Wakwi ne ti eyom paga at Ala nen ale'nggen nggwok inoba piyareegerak me, iniki ale'nggen nen inaanggumi apit lombok warogo Ala ake wogoreegwaarak. Ala ake warogo wogogo logonet, kumi inom, wologwe-komologwe inom, abok aret inale'nggen nen inoone nggwok paga o Yerutalem logonet yogwe nogo, o ndaanda time abok aret inaruk konenggo nogogwaarak.
Tepaniya 3:14 - Ala Wone Peenok Peebi Mbanak14-15 At Aliku ALA nen aaninggin kinoba pinagarak nogo lek eerogo pege, Kinom wim mbanak nogo wogwe iinok, munogo nappiige, Eeke logomenggerik, Kit Iterali mendek kinowe endagembogut Aliku ALA kinenggela'me logonet, kinarum wonage me, “Maluk ambi eeppinani wogwe iyo, iya!” yinuk, kinagabiti mbarumunggup lek o. Togop me, o Tiyon aagalogwe kit yi wae. Ndawi wakwi, Iterali mendek kit yi wae. Ndawi lubuk yogwe, Kota Yerutalem aagalogwe kit yi wae. Kinale'nggen nen keekok piyanggogwe, Eeko logonip o. အခန်းကိုကြည့်ပါ။ |
Tepaniya 3:14
34 ပူးပေါင်းရင်းမြစ်များ
Kaliku ALA wae. O nggween paga wonogwe abok aret tebenak iigak, Kat mban tiyanak lombok wonage, Yi kugi ndi kugi tebenak iigak, Kat inirimbaga tiyarogon wonage, Eerak menggendak me, Eekaatak Kaliku ALA nen A'me nggelok inowak loongge menggendak keenok, O Tiyon konembunuk ale'nggen mbake, O Yekura paga yi yaga'lelo ndi yaga'lelo inale'nggen nen ndawi wakwi, Eeko agaarik o.
O karume waambi anggen tuk mbilenggen eerit nage kenok, ale'nggen nen ndawi wake, keekok ari, eerigin o. O Libanon iri'ngga kwit agan lagit nage kenok, “Wi!” irogo mengga kwak, Puut Karemen inom, o Taron inom, iri'ngga-kale'ngga abe lombok menggi kwak, O karume togop aret eerogo pemenggerak paga at Aliku ALA abu tiyanak wonage, Ninogoba Ala abinak pindan-pindan eeke, Eeke nogo Aakumi inigen kaagun o.
Wone obeelom wone wonok nega kit Tiyon mendek yi wae. Puut nggorek paga lagi nogwe, Wone obeelom wone wonok nega kit Yerutalem mendek yi wae. Kinoone mondok omaawi yorogwe, Kinagabiti mbaka'lek kuum-keek yorogwe, “Kinogoba Ala ti kaanip o,” yinuk, it kota-kota Yekura wonogwe nogo yorogwe, Eeko logonip o.
Kaliku ALA nen aakumi wondet eerogo piyareegindak mendek nogo iniyokan wogwe, O Tiyon unggwogo logonet, ndawi warit unggwogwe, Inale'nggen mondok kogo logorak mendek nen inete i'ndok nggi agan unggwogwe, Inale'nggen nggelok ari logonet, keekok agan unggwogwe, Eerugun me, Iniki puru ari, iniki aaninggin ndugu aago wonogwe, Eeko nagaarak nogo Lek aret arigin o.
At Aliku ALA nen ari logonet, “Kwe ogonggelo nen mbo pereegerak nogo, aagalogwe ambik lombok wonage, Ndi, kwe ogonggelo warak aagalogwe mbereeluk wonage, Eekwi me, At aagaluk ndaka'lek kwe wubili ti, ndawi wake, Kwe enegen paganak yagan waka'lek ti, ale'nggen inikime nggelok ari logonet ndawi wake, Ale'nggen nen kwirabik-kwirabok ari, Eeke logowak o,” yinuk, yegerak me, yokkigi o.
Ti eeke eyom paga komologwe tawe inale'nggen nen kwirabik-kwirabok yogwe, Wologwe tawe inom, kumi-aap inanggok inom, inale'nggen nen togop aret lubuk agan nogwe, Eeko logogun o. Iniki puru aago logomenggaarak nogo, obaane'me iniki ale'nggen eerogo piige, Inale yogo logomenggaarak nogo, obaane'me iniki eyak wappiige, inale'nggen eerogo piige, Eerigin o.
aakumi inale'nggen nen yogwe, iniki ale'nggen nggelok yi unggwage logonet noone-koone yogwe, kwe aap imbirak lambunggo logonet inoone yogwe, ndi, it aakumi iniki ale'nggen nen, At Aliku ALA abu obeelom aret o. At iniki kunik ee'ninake nogo ti, lek aga'lek mondok-mondok aret ee'ninake menggerak me, At Omaawi Lombok Menggerak Aliku ALA, Wa! yogo logowok o, yinuk, an nake wo'niri wogo logonet yogwe, eekwi nogo ambinom inaruk konenggo logogun, yegerak o. Aliku ALA nen ari logonet, O aa'nduk obeelom lombok wonagagi kwak eerogo pigin o, yinuk, yegerak me nduk yagi o.
Kit aakumi o Tiyon wonogwe yi wae. Kinogoba Aliku Ala nen a'me nggelok eeppinagage logonet, Aa'nduk eereegi kwak, o kibi wonagaatik mayu nappi wage, O loongge nagaatik, mayu wuppi wage, Eeppinagagin me, Gandum agabolo mbelanggo menggam anggen mban yagabit age, Anggur amburu mburunogo tooko menggam anggur amburu inom, eyo tayitun amburu inom, Eno korok yinuk, kilu-kilu wangge, Eerigin me, Kiniki ale'nggen mbakwi, Kinogoba Aliku Ala eeppinagamenggerak ti paga ndawi lubuk yogwe, Eeko logomunggup o.
Ndomba wari wogwe iyo, nggayo paga inarum wonage, Tiyon aagalogwe yugum pak wurogo pereegi kwak puut Tiyon wonage, Eerak wonage O Yerutalem ti, Aa'nduk it yi aakumi ndi aakumi at abu'me piinok, wonagagerak kwak obaane'me ndak-ndak eerogo pege, Aap endagembogut o Yerutalem at paga logonet, wone lengganogo yorage nagagi kwak yorage logowak nduk, koonogo pege, Eerigin o,” yinuk, Aliku ALA nen aret yegerak me, yokkiragi o.
ကြော်ငြာတွေ