Tepaniya 1:15 - Ala Wone Peenok Peebi Mbanak

¹⁵ Ne ti ari woroorak nogo ti, Aliku ALA anini eeppiyoorak eyom aret me, Ne ti paga it aakumi iniki wakkologwe, Nonggop eeruwi o? yinuk, iniki aaninggin ndugu aago nugwi, Ne ti paga aakumi maluk lombok eerogo piigwi, yi mendek ndi mendek pup eerogo pugwi, Ne ti paga o apit age, o yumaak lombok eerogo pege, Ne ti paga o ndugwi narogo pege, o ogum lombok eerogo pege,

Tepaniya 1:15 ပူးပေါင်းရင်းမြစ်များ

Yetaya 13:9

Naliku an ALA nen o nggween paga yime yi oone ndi oone lek eerogo pege, It aap maluk eeko menggaarak nogo inenggaawak lek eerogo piige, Eeriyak eyom panggoni wage me, Naliku ALA nanini nen alik negen eeppiinet nage, Niniki aagi inombake logonet, maluk eerogo piinet nage, Eeri woroorak ne ti, mondok iya aret mbako logowak o.

Yetaya 22:5

“O Abinggaanggo Kobappaga nogome it aakumi ugun naalop-kaalop eerit nugwi, Aakumi nobogom-kobogom nogo logonet, iniyok aan leben-leben nogwe, Inagabolo nirik-kirik nage kagak pelen-pelen nogwe, Eeko logonet, Pak wurik nogo langgunogo pugwi, Yeenggwaaraawak nduk inoone eerogo puut paga nappugwi, Eeriyak eyom Nomaawi Lombok Minggirak Naliku inogoba an Ala nen koonogo pereegirak wonage agaarik o.

Yetaya 8:22

nggween paga wu'nogwe, eeremenggaarak kwe, yi mendek ndi mendek obeelom mendek ambi inigen kaga'lek aaninggin-paaninggin inoba age, iniki apit age, o yumaak kenok inagabolo kangge, eeke kagak, o apit me time mbo piyaagin o.

Yeremiya 30:7

Ne ti ari wage kenok, aakumi nen, Ne ti iya, mbakwi, Ne aa'nduk arit wagagerak ti kwak lek mondok alik negen age kogwe, Eeko logogun o. Ne ti eyom paga aaninggin mondok alik negen it Yakup mendek inoba kwi'narigin kwe, Inagap ndarigin,” yegerak o.

Yowen 2:11

Aliku ALA awuri ineegin warak inaame nggwe a'nuk oone ngguurubu kwak wone lengganogo yorenet nage, At awuri aap wim eeka ineebe ambik aago nogo yorage, It at yorage konenggwi nogo, inomaawi ambik aret me yorage, Eeke agaarik o. Aliku ALA woroorak ne ti, mondok iya aakumi inamineeri ne agan nage nogo mendek aret me, Aap ta nen ko wappunuk logorak mbakop? Lek aret o.

Yowen 2:2

Ne ti eyom o mondok apit lombok age logonet, iniki miin eerogo piinet nage, Ndugwi apit eerogo pege kenok, o yumaak eerogo pege, Eerigin o. O kilim nagake logonet, puut-puut kin eerogo pit nage menggi kwak, Ne ti eyom paga wim eeka inomaawi ambik lombok ineebe apit aago o aa'nduk nen wogwe inigen iyoolik nogo mendek wogwe, Ndi, peebi nen togop ambi wogwe iyaagun lek nogo mendek wogwe, Eekwi iyaagun o.

Yowen 2:31

An kinogoba Naliku Ala woroorak eyom pi wa'nakwi, Aakumi inamineeri ne agan nage, Eekwi iigak, Oonegen apit age, tut inamiya negen age, eerigin o.

Tepaniya 1:18

Naliku ALA woroorak ne nogo ti, aakumi apit ineenggo'lek kobak wonogwe iigak woraagin me, Wage logominggirik, it o nggween paga wonogwe nogo abok aret lek eerogo piyaakit nduk, eeke logonet, It an mu'neren woroorak kwe, alik mugurok nogwe yi neebi a, yinuk, nanini kani kunik negen inoba kwippiige neenok, ineebe lek arugun me, Inamendek mbuti perak paga, mbuti emas paga, inagap ndakkolaagun mondok lek aret o,” yinuk, yegerak me, yokkiragi o.

Tepaniya 2:2

At Aliku ALA anini kinoba pi wage logonet, iri'ngga wiirik o wiya nen wonok lek age menggi kwak, Kit togop aret lek eerogo pinagarak eyom koonak nogo, awo ari waga'lek kagak, Aliku ALA anini kani kunik negen eeppinagarak eyom panggoni waga'lek kagak, Aliku ALA mi'nage logonet, anini kinoba kwippinagarak ne nogo awo ari waga'lek kagak, Kinanggena luk togon kuwak ari wa'nip o.

Matiyut 24:29

Wone ambinom yorage logonet, “Kineebe aaninggin-paaninggin eeppinagago mbaremengga, Oonegen apit age, tut abinak lek age, Laaluguragan mbogut paga nen nggaru-nggaru nggween paga wambit wage, It mbogut oolo yime inomaawi menggaarak nogo, inaganak nugirage, Eerigin o.

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

Pelaareegerak 28:52

ndi, at Aliku kinogoba Ala nen yi o ndi o wokkirage nogome kinawi yaga'lelo kota-kota abok aret owa'nagat yugum paga irip tiyarogon omaawi ambik pak wuppunuk, kiniki ti paga panggonak wonogwe nogo abok aret punggagak mban eeko logonet langgunogo pinagagwi, eeko logogun o.

2 Peterut 3:7

Ndi, yogondak mbogut-nggween ninigen kogo monggoorak yi nogo ti, peebi it aakumi Ala ineebi mba'nuk, maluk eeko menggaarak nogo inawone amburu mbanogo inowak loombunuk, ineebe lek eerogo piyoorak eyom nogo paga, o yi, kani pikit nduk, at oone paga porogo wonage wone nogo, it kobak logonet agan nugwi me, peebi age yobok paga eeke kaagun o.