Titut 2:10 - Ala Wone Peenok Peebi Mbanak

¹⁰ It aakumi inayeloman nogo ti, inogobamini inamendek yogoot kumaako logorak lek o. It nogo ti, yi eekak ndi eekak eeko logonet obeelom eerit nugwi paga aakumi ugun nogo nen, “Ninagap ndaka Ala wone waawok,” mbaruwak nduk, “Kinogobamini inamendek wagangga'lek liirogon arum logonip o,” yinuk, yorage logot o.

Titut 2:10 ပူးပေါင်းရင်းမြစ်များ

Ndawi 101:6

O yime it aakumi kat koone li'lak eekwi nogo An ninom logokit nduk nenegen wogonake, Ndi, it aap maluk inoba ambi lenggenggulik nogo An nake eeko logowak nduk eeppiige, Eeke logogin o.

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Matiyut 24:45

Wone ambinom yorage logonet, “Ti kenok, aap nggwok ayeloman ambi nen at ogoba apuri inarum logonet, inambi noorak wogorage logowak nduk, mippereegerak iniki warak yabu li'lak eeke menggerak nogo ta o?

Matiyut 5:16

It aakumi nen kit obeelom eekwi inigen kiigo logomenggaarik, kinogoba mbogut paga mendek wogoppuwak nduk, kit nen togop aret aakumi inenggaanom paga ndi pogom eya aago logonip o,” yinuk, yoragagerak.

Lukat 1:47

Nagap ndaka Ala nen eeppanegerak kenok, ninikime ale'nggen ambik kage agarik o.

Lukat 1:80

Ndi, wulaga nogo tawe age logonet, iniki mondok kole agagerak. At nen aakumi Iterali inigen kaawak nduk, naga'lek logonet, karume aakumi lek me time nege nagagerak.

Lukat 16:10

Aap ambi nen mbuuluk eeriyak mendek liirogon aret eeke kenok, nggwok eeriyak mendek ndak-ndak liirogon aret eeke logogin o. Ndi, aap ambi nen mbuuluk eeriyak mendek abe eeka'lek kenok, nggwok eeriyak mendek ndak-ndak abe eerigin lek aret o.

Yaya 12:6

Wone yereegerak nogo ti, it aap inamendek lek nogo inabuwa mba'nuk yereegerak ti lek o. Ata, at aap kiraaka mendek me, inawu yonggolak nogo at aret porogo logonet, ando kolagak eeke nagagerak me nduk, yereegerak.

1 Korindut 4:2

Inogobamini nen inayeloman mini eeriyak unde eeppiinok, eerit nogwe iigak, “An yoragarak liippunuk, eekwi iyaamun ilik lek a?” yinuk, inigen wogonako menggaarak o.

Epetut 4:1

Ti kenok, noreewi o. Kit eeko logorak yonggo pinagareegerak Ala nen kit ndak-ndak aret eerit nogwe kiyaawak nduk, an ninowe oone wonok yoranet nege paga keele maa'nabeegwaarak nogo nen, “Ao,” mbake logonet, yokkiragi o.

Pilipi 1:27

An yime wonage neegak eekwi konenigin a, time kiya wage neenok eekwi kiyaagin a, kit obeelom wone abet mba'nuk waganeegutak nogo, mbo pega'lek kiniki ambit a'nuk, nu'lek logonet, eerit nogwe neenu arigin me, obeelom wone Keritut nen yo'niragagerak nogo, ndak-ndak liirogon aret eerit nogo logonip o.

Pilipi 4:8

Noreewi o. Wone irip paga ambiriluk yi, yokkira o. Wone abet mban agan nugwi, iya eeriyak kenok mban eerit nugwi, a'me nggelok mban eeppiinet nugwi, kumi inabok yaga'lek wonogwe, kinoone abe kigirikwe mban agan nugwi, “Wone abe yigi,” yuwak nduk agan nugwi, eekwi ti mendek abok aret eekwi kiinok, aakumi nen, “Yi abu obeelom aret eekwi iigo o,” yinuk, tiyappogo logorak aret me, ti mendek mban eeko logobagip nduk, kiniki koonggo logonip o.

1 Timotiyut 1:1

Naput Timotiyut wae. At ninagap ndaka Ala inom, niniki lunik Keritut Yetut inom, imbirak nen wone lengganogo yo'nereegwaarak paga an Pawulut Keritut Yetut ayonggo nappiigak mendek agago paneegwaarak nogo nen, nit apit abet mbakwi nogo paga an naput lombok agagindak me, wone ambi yokkiri o. At ninogoba Ala ninowe Keritut Yetut imbirak iniki kunik nen wokkugwi, kabuwa nen obeelom eeppagagwi, ndi, kiniki ugun tayenak ale'nggen logonok nduk, eeppagagwi, eeko logogun o.

1 Timotiyut 5:17

Ala nen ari logonet, “Lembu nen iniyok gandum anggen mbelanit nage kagak ando nunggwi iyo, inambe keele maarogo piigo logorak mage o,” ari, ndi, ambi, “It aap yabu eeko menggaarak yabu onggo woorak op aret o,” yinuk, ari, yereegwaarak liiru mbanak wonage me, it aap Ala apuri unde menggaarak inendage tiyanak kwe, obeelom lombok inarum wonogwe me nduk, inendage ambinom tiyappuurak ti op aret o. It Ala wone nggwok paga yorogwe, wone mamunirogwe, mondok nabenak mban eekwi iinok ti, abunuk ambinom inendage tiyappiigo logonet, liippiigo logowak o.

1 Timotiyut 6:1

Ala endage inom, nit wone mamunirogwe nogo inom, miyuk-meya eerogo pukwak, it aakumi inayeloman nen, “Ninogobamini aret o,” yinuk, inoone konenggo logonet, inayuk wuko logowak o.

1 Timotiyut 6:3

Aap ambit-ambi wone kole wone ninowe Yetut Keritut wone nogo inom, ndi, nit Ala wone liippunuk, mugurok noorak mamunirogwe wone nogo inom, eebi mbake logonet, wone alik mamunirage kenok,

Titut 3:4

ninagap ndaka Ala nen yi aakumi ndi aakumi inabuwa mba'nuk, obeelom eeppiyoorak nogo, kin ari wage nagagerik,

1 Peterut 2:12

It aap endekem iniki abet mbaka'lek mendek nogo nen, “It maluk eerit nugwi o,” yinuk, kinabok mbaniyak nduk eeremenggaarak kwe, obeelom mban eerit nogwe liippinagago logomenggaarik, Yetut wage eyom paga Ala wogoppuwak nduk, inenggela'me logonet, kiniki mondok liippunuk eeko logonip o.

1 Peterut 3:16

Kit Keritut kinom kunik logonet, obeelom eerit nogwe kiigak, it miyuk-meya eerogo pinagagwi nogo nen, kit obeelom mban eerit nogwe paga, “Ia!” yinuk, inagabiti mbarugun me, kiniki maluk ambi abe'naga'lek kiniki obeelom paga kinoone yanggorogon yorogo logonip o.

2 Yaya 1:9

Aap ambi Keritut wone mamunniragagerak nogo mban ari lek at iniki koombunuk, alik inom nabenogo yoranet nage kenok, at Ala imbirak kunik logonet ari lek o. Ndi, Keritut wone mamunniragagerak nogo ndak-ndak eeke kenok perak, ninogoba Ala aput imbirak inom kunik aret logonet ari mbaruwok o.

1 Tamuwen 22:14

Yoge mbareegi, at Akimelek nen aap endagembogut nogo yoge logonet, “At Ndawut iniki kwi'ndak abu li'lak eeke menggerak togoti ambi it kinom eeke menggendak inenggela'me wonage mbaken? At nogo ti, kat karugelo aret. Ndi, it karum waka inowe at aret me, kat kame menggaarak abok aret, At iya o, yinuk, endage tiyappugwi nogo lek a?

1 Tamuwen 26:23

It aap abe koonak li'lak eeko menggaarak kero, at Aliku ALA nen onggo obeelom eeppiige menggerak me, at Aliku ALA nen oonikiya yi paga kat keebe waganogo an neenggime panegerak kwe, At Aliku ALA nen leenogo pereegerak amburu eeppugu me, yinuk, an koorulik teppagagirak o.