Tepaniya 3:6 - Ala Wone Peenok Peebi Mbanak

⁶ Aliku ALA nen ari logonet, “An nen yi aakumi ndi aakumi inenggaawak lek eerogo piige, O arum logorak pak wurik unggut-unggut me o nggorek wurik nogo yigirogo pege, It tu nogo menggam maluk eerogo pigirak me, aakumi tu ti paga naga'lek wonogwe, Inawi kota-kota o wogo eerogo pege logonet, Aakumi ambiriluk ambi teppiyoolik tigitogon lek eerogo piige, Eereegirak o.

Tepaniya 3:6 ပူးပေါင်းရင်းမြစ်များ

Yetaya 14:26

At Omaawi Lombok Menggerak Aliku ALA nen, “Yogop eerikit o,” yinuk, koonogo pereegerak nogo aap ta nen, “Lek o,” yoge, Ndi, eenggi awo nappunuk aret wonage nogo, aap ta nen eenggi yabonogo wuppi wage, Eeriyak mbakop? Mondok lek aret me, At o nggween paga abok aret, “Ndogop eerigin o,” yinuk koonogo pege, Ndi, yi aakumi ndi aakumi eeppiyoorak eenggi awo nappunuk wonage, Eeke nogo ti aret me, eeke agaarik o.

Yetaya 37:36

Yoge mbareegi, ti eyom paga aret it Atiyut mendek nogo inawooliyana wonogwe me, at Aliku ALA ayonggo malayikat nogo wage nagagerik, aap wim eeka ineebe seratus delapan puluh lima ribu inoorogo piyareegerak me, ko'lu kuuben ineebe inoorak yumbunik-telenak aago wonogwe iyareegwaarak.

Yetaya 6:11

Yo'nege naruk konengge nagarik, onggo yoge logonet, “Nogoba Ala wae. Wone ti yorage neegak, ne mande ari nagin o?” Yoge mbaki, at nen onggo an yo'nege logonet, “Kat nen yorage keegak O kota-kota abok aret yigirik-noonom eerogo pugwi iinok, Aakumi ambi lek aret wonogwe, Aakumi inawi wurik wuum lu agan nage kagak, ineyabu yarak alom yenak-kinak eerak wonage,

Yeremiya 9:12

Aap iniki warak ta nen wone ti, liippege, ta nen Aliku ALA oone ari waganeegerak me, “Wone ti, ndogop o,” yinuk, yo'nirage, eeriyak op mbakop? O nggween yi maluk eerogo pege, o karu nggween mbuk aago kenok aakumi time noorak meek menggi kwak eerogo pege, eereegerak ti, nonggop nduk?

Ala Unde 26:31

Inawi kota abe ti, yinik-minik eerogo pege, inagugi alut eeko logowam yigirik-noonom eerogo pege, obari abe kenok niniki ale'nggen kaakit nduk nake warogo pugwi nogo kunduk wagangga'lek mbo pege, eeke neenok,

Tepaniya 2:5

Niyo kole yenggenak laut aa'nggi paga monggotak kit Kereti mendek yi, kinabuwa o! Aakumi Pilitin wonogo menggam kit Kanan mendek yi, Aliku ALA nen aaninggin kinoba kwippinagarak yegerak me, kinabuwa o! “An nen inenggaawak lek eerogo piige logonet, ambiriluk ambi teppiyaagin mondok lek aret o,” yinuk, Aliku ALA nen aret yegerak me,

Takariya 7:14

O wiya nombok-kombok warit wage logonet, yi mendek ndi mendek wonok mappege menggi kwak, it ineebe togop aret yi aakumi ndi aakumi inambik inenggela'me mappiyareegirak. Mappiige mbareegi, it wonogo menggam inanggween paga time o wogo eerogo pereegwaarak me, aakumi ambiriluk ambi yinggwi-unggwogwe eeka'lek aret agaarik o. O abe aret kwe, o wogo aret eerogo pereegwaarak nogo ti aret o,” yinuk, an yo'nereegerak.

Matiyut 23:38

Teppagaminggirak me, kame yi, we o wogo aret logogin o.

1 Korindut 10:11

It eereegwaarak nogo ti, in wakkagak nit nineenu aruwok nduk, eereegwaarak me, o age yobok eeriyak eyom panggoni wage kagak, nit yogondak wonogwe yi, niniki liippatuwok nduk, wone yi, liiru mbanniragagerak.

1 Korindut 10:6

Ti eereegwaarak nogo it, “Maluk eeruwok,” mba'nuk, eerit nogo nogogwa kwak, nit ndak-ndak, “Maluk eeruwok,” mba'nuk eerit nogwe niyo, liippako logowok nduk, eereegwaarak.

Yotuwa 23:4

It yi aakumi ndi aakumi an tebenogo piyareegirak inanggween inom, it mugogo wumbiiga'lek wonogwe inanggween inom, yi Yoraran nen nok, yi kole yenggenak laut oonegen kilu yi nage menggim pa'nggwe ti kuli abok aret, kit yate kwak kinanggween unde eeppatinuk logomunggup nduk, an nen muk tumbukkiragagirak nogo abeko logonip o.