Tepaniya 3:17 - Ala Wone Peenok Peebi Mbanak

¹⁷ Aap wim wakaa'ngget nen inawuri inagap ndako mengga kwak, Aliku kogoba Ala kenggela'me logonet, kagap ndake, Iniki kunik lombok eekkake, Kabuwa mbake paga kiniki kwippagage, Kale'nggen nen ndawi wake, Eerigin o,” Yinuk, yogo logogun o.

Tepaniya 3:17 ပူးပေါင်းရင်းမြစ်များ

Wakkagagerak 1:31

At Ala nen yi mendek ndi mendek wakkagagerak nogo abok aret enegen kage nagagerik, “Abu obeelom aret kagi,” mbareegerak. Ti eereegerak nogo o kiip age, o weege, eeke ne ambi 6 aret agagerak.

Wakkagagerak 17:1

Ti'nuk, at Abaram nogo ndarak kagak tahun 99 eeke nagagerik wonage me, at Aliku ALA nogo at owagam wage nagagerik, yoge logonet, “Nomaawi Lombok Minggirak an Ala aret me, an nenggaanom paga maluk eeka'lek obeelom mban eerit nage logot o.”

Wakkagagerak 18:14

An Naliku ALA nen koonggitak nogo ambi eeriyak, Meek me, yinuk, ari agaarik? Tahun ambi eeppunuk, keya woraagin, yagarak nogo ndak-ndak ari wage kenok, woraagin aret me, at Tara aagaluk aap aret ndarigin o.”

Wakkagagerak 2:2

Wakkage nagagerik, at Ala nen, “Yi mendek ndi mendek abu aret wakkagarak me,” yinuk, ne ambi 7 paga tat yonggonggolage puk aret wonagagerak.

Ndawi 147:11

It aap at inagabiti ombakwi kenok perak, Aliku ALA nen inikilom mbake, Iniki kunik eeginabit wundi wage nogo Yi aap ndi aap iniki ti paga lunik wonogwe iinok, Ale'nggen inombake, Eeke menggerak o.

Ndawi 78:65

Eeke nagagerik, Aakumi nogo yogo nagaatik, mi'nogo mengga kwak, Inogoba Ala mi'nage, Aap anggur amburu neenok iniki lek agaatak wonagaatik pilak yogo mengga kwak, inogoba Ala pilak ari, Eeke nagagerik,

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yetaya 12:6

Kit o Tiyon monggotak yi wae. At Kikak Nakeelik Alik Leenak kit Iterali kinogoba kinenggela'me wonage ti, mondok iya me, Kiniki ale'nggen nen keekok yogwe, ndawi wakwi, Eeko logonip o,” yinuk, yorogo logomunggup o.

Yetaya 18:4

Aliku ALA nen an yo'negerak nogo yi o. “Ti eekwi iigak, mo andi nen ligik-ligak eeko mengga kwak, O kibi kagak anggen mbanggwi eyom paga konaananggen luurogo pit wundi wage menggi kwak, An wonage minggim nabolok lek logonet nenegen wogonake nena wutik logogin,” yo'negerak o.

Yetaya 63:1

O Erom nen wage, ayum maa'ngga kunik yirik o Mbotara nen wage, Yum abu abe yirik mengga kwak obaanggi-obaangge li'luk eerak omaawi mbu aago wage, Eeke ti, ta o? “Lek o. Eeppiyoorak yoragagirak nogo eeppiige logonet ari, Nomaawi ambik paga inagap ndake, eeke minggirak An aret wagi o,” yinuk, yo'nege kagarak o.

Yetaya 63:12

At eenggi omaawi ayuk warak nogo paga Muta panggombege kagak woraawak nduk nappi wage, Endage mondok-mondok wiganinuk nawak nduk, inenggaanom paga niyo mogonogo piige,

Yetaya 65:19

O Yerutalem ogobakkigirogo piminggirak nogo paga nale'nggen mbake, An napuri o time wonogwe paga nale'nggen mban mbake, Eeke logogin me, O time nen, Yeenggwa niret o, yinuk, inoone nggwok paga yogwe, leenggu maakwi, Eekwi nogo inoone ambinom konenggo logogun lek o.

Yetaya 9:6

Elege ambi nit ninake muk nda'nage, Wulaga ambi muk aret wo'nirage, Eereegerak me, At wone lengganogo yo'nirage logorak ti, at obaalombok aret logogin o. At endage ti, Wone Kooninaka Mondok Iya, Omaawi Lombok Menggerak Ala, Ninogoba Kanggeelik Mondok Eenik Menggerak, Aakumi Lambuninaka Endagembogut o, yinuk, yogo logogun.

Yeremiya 32:41

an nen it obeelom eerogo piyoorak niniki ale'nggen mbake, ndi, niniki ambit eeppunuk, yoragagirak nogo ndak-ndak o nggween yi, mondok-mondok logowak nduk eeppiige, eerigin ti aret,” yo'nereegerak.

Oteya 14:4

It Atiyut mendek nen ninagap ndari woroorak meek aret o. Ndi, nit kuda wim eeka paga kwi'na'nuk wim eeri nagun lek mban o. Elege moono inabuwa mbake menggendak kat aret me, Ninagugiwak nineenggi paga ogobakkigirogo pereegurak nogo, Ninogoba o, yinuk, Ambinom yogo logogun lek aret o,” yinuk, yorumunggup o.

Yowen 2:21

Kat nggween yi wae. Kagabiti mbariyak ti mage o. Ata, kale'nggen mbake, ndawi lubuk ari, eeke logot o. Aliku ALA nen abet aret mondok iya tit eereegerak o!

Tepaniya 3:5

Aliku ALA at enggela'me wonage logonet, maluk ambi eeppiigeelik obeelom mban eeppiige, At puk aga'lek ko'lu-kii'me o kubondendok nen inawone amburu mbanogo punuk, a'me nggelok mban eeppiige, Eeke menggerak kwe, It aap maluk eeka iniki nggolawe nogo, inenggali mbaka'lek maluk mban eerit nugu menggaarak o.

Linggineegwaarak 14:8

Ndi, at Aliku ALA nen inikilom ninombake kenok, time wo'niren pinani nanuk, nggween nggiin amburu inom, yilak amburu inom, niyo eneeri negen kila-kila wungge menggim time aret wo'niraagin o.

Lukat 15:32

Ndi, kat kawot yi perak, kambeegerak negen kwe, eenik agaarak o. Ndi, kobak agagerak kwe, kwaakkogoorak me, niniki ale'nggen logonet, laago yi op aret lako, yoreegerak o,” yinuk, Yetut nen it aakumi yoragagerak.

Yaya 13:1

O kiyoma laago Obaga Mbo Nagagerak lariyak eekwi iigak, at Yetut o nggween paga yime mbo punuk, ogoba ka noorak eyom panggoni wagagerak eenu wonagagerak. At apuri at inom o nggween paga nugu nogogwaarak nogo, iniki kunik eeginake nagagerak me, “Iniki kunik ee'ninake tit kagak, kanggi o,” mbaruwak nduk, eeppiyareegerak nogo yi aret kagak, eeppuurak eyom nogo aret ari nagagerak.

Yaya 15:11

Wone yi yokkirage ti, an niniki ale'nggen mbake nogo kit kinikime logonet, kiniki ale'nggen nggwok aret kogo logobagip nduk, yokkiragi o.

Pelaareegerak 23:15

Yorage nagagerik, ambi yorage logonet, “Aap ambi inayeloman logomenggerak kwe, agap ndakko'nok mbaganit kit kiniya wage kenok, at ogoba unde wogori noorak ti mage o.

Pelaareegerak 30:9

at Aliku kinogoba Ala nen kit yi mendek ndi mendek eekwi inom, elege ndaganako menggam inom, kinaanggumi nda'nogwe inom, kinanggween paga yi awi ndi awi yarumonggotak inom, ambik lombok aruwak nduk, kinombomini inikilom paga eeppiige nagagerak nogo ndak-ndak inikilom kinombake logonet, obeelom eerogo pinagage logogin o.

Iberani 7:25

Togop me, nit aakumi niniki at oba panggombunuk, Ala owagam nogwe niinok, at ninake Ala yoriyak nduk mondok eenik mi'ndak menggerak me, ninagap ndarogo mondok obeelom agago pinaniyak op aret o.