Tepaniya 3:12 - Ala Wone Peenok Peebi Mbanak

¹² At kota enggela'me time it aap iniki tebenak logonet, yanggonak mban eekwi, It iniki Naliku an ALA noba panggombunuk, mu'neren wogwe, Eeko logomenggaarak nogo perak, O kota yime logowak nduk, teppiyaagin o.

Tepaniya 3:12 ပူးပေါင်းရင်းမြစ်များ

Etara 9:8

Ne yogondak yi paga iluk Kaliku ninogoba Ala ninabuwa nen obeelom eeppinanege logonet, nineebe ando yumbunik mban wondet eerogo pinanuwak nduk, koonogo piige, ndi, kat leenogo pateeginom yime ninakom kwippinanege, eereegindak paga nit tebeppinanogo wonogwe me, ninigen pirak ari, niniki tayok ari, eeko ogoorik o.

Ndawi 37:40

It aap nogo ti, Aliku ALA nen Yeenggwaarage logonet wondet eerogo piige, Ineebe op logowok nduk, Aliku ALA abu'me menggaarak me, Aap maluk mendek ineenggime nen ndinogo inagap ndarogo piige, Eeke menggerak o.

Yetaya 14:30

It aap an napuri inamendek lek aret kwe, inambi nunggwi, It eekkoloorak meek nogo nen iniki ugun tayenak nogo yugwi, Eerugun me, It inapuri wiganak perak, abok kambit nawak nduk, an nen mbi noogelo inoba kwippiige, It eegu teppiyamenggerak nogo inoorogo piige, Eerigin o.

Yetaya 14:32

It eeppiyamenggaarak nogo aakumi ambi nen, Pegiya nanip o, yinuk, Yoramenggaarak it yora wogwe iinok, It nen onggo ngge yoraagun? Lek o. Aliku ALA nen o Tiyon alom kwippereegerak me, nit at apuri yagan wako nogogurak nogo O time nineebe op logowok nduk, eeppinanggerak, yorogo logogun o, yinuk, ari kagarak me, yokkiragi o,” yoragagerak.

Yetaya 29:19

It aap tebenak wonogwe nogo Aliku ALA paga inale'nggen mbako nogogwa kwak, peebi inale'nggen mbakwi, It aap ineenggi lek nogo at Kikak Nakeelik Alik Leenak Iterali inogoba paga iniki ale'nggen mbakwi, Eeko logogun o.

Yetaya 50:10

Kit kinenggela'me nen at Aliku ALA agabiti mbake, At ayeloman wone ari kenok liirogon eeke, Eeke menggerak ta wonage agaarik o? At o eya paga nageelik apit paga wonage logonet eerit nage nogo nen Aliku ALA abet mbake, At ogoba Ala iniki oba panggombege, Eeruwak o.

Yetaya 6:13

O time aap ineebe 10 inooko logonet, ambiret teppegak eeremenggaarak nogo, Ambokan unggwogo logonet, inoorogo piinet nogo logogun kwe, Eyo win inom, eyo teno inom, muurogo pegaatak kwe, andokon wonage menggi kwak, Aakumi alik leenak yumbunik nogo paga nen inagarip wundigin o,” yinuk, yo'nege kagarak o.

Yeremiya 17:7

Aap ambi Naliku ALA paga iniki lunik logonet, noba panggombunuk wonage kenok perak, An nale'nggen at oba aret logogin o.

Yeremiya 50:20

Aliku ALA nen ari logonet, “Ne ti paga eerigin o, yinuk, yoragagirak ti eyom paga An nen eegu yumbunogo piyaminggirak nogo inomaluk lek eerogo piyaagin me, Aakumi nen, Iterali maluk ndogop eekaarak o, yinuk, kwaaremenggaarak kwe, eerulik aret iigwi, Ndi, it Yekura kunduk, Maluk ndogop eekaarak o, yinuk, yemenggaarak kwe, eerulik mban aret iigwi, Eerugun o,” yinuk, yegerak o.

Yetikiyen 6:8

Togop aret eerogo piyoorak kwe, it ando wooluwak ambeme nen nggigi-nggigi mbaganemenggaarak nogo, yi aakumi ndi aakumi inenggela'me ineenik logowak nduk, eeppiige neenok, it yi o ndi o time aret ma'narit nagun o.

Mika 5:6

Aliku ALA nen miinanggen nappi woramenggerak luurogo pege, mayu iri'ngga paga wangge, eeke nogo nen, “Nit wanggwi nogo aakumi nen niyaawak nduk, torinako logowok o,” yogwe, Ndi, “Lek ogwe niyaawak nduk, torinako logowok,” yogwe, Eekulik alik en wangge, lek age, Eeke menggi kwak, At Yakup mendek ando yumbunik nogo ti, yi aakumi ndi aakumi inenggela'me togop aret logogun o.

Nakum 1:7

Aliku ALA ti, obeelom lombok wonage, Aaninggin inoba kwi'nage kenok, ineebe op logorak eeppiiga at aret wonage, Iniki at oba panggonak wonogwe nogo, liirogon inarum wake, Eeke menggerak kwe,

Takariya 11:11

Ne ti paga aret kalenogo pereegirak me, it ndomba wariyak ake leenak inigen iigak kalenogo pege mbareegi, “Yi eekerak ti, Aliku ALA nen aret eekerak kogo o,” yinuk, ineenu ogogwaarak.

Takariya 11:7

Yo'nege mbareegi, an nen it ndomba kunogo wariyak nduk leenak nogo, ndegeninabit nege nagagirak. Ndegeninabit nege logonet, ndomba ndegeninakak waanggun mbere wagangge nagagirik, ambi endage, Inabuwa Nen Wogoraga, toonogo pege, ndi, ambi endage, Inom Kunik Eeka, toonogo pege, eeke nagagirik, wogoren nege nagagirak.

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Matiyut 12:21

It aakumi inanebunu lombok nen at paga iniki lunik aret logogun o,” yinuk, yoragagerak wone nogo a'me lik yuwak nduk aret eereegerak o.

Matiyut 5:3

“It aakumi iniki tebenak menggaarak nogo ti, At mbogut paga mendek abu'me piyoorak it aret me, Iniki ale'nggen aret mbako logowak o.

Yakobut 2:5

Nowe-nawot o. Kit an niniki kunik me, wone yi, liirogon konenggo logonip o. It aakumi nen, “Aap ti, ineenggi lek,” inombakwi iigak, Ala nen miirinabeegerak nogo ti, ineenggi warak kwak, “Iniki mondok abet mbaruwak,” mbake, ndi, “Aap abok aret, Nogoba ao, yinuk, iniki kunik ee'nakwi iinok, nabu'me piyaagin o,” yinuk, abok yoragagerak nogo, Ala abu'me piige menggim ineyate kokwak unde eeppiige, eeruwak nduk, miirinabeegerak nogo lek a?