Titut 1:7 - Ala Wone Peenok Peebi Mbanak

⁷ It aap aakumi inarum logorak nogo ti, Ala eyabu eeka me, maluk eeke kenok aakumi inoone inoba piyookwak, obeelom mban eerit nugu logowak o. It koonggwi mban eeriyak mbakwi, inanini mbet-mbet wungge, amburu kumili aganake mendek ndonggorogon nunggwi, ndugwi pugwi, aakumi inawu kolaawok nduk, wi-wi aganakwi, eeko menggaarak kenok, aap ti mendek mippiyoorak lek o.

Titut 1:7 ပူးပေါင်းရင်းမြစ်များ

Wakkagagerak 49:6

Kinanini nen aap inookwi, Kiniki mba'nuk tapi-lembu iniyok omanggen mbanogo piigwi, Eeko monggotak me, An ninom niniki ambit eeppunuk, ninom kuwak eeke, Ninom wone koongge, Eeke logogin lek o.

Kini Wuppiige 14:17

Aap inanini mbet-mbet wungga nogo nen aap wi negen aret eerit nogwe, Ndi, aakumi maluk eeppiyoorak kote koonogo pugwi iinok, aakumi nen ineebi lombok inombakwi, Eeko menggaarak.

Kini Wuppiige 15:18

Aap anini mbet-mbet wungga nogo nen ndugwi puwak nduk eerogo piinet nage menggerak kwe, Aap anini mbet-mbet wunggeelik yanggonak nogo nen wone wakwi nogo lek eerogo piige menggerak.

Kini Wuppiige 16:32

Aap wakaa'ngget ti iya negen kwe, aap anini mbet-mbet wunggeelik yanggo yinuk wonage ti perak, abu iya o. Ndi, aap ambi omaawi ambik nen o kota ambi tebenggola unggwage kenok ti, iya aret kwe, Aap ambi anini mi'nage kenok tebenogo pege ti perak, mondok iya lombok o!

Wone Alom Kibingga 7:9

Anini wundiyak nogo ti, aap iniki lek wi negen inikime menggerak me, kinanini mbet-mbet wunggak yuurak ti mage o.

Yetaya 28:7

Anggur amburu nenok langgok-panggok nugwi, Niyo omaawi mendek nenok nombok-kombok agan nugwi, Eekwi nogo ti, It aap Ala unde inom, Ala nen yorage kagak yoraga inom, nen eekwi nogo ti aret! It nogo ti, niyo omaawi mendek nenok langgok-panggok nugwi, Anggur amburu nenok inoone ugun-ugun agan nugwi, Niyo omaawi mendek nenok, nombok-kombok nugwi, Inabinggaanggo kogo nagaatik, “Ngge kagi?” yinuk, kobak ogwe, Inowak loonggo logonet, “Wone ngge yoroobok?” age, Eeko logonet,

Yetikiyen 44:21

It aap an neebe unde nen an nawi wurik oore'nggam akem time unggwi nogo logonet kenok, amburu kumili aganaka mendek nenok, unggwogo logorak mage o.

Ala Unde 10:9

“Kat kapurilogwe kinom kinoorukwak, niyo anggur amburu ilik, amburu kumili aganake menggerak nogo mendek a, neenok, an ninom lambungge minggim nawooliya wurik me time unggwi noorak mondok mage o. Wone lengganogo yokkirage yi nogo ti, kapuri-kombowologwe nda'narit nogo logogun kinom mondok eeko logorak wone ti aret.

Matiyut 24:45

Wone ambinom yorage logonet, “Ti kenok, aap nggwok ayeloman ambi nen at ogoba apuri inarum logonet, inambi noorak wogorage logowak nduk, mippereegerak iniki warak yabu li'lak eeke menggerak nogo ta o?

Lukat 12:42

Yoge mbareegi, at ninogoba Yetut nen, “Ti kenok, aap nggwok ayeloman ambi nen oreewi at ogoba ayeloman mini ando nogo inarum logonet, inambi noorak wogorage logowak nduk, mippuurak iniki warak yabu li'lak eeke menggerak ambi ta o?

Epetut 5:18

Ndi, anggur amburu nonggo logomonggotik, kumili kunit namonggotak paga maluk eekkinaburak me, mbo punuk, Aberiniki mban kiniki me liinik logowak nduk, eeko logonip o.

Pilipi 1:1

Kit Keritut Yetut kinom kunik Ala apuri ake leenak o Pilipi wonogwe inom, Ala apuri inarum monggotak inom, aap yeenggwaaragak inom, kit abok aret Keritut Yetut ayeloman mini an Pawulut Timotiyut nimbirak nen wone ambi yokkiraawi o.

Titut 1:5

An eeka'lek kagak wagagirak nogo eeke, ndi, o kota lombok Ala apuri unde logowak nduk, “Aap ti mendek mippiyoorak,” yokkereegirak nogo mippiige, eeke logonok nduk, kat o Kereta time keegak, an wagagirak nogo o.

Titut 2:3

It kumi inanggok ti, it eeko menggaarak liippunuk, Ala ayuk wuko logonet, eeko logowak nduk, aap inanggok yoroorak yokkigirak nogo ndak-ndak aret yorage logot o. Inambe irip paga wonok nugwi, amburu kumili aganake mendek ndonggorogon nunggwi, ti eeko logorak lek o. Ata, wone abe wone kenok mban mamunirogo logowak nduk, yorage logot o.

1 Peterut 4:10

At Ala nen eeko logorak ninalitak lombok unde eeppinaneegerak nogo, “Ala iniki kunik nen unde eeppaneegerak me, niniki kwippunuk aakumi inake eerit nage logokit o,” yinuk, kit mban-mban at ambi nen at ambi obeelom eeppegak eeko logonip o.

1 Peterut 5:2

Kit Ala apuri inarum logobagip nduk, mippinagareegerak nogo, “Kineebi,” mbako logonet, inarum logorak ti mage o. Ata, Ala iniki mbake ndak-ndak, “Inarum logokit,” mbako logonet, ndomba ndegeninako mengga kwak, Ala apuri ti, togop aret ndegeninako logonip o. Ndi, onggo koloorak paga mban kiniki lunik logonet, ndegeninako logorak ti mage mban. Ata, we kiniki ale'nggen paga aret ndegeninako logonip o.

2 Peterut 2:10

It togop eeppiyoorak nogo ti, mbuuluk negen eeppiyoorak kwe, it aakumi nen, “Nit maluk eeko logowok o,” yinuk, iniki nen nengge kenok, ugun eerit nogwe, Ala nen wone lengganogo yorage nogo taganogo punuk, at eebe miyuk-meya eerogo pugwi, eekwi nogo perak, aaninggin mondok ndonggok togon inoba piige kaagun. It malayikat nogo ti, inomaawi ambik inayuk warak me, Ala yogo logonet, “It aap kat ari menggendak kagak pilit pugunogo yorogo menggaarak nogo ti, mondok maluk eekwi me, kat ninogoba nen mondok inooke logot o,” yinuk, inoone omaawi paga Ala yoriyak op kwe, inagabiti warak me, we yanggorogon yogo menggaarak. Yanggorogon togop aret yogo menggaarak kwe, it aap pilit wone yaga ti nen perak, “Ninagabiti o,” yinuk, inaganak waka'lek iniki wogoppako logonet, kugi inom, malayikat inom, abok aret ugun miyuk-meya eerogo piinet nogo menggaarak.