, akwe ambit wogo kenok, iniki tum waka kenok, iniki warak kenok, li'lak mban eeke menggerak kenok, inanoniya laka kenok, aakumi op mamuniroorak kenok,

1 Timotiyut 3:4

Aap ambi Ala apuri unde logorak ti, ayuk warak logonet, at apuri liirogon ndegeninake menggerak kenok mban mippuurak.

1 Timotiyut 3:8

Ndi, it aap yeenggwaaragak nogo, togop aret it inayuk warak logonet, inoone mbere lek ambiret mban yogo menggaarak kenok, anggur amburu kumili aganake menggerak ndonggorogon nunggulik kenok, wu kolaawok nduk aakumi wi-wi eeginakulik kenok,

1 Timotiyut 5:1

It aap inanggok iinok, koone omaawi paga mberiraagun o. “Yi nogobamini kwak me,” yinuk, iniki eyak wappiige logot o. It aap tawe ti, kat kawuri kwak,

Titut 1:13

yereegerak nogo ti, abet aret yereegerak o. Togop me, it aap ti, wone abet mbareegwaarak nogo mondok nu'lek porogo logowak nduk, aakumi Yakuri inawoneelom mbininggo menggaarak wone inom, it aap Ala ari menggerak wone mbo punuk, iniki ugun koombunuk, “Yogop ee'nu, ndogop ee'nu,” agan nugu menggaarak wone nogo inom, “Liippuurak mage o,” yinuk, koone omaawi paga mondok inaruk wake logot o.

Titut 1:8

Ata, aap inanoniya laka kenok, obeelom eeriyak inikilom mbaka kenok, iniki warak kenok, a'me nggelok eeka kenok, Ala wone liippunuk eeka kenok, eeriyak eeke kagak kwe, iniki yungguppunuk, puk aga kenok, aap ti mendek mban mippiyoorak op o.

Titut 2:7

Aakumi kat paga in wakkagak eeko logowak nduk, kat yi eekak ndi eekak eeke logonet, obeelom mban eerit nage logot o. Eerit nage logonet, wone mamunirage menggendak nogo, kat koone inom nabenogo ugun-ugun mamunirage, kayuk lek we i'ndok-i'ndok yorage, eeke logogun o.

Pilemon 1:9

kat an niniki kunik lombok wonage me, noone we yanggorogon yokkiriyak ee'nake o. An Pawulut nogo aap abu nanggok agagirak o. Ndi, Keritut Yetut oone wonok yonggo nege nagagirak paga keele maa'nabeegwaarak yogondak yime logonet,

1 Peterut 1:13

Togop me, nowe-nawot o. “Peebi at Yetut Keritut wage eyom paga Ala iniki kunik en obeelom eeppinani woraagin o,” yinuk, wone ti paga kiniki mondok lunik logonet, li'luk agago punuk, kinagaket paga logonip o.

1 Peterut 4:7

O age yobok paga eeriyak abu koorok panggo yi wagaarak me, tamban eeko logobagip nduk, kiniki kwi'ndak nu'lek logonet, kinagaket paga logonip o.

1 Peterut 5:8

Kit kinom ogoorak monggotak Tile nogo nen maluk eekkinabikit nduk, nggeewo anini warak pogom nibingginaburak eyak nde agan kwaakkinabit nege me, kit mondok kiniki warak a'nuk, kinagaket paga logonet, tum wakkologo logonip o.

2 Peterut 1:6

ndi, kineenu ogwe nogo paga nen kiniki warak eekkologwe, ndi, kiniki warak eekkologwe nogo paga maluk eeppinagagwi iigak, kiniki kwi'ndak nu'lek logorak mamunggologwe, ndi, kiniki kwi'ndak nu'lek wonogwe nogo paga Ala ari menggerak ndak-ndak eerit nogo logorak mamunggologwe,