Tepaniya 2:8 - Ala Wone Peenok Peebi Mbanak

⁸ At Aliku ALA nen ari logonet, “It aakumi Mowap mendek nen an napuri meek eerogo piigwi, It Amon mendek nen an napuri mbelaappiigo logonet, inagi'ndok kanggwi, Eekwi nogo An muk naruk konenggirak o. It nen an napuri meek eerogo piigwi, Nit iya me, kinanggween tebenggologwe niinok, kit nonggop eerumunggup o? yinuk, yorogwe, Eekwi me,

Tepaniya 2:8 ပူးပေါင်းရင်းမြစ်များ

Wakkagagerak 19:37

Inabila ogo nogogwaarik, at kolaga oweeluk nogo aagaluk wulaga ndareegerak endage Mowap tooneegerak. It Mowap mendek wigannogogwaarak yogondak wonogwe nogo it inombo at Mowap aret o.

Wakkagagerak 19:38

Ndi, at kolaga awuluk nogo kunduk aagaluk wulaga ndake nagagerik, endage Mben-Ami aret tooneegerak. It aakumi Amon mendek wigannogogwaarak yogondak wonogwe nogo it inombo at Mben-Ami aret o.

Yetaya 15:1

It o Mowap mendek eeppiyoorak abinggaanggo paga Ala nen yoreegerak nogo yi aret. “O Mowap kota endage At nogo, maluk eerogo pegaarak wonage o. Ne ambit oonikiya pup eerogo pegaarak wonage o. O Mowap kota endage Kit maluk eerogo pegaarak wonage o. Ne ambit oonikiya lek eerogo pegaarak wonage o.

Yetaya 16:6

Nit mban iya o, yinuk, it aakumi Mowap iniki wogoppakwi nogo nit Yekura ninaruk konenggwi, Nit mban nineenu, mbakak iniki worokot linik agan nugwi nogo liippiigwi, Eekoorak nogo ti, We nineenu mbakak agan nugu nagaarak iigo o.

Yeremiya 12:14

Aliku ALA nen ari logonet, “It aakumi Iterali inom koorok menggaarak inobaabut maluk nogo nen an napuri Iterali yate kwak inanggween wogoragagim tebenggologwe nogo, eyo kinogo wunako mengga kwak it wonogo menggam inanggween paga nen nggiginogo wumbiige, it Yekura paga wiganak inenggela'me wonogwe nogo kunduk, togop aret yabonogo wumbiige, eerigin o.

Yeremiya 48:1

O Mowap eeppuurak wone nogo yi aret. At Omaawi Lombok Menggerak Iterali inogoba Aliku Ala nen ari logonet, “O kota Nebo nogo ti, lek eerogo pugun me, inabuwa o! O Kiriyatayim tebenggolaagun me, inenggali ogwe, Kota yugum pak omaawi wurik nogo langgunogo pugun me, inenggali ogwe, Eerugun o.

Yeremiya 49:1

It aakumi Amon mendek eeppiyoorak wone yi aret. At Aliku ALA nen ari logonet, “It Iterali inapuri ambi wonogwe lek a? Inogobamini ineyate koloorak ineebe ambi wonogwe lek a? Wonogwe iigak kwe, nonggop nduk, kugi Milikom nen it Nggat mendek inanggween unde eeppunuk wonage, Ndi, it Nggat mendek iname kota-kota at apuri nonggop nduk, ye mbambatinuk wonogwe, Eeko agaarik o?” Yinuk, yegerak.

Leendawi 3:61

Kaliku ALA wae. It an ninom ogoorak nen an miyuk-meya eerogo panugwi nogo karuk konengge, Iniki ambit eeppunuk, inoone yagap wone paga an eeppaniyak o kubondendok nen nok, oonikiya ari nage kagak koonogo pugwi nogo keenu age, Eereegindak o.

Yetikiyen 21:28

“Aakumi nen ndarak yi wae. It Amon mendek eekwi paga, inoone meek eerogo pugwi paga, Aliku Itok Menggerak ALA nen eeppiyoorak yegerak nogo yi o, yinuk, yoroorak nogo yi aret o. Wooluwak ambi tiyak yigi o! Wooluwak ambi tiyak yigi o! Aakumi inooriyak nduk, muk nggiginik wonage, Nenet nage, o kimbik pindanggage kwak lan agan nage, Eeruwak nduk, ambe laambu tup eerak wonage, Eerak aret agaarik o.

Yetikiyen 25:1

At Aliku ALA nen an yo'nege logonet,

Yetikiyen 35:12

Ti eeke neenok, at Teyit nen, Iterali inabuut ti paga yi oone lek ndi oone lek o wogo eerogo pereegerak me, an aret unde eekkolaakit nduk, neenggime paneegerak kagi, yinuk, Iterali inabuut ti, meek lombok mbake logonet, abok mbanit nagagerak nogo abok aret, Aliku ALA nen aret koneneegerak kagi, yinuk, at eenu arigin o.

Yetikiyen 36:2

At Aliku Itok Menggerak ALA nen yegerak nogo yi aret. It inom wim mbanak nen puut-puut eekwi nogo abok mbanggo logonet, Puut-puut mondok itok tiyarogon menggerak nogo, nit muk unde eekkologogurak me, kayik a! yinuk, yogwe me,

Amot 1:13

Aliku ALA nen ari logonet, “It aakumi o Amon menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo teppiyaagin lek eeppiyaagin aret o. It Amon mendek nen inanggween nggwok aruwak nduk, kuli pugu kagak ya langgok eerogo pogo logonet, Kumi o Nggileyat mendek inabila wonogwe nogo, inaagalogwe kilirik-ndowanak eerogo wumbiinet nogo nogogwaarak me,

Amot 2:1

Aliku ALA nen ari logonet, “It aakumi o Mowap menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo, teppiyaagin lek eeppiyaagin aret o. It Mowap mendek nen aap Erom mendek inowe endagembogut meek eerogo pogo logonet, owak nenenak kani kuneegwaarak wun aret agagerak me,

Tepaniya 2:10

It aakumi Mowap mendek inom, Amon mendek inom, iniki, “Nit abu iya lombok,” mbako logonet, At Omaawi Lombok Menggerak Aliku ALA apuri nogo, meek eerogo piigwi, inagi'ndok kanggwi, Eeko nogogwaarak onggo it togop aret eerogo piyaagin o.

Yotuwa 5:9

Inawin nogo abu aret lek ogo mbareegwa, at Aliku ALA nen Yotuwa yoge logonet, “It aakumi nen, O Metit paga inendage lek inayeloman tebenak wonogogwaarak nogo yi aret o, yinuk, meek kinombakwi nogo, o yogondak yi kuli paga Naliku an ALA nen lek eerogo pigin o,” yinuk, yereegerak me, o ti endage Nggilagan yogwe wonogwe aret o.