Tepaniya 2:13 - Ala Wone Peenok Peebi Mbanak

¹³ O omarip paga pa'nggwe wonogwe eeppiyoorak nogo, at eenggi nippunuk kagak, o Atiyut lek eerogo pogo logonet, O Niniwe yi oone lek ndi oone lek logowak nduk eerogo pugwi, Aakumi lek karume nggween mbuk menggi kwak eerogo pugwi, Eerugun o.

Tepaniya 2:13 ပူးပေါင်းရင်းမြစ်များ

Yetaya 10:12

At Ala nen it puut Tiyon paga wonogwe inom, kota Yerutalem wonogwe inom, eeppiyoorak koonogo pemenggerak nogo worok togon eeppiige kenok, at nen, “It Atiyut mendek inowe endagembogut wogoppake, An iya, mbarit nage, eeke ti paga aaninggin oba kwippigin o.

Yetaya 10:16

Togop aret me, at Omaawi Lombok Menggerak ninogoba Aliku ALA nen aap Atiyut mendek inowe endagembogut awuri ineegin warak wakaa'ngget nogo kugi wuruurit eeginaka inoba kwippiige, Ndi, iri'ngga kani wunuk ari logonet, pup eerogo nengge menggi kwak, At endage nggwok age paga wogoppatit nage nogo, togop aret lek eerogo pege, Eerigin o.

Yetaya 10:5

Ala nen ari logonet, “It aakumi Atiyut mendek inabuwa o! It aakumi Atiyut mendek ti, nanini an napuri eeppiyoorak neyawi kwak, Niniki aagi eeppiyoorak muun mbanak kwak, It aret me, inabuwa o.

Yetaya 11:11

Ne ti eyom paga ninogoba Ala nen at apuri eegu yumbunik o Atiyut nen, o Metit agi-ogu nen, o Kuti nen, o Elam nen, o Mbaben nen, o Kamat nen, niyo laut oolo ku'mbanak paga wonogwe nen, abok aret aa'nduk eereegi kwak, ne ambi eenggi omaawi paga wondet eerogo piinok, iniyokan iname piya woraagin o.

Yetaya 14:26

At Omaawi Lombok Menggerak Aliku ALA nen, “Yogop eerikit o,” yinuk, koonogo pereegerak nogo aap ta nen, “Lek o,” yoge, Ndi, eenggi awo nappunuk aret wonage nogo, aap ta nen eenggi yabonogo wuppi wage, Eeriyak mbakop? Mondok lek aret me, At o nggween paga abok aret, “Ndogop eerigin o,” yinuk koonogo pege, Ndi, yi aakumi ndi aakumi eeppiyoorak eenggi awo nappunuk wonage, Eeke nogo ti aret me, eeke agaarik o.

Yetaya 37:37

Ti eeke mbareegi, aap Atiyut inowe endagembogut Tanerip nogo nen o time mbo punuk, iyokan o Niniwe aret puk ari nagagerak.

Yeremiya 49:33

O Katot ti, it nggweewo owo kiraarak logowam aret age, O ti, yigirik-noonom aago o wogo mondok-mondok aret wonage, Eerigin me, Aakumi ambiriluk ambi o time logogun lek ndiimbu-nggwiya mban logogun o,” yinuk, Aliku ALA nen aret yegerak me, yokkiragi o.

Yunut 1:2

Aliku ALA nen ari logonet, “O kota nggwok Niniwe time inomaluk mondok iya lombok eekwi iigirak me, inomaluk mbo puwak nduk wone yora nak o,” yinuk, yoreegerak.

Yunut 3:2

Yoge logonet, “Kat o kota nggwok Niniwe time nage logomenggendik, It ndogop yoret o, yokkege nogo, koone nggwok paga yoraamunggun o.”

Mika 5:6

Aliku ALA nen miinanggen nappi woramenggerak luurogo pege, mayu iri'ngga paga wangge, eeke nogo nen, “Nit wanggwi nogo aakumi nen niyaawak nduk, torinako logowok o,” yogwe, Ndi, “Lek ogwe niyaawak nduk, torinako logowok,” yogwe, Eekulik alik en wangge, lek age, Eeke menggi kwak, At Yakup mendek ando yumbunik nogo ti, yi aakumi ndi aakumi inenggela'me togop aret logogun o.

Nakum 1:1

At Ala nen o Niniwe eeppiyoorak aap Nakum awi Elokoti mendek abinggaanggo paga yoreegerak mbuku mbanak nogo yi aret.

Nakum 3:15

Kat wonage me time keebe kani nengge, Wooluwak nen keebe ndanu eerogo pagage, Yibila nen iri'ngga pup eerogo nonggo mengga kwak, keebe togop aret eerogo pagage, Eerugun o. Togop me, yibila wiganggo mengga kwak wiganggwi, Wurin wiganggo mengga kwak wiganggwi, Eeko logonip ubi!

Nakum 3:7

Kat togop aago wonage keenok, aakumi abok aret kat mbo paganuk kole mbaganggo logonet, O kota Niniwe nogo, muk maluk agaarak me, ta nen aleenggu maarigin o? yinuk, yugun me, Kiniki eyak wappagawak nduk, aap ngga nen kwaarogo nappiya woraagin, mbaken? Lek aret o,” yinuk, yokkege kagarak me, yagi o.

Tepaniya 1:4

“It aakumi Yekura menggaarak inom, it Yerutalem menggaarak abok aret inom, an neenggi omaawi paga yigirogo piyaagin o. It kugi Mbaan ayuk wuko menggaarak ando pugu nogo nen Inawi kirin ndoonak paga lagi nanuk, laaluguragan inom, tut inom, oonegen inom, ayuk wukwi, Aliku ALA mugurok nogo logowok o, yinuk, Naliku ALA nendage kumbunuk nalut eeko logonet kwe, Inagugi Milokon endage kumbunuk ayuk wukwi, Eeko logonet kwe, Naliku ALA kunduk, nendage kumbunuk nalut eekwi, Naliku ALA an mu'neren nogo nogogwaarak kwe, mbo paninuk nomo agan nogwe, Ala ngge o? yinuk, kwaa'naka'lek mbo panugwi, Ala ari ngge o? yinuk, kin wo'naka'lek wonogwe, Eeko menggaarak kugi Mbaan unde ineebe abok aret Inenggaawak lek eerogo piige neenok, inendage lek aret arugun o.