Tepaniya 1:17 - Ala Wone Peenok Peebi Mbanak

¹⁷ Aliku ALA nen ari logonet, “It aakumi nen Naliku an ALA maluk eerogo paneegwaarak me, An nen it aakumi ti anggon-panggon lombok eerogo piige neenok, aakumi inigen mbuk yu'nduk agan nogo mengga kwak nugu logogun o. Liirubu kale'ngga eerogo mbo pogo mengga kwak, aakumi inamiya togop aret eerogo pugwi, Inaan wurik ogole o, yinuk, mbo pogo mengga kwak, inaanagale togop aret kilirogo mbo pugwi, Eerugun o.

Tepaniya 1:17 ပူးပေါင်းရင်းမြစ်များ

Yetaya 50:1

At Aliku ALA yegerak nogo yi aret. “Kwe yi neebi o, yinuk, wumbege logonet ninarum wonogwe inenggaanom paga liiru mbanogo kagalo wogoreegirak ngge o? Ndi, an nanomat mbanak porogo wonogwe me lek aruwak nduk, keebe waganogo ayeloman logonok nduk wogoreegirak aap ta o? Lek aret o! Kat maluk eeke keenok, aakumi inayeloman logonok nduk, keebe waganogo aakumi wogorage, Kat maluk eeke keenok, Kagalo neebi o, yinuk, mbo pege, Eereegirak o.

Yeremiya 10:18

At Aliku ALA nen yegerak nogo yi aret. “Ne yogondak yi aret it o yime wonogwe abok aret mbo wumbiige, It o yime wonogwe nogo aaninggin-paaninggin kaawak nduk, inoba piige, Eerigin o,” yinuk, yegerak o.

Yeremiya 15:3

Aliku ALA nen ari logonet, “Maluk eerit wundi wogogwaarak onggo aaninggin alom 4 paga an nen inoba kwippiyoorak nogo, ambi, wooluwak paga inookwi, ambi, yi nggeewo ndi nggeewo nen ineebe inoorak nogo nigiren nogwe, ambi, yi towe ndi towe wiga agan nugwi nogo nen ineebe nunggwi, ndi, ambi, ndiimbu-nggwiya nggween paga nugwi nogo nen ineebe lek eerogo nunggwi, eerugun o.

Yeremiya 18:21

Togop me, it aap ti, inapurilogwe mbi abu nen kanggwi, Wooluwak paga ndanuk togon inookwi iinok kanggwi, It inakuwi ti, inaagalogwe kobak ogwe, it kumi togwe aret ogwe, It mendek inowe-inawot aap nogo kugi andi nen kambit nogwe, Inawuri nogo wim eeko logonet, maale paga inoorak kambit nogwe, Eeruwak nduk eeppiyet o.

Yeremiya 2:17

Ti eeginabeegwaarak nogo ti, it inogoba Naliku ALA an nen wogoren wagagirak nogo mbo paneegwaarak paga Inalik nen aret kani inogombaga pateegwaarak nogo lek a?

Yeremiya 2:19

It maluk eekwi nen aret maluk eeginake, It an noone ineebi mbakwi nen aret ineebe andi-pandi eerogo piige, Eerigin o. Togop me, it nen, Ninogoba Aliku Ala mbo pugwi, At ayuk wukwi, eeka'lek niinok, Abu maluk aret eekwi, niniki andi eekkoloorak mendek eekwi, eeko ogoorik kogo o, yinuk, Ineenu ogwe, iniki liippugwi, eeko logowak o,” yinuk, at ninogoba Omaawi Lombok Menggerak Aliku ALA nen yegerak me, yokkiragi o.

Yeremiya 3:25

Nit inom, ninombomini inom, nen ninogoba Kaliku Ala maluk eerogo pagagwi, Nit tawe paga nen nok, yogondak kuli ninogoba Kaliku Ala koone yugu nogo eeka'lek mbo pugwi, Eerit wogo ogoorik me, Ninenggali nen ninuut kuru agan wanggwi, Ninendage maluk agaarak ninagabiti nen ninayum ninenete paga nobakkologwe, Eeruwok o,” yinuk, yoreegwaarak.

Yeremiya 4:18

“It Yekura mendek eerogo piigwi abok aret ti, inalik nen inobaabut paga, eeko nogogwaarak paga, inoba pakaarak o. Eeko nogogwaarak onggo inoba piigwi ti aret me, iniki andi lombok eeginake, Iniki me mondok ndanuk yi unggwage, Eeke me, mondok iya o!” yinuk, Aliku ALA nen aret yegerak me, yokkiragi o.

Yeremiya 8:2

it iniki kunik aganakwi, inake eerit nugwi, muguren nogwe, Nonggop o? yinuk, kin wogonakwi, inayuk wukwi, eeko nogogwaarak inagugi oonegen inom, tut inom, laaluguragan mbogut paga wonogwe abok aret inom, it abok inenggaanom kin paga piyaagun me, kuwak eerogo piigwi, taambiigwi, eerugun lek yabume nggween mili ake aret arugun o.

Leendawi 1:14

An maluk noba luurik wonage nogo, Aliku ALA nen ambit lambunogo keele maarogo pege, Eyo aaninggin tapi uut paga pugu kwak, eerogo pege, Eeke nagagerik, Nuut paga kwippaneegerak wonok nege logonet, nomaawi lek aret aga o. An neebe waganogo it an nen tebenogo piyoorak meek nogo mendek ineenggime paneegerak o.

Leendawi 1:18

“At Aliku ALA ti, obeelom lombok wonage kagak, an nen at eeriyak yo'nereegerak nogo taganogo pereegirak me, Kit yi aakumi ndi aakumi abok yi wae! An naagalogwe komologwe inom, wologwe tawe inom, keele maageren mbo piya nogogwaarak kenok, Niniki andi negen wonage yi, liippanugwi, Noone yokkirage yi, kinaruk konenggwi, Eeko logonip o.

Leendawi 1:8

O kota Yerutalem ti, maluk lombok eerit nage nagagerak me, ogole warak aret wonage agaarik o. Aa'nduk at ayuk wuko nogogwaarak abok aret nogo nen agap mbelanak wonage inigen kenok, meek eerogo pugwi, Ndi, at kunduk, “Nonggop agi?” yinuk, enggali nen ena ambokan na'nagik wonage, Eeko agaarik o.

Leendawi 2:21

It aap inanggok inom, tawe inom, tu paga tu paga liirubu enggela'me ngginnarit nogwe, Napurilogwe komologwe tawe inom, wologwe tawe inom, wooluwak paga inoorak kambit nogwe, Eerak aret agaarik o. Kanini nen eeppiyoorak eyom ari wage kenok inoorogo piige, Inabuwa mbaka'lek logonet, inoorogo piige, Eereegindak o.

Yetikiyen 16:38

It kumi inogonggelomini warak kagak aap alik inom eerit nugwi, ndi, it aakumi inamiya kilirogo piinet nugwi, eekwi iinok, onggo eeppiyoorak yorogo mengga kwak at oba pege, nanini nen inoorit nage, ndi, An neegak, kugi eeke yi, neebi o, yinuk, nanini mi'nage logonet, aakumi inamiya kilirogo piige, eeke minggirak nogo at oba pege, eerigin o.

Amot 4:10

“It aakumi Metit mendek eeginabeegi kwak it Iterali inenggela'me kugilingga nappi wage, It inapuri aap tawe nogo wooluwak paga inooruwak nduk eeppiige, Inaguda aakumi nen wonok ma'naruwak nduk, eeppiige, Inawooliya wurik me obari kenok inogobak ko'nok yuwak nduk eerogo pege, Eereegirak kwe, Inomaluk mbo punuk, iniyokan yungguninuk an neya waga'lek aret menggaarak o,” yinuk, Aliku ALA nen aret yegerak o.

Mika 7:13

Aakumi o yime menggaarak nogo nen maluk eerit nogo nogogwaarak paga o yi, o wogo aret arigin o.

Matiyut 15:14

It aap inigen mbuk mban-mban ineenggi pit-pit aago nogwe iinok ti, it imbirak aret yigeebu wambugun me, inigen mbuk logonet, tu niigiigwi iinok ti, inobaalombok me, teppiyaanip o.”

Oroma 11:25

Nowe-nawot o. Wone ambi kote kumaarak wonage yi, kineenu arubagip nduk, yokkira o. Ala nen it Iterali mendek inogogumbuk aruwak nduk, eeppiyareegerak nogo ti, mondok-mondok eeppiyareegerak lek o. Ata, it aakumi endekem mendek, “Aap ndogop ineenggi nabu'me piyaagin o,” yinuk, koonogo pereegerak nogo, kuli abu aret ari nage kenok, it Iterali inogogumbuk wonogwe nogo yanggonogo piyaagin o. Wone kote kumaarak nogo ti aret me, “An iya,” yinuk, wogoppako logogup o.

Oroma 11:7

Ti kenok, it Iterali ti, nonggop o? It Iterali abok nen, “Nit obeelom agago pinaniyak nduk, nonggop eeruwi o?” yinuk, eekaatak mendek, eeppiiga'lek aret wonagagerak kwe, it ando mbuuluk miirinabeegerak nogo mban obeelom eeppiige nagagerik, it ando apit aret iniki omaawi agago piyareegerak.

2 Korindut 4:4

At Ala etenggen ndak-ndak mondok tiyanak aakumi, “Wi!” ugwi Keritut eeke nagagerak obeelom wone nogo, it aakumi abet mbaka'lek mendek nen yelok kogo logokwak, at o yogondak unde menggerak Ibilit nogo nen iniki apit eerogo piyareegerak me, yelok kaga'lek aret wonogo agaarik o.

2 Peterut 1:9

Ndi, kit ti eeko logorak yokkiragarak nogo eeka'lek kiinok perak, “Ala nen ninomaluk lek eerogo pinaneegerak,” mbaka'lek mari eerogo punuk wonogwe me, aap inigen mbuk nen yi mendek ndi mendek nda nakkoorak meek nogo kokwak wonogwe kinombarugun o.

1 Yaya 2:11

aap ambi nen at awot eebi mbake kenok perak, aap ti, iniki o apit pogom logonet, o apit paga wonage menggerak o. O apit nen at enegen mbuk eerogo pereegerak me, “An o ndime aret nage agarik,” mbaka'lek aret menggerak o.

Wayu 3:17

It nogo nen, Ninigen mbuk ninagap mbelanak nineenggi lek niniki ale'nggen mondok lek aaninggin ndugu aago nugu logonet, agan nugu monggoorak kogo o, yinuk, mbaka'lek logonet, Nit ninamendek ambi lek ti lek, abok aret wonage me, nineenggi warak aret o, yinuk, yogo menggaarak me, it eeko logorak yoraawak nduk, yoriyak wone ambi yokkiri o.