Takariya 9:8 - Ala Wone Peenok Peebi Mbanak

⁸ Togop kwe, at Aliku ALA ari logonet, “It aap wim eeka nen o yi, unggwi wogwe, wundi nogwe, eeko logonet, an nawi wurik maluk eerogo pukwak, nawi wurik arum logogin o. Arum logonet, nenegen wonage me, it tebenogo piiga ambi nen an napuri tebenogo piya unggwogo logogun lek o,” yinuk, yegerako.

Takariya 9:8 ပူးပေါင်းရင်းမြစ်များ

2 Tamuwen 16:12

An o yogondak yi wone ndi wone ninikime yagabit tibik-tobok eekwi paga yagan warit nege nogo, at Aliku ALA nen liippanege logomenggerik, aap pulunogo panege nogo ti, obeelom eeppanuwak nduk, eeppege kagak, eerukwak, teppinip o,” yinuk, yoragagerak.

2 Endagembogut 19:34

At Aliku ALA nen ari logonet, An nendage maluk age, Ndi, nayeloman Ndawut nimbirak wone koonogo pereegirak nogo mbeyok ari, Eerukwak, An nen aret o kota yi, ambi age kero arum wonage, ili ari, Eeke logogin, yegerak o,” yinuk, yoreegerak.

2 Endagembogut 23:29

Aap Yotiya endagembogut wonage kagak, aap Metit inowe endagembogut Pirawun Niko nen it Atiyut mendek inowe endagembogut yeenggwa iraakit nduk, tu niyo Eparat aa'nggi paga awuri inom wogwe me, aap endagembogut Yotiya nogo imbirak wim eeruwok nduk, wundi nage mbareegi, imbirak abuk a'nuk, aap Niko nen aap Yotiya o Megiro time warogo pereegerak.

2 Endagembogut 24:1

At Yoyakim nogo Yekura endagembogut logonet, wone lengganogo yorage kagak, it Mbaben inowe endagembogut Nebukanetat nogo, o Yekura tebenggola wage nagagerik, at Yoyakim nogo at abu'me punuk, wonage kagak, tahun kenagan eeke mbareegi, at Yoyakim iniki koombunuk, “Aap yi, wone lengganogo yo'nirage logorak neebi,” mbareegerak.

Ndawi 34:7

It Aliku ALA inagabiti mbako menggaarak ti, Aliku ALA ayonggo malayikat nen Awooliya yendok-wandok wuppiinok, inarum wonage, It inagap ndake, Eeke menggerak o.

Ndawi 72:4

It aakumi inenggela'me tebenak wonogwe nogo, Aap endagembogut nen inawone liirogon mban mbangge, Ineenggi lek inapuri nogo yeenggwaarage, Eeke logogin kwe, It aap tebenogo piiga nogo perak, Aan lebenogo piige logogin o.

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Wundeegwaarak 3:9

It aakumi Metit mendek nen aakumi Iterali mendek aaninggin-paaninggin inoba piigwi iinok, iniki aaninggin logonet, inoone nggwok paga yo'nugwi nogo an muk liippiigirak me,

Kini Wuppiige 3:25

Aliku ALA nen kat pikkeren nage, Kiyok nggerok yukwak, “Keele pugu yi o,” yokkege, Eerigin me, Kagabolo ne agan noorak mendek yini-panip koba ari wage, Aap maluk eeka lek eerogo piyoorak mendek kat kunduk koba kwi'nari wage, Eeke kenok, Kat kagabiti mbariyak mage o.

Yetaya 26:1

Ne ti eyom paga it Yekura wonogo menggam ndawi wako logogun nogo yi aret. Nit ninawi kota mondok omaawi aret wonage agaarik o. Yugum pak wurik eyak panggonak ti paga ninagap ndarak logowok nduk, ninogoba Ala nen eerogo pinanege me,

Yetaya 31:5

Towe aagalogwe inawina iigak inagalo irimbaga lenggak-penggak nege menggi kwak At Omaawi Lombok Menggerak Aliku ALA nen O Yerutalem arum wonage, nobappunuk wonage, aakumi ineenggime age kero, unde wake, At yendok-wandok nege logonet, ili eerogo pege, Eeke logogin o,” yinuk, yo'negerak me yagi o.

Yetaya 4:5

Ti eeppiige logomenggerik, Aliku ALA nen o puut Tiyon inom, aakumi abok o puut Tiyon paga kuwak eeremenggaarak nogo inom, liingge ndugwi eya paga nobarinake, ndi, oonikiya ndi wunanogo piige, eerigin me, it inirimbaga eya aago kagak ineebe obeelom aret logogun o.

Yetaya 52:1

O Tiyon yi wae. Pilak yu o. Pilak yu o! Yum yiko mengga kwak komaawi eekkolage, O kota abe alik leenak Yerutalem yi wae. Kayum abe yirik keenok, “Wi,” kugwi nogo aret yikkolage, Eeke logot o. It aap inagabolo mbanak lek maluk inoba lenggenak wonogwe nogo nen kinikime ambinom unggwi woraagun lek aret o.

Yetaya 52:12

At Aliku ALA kinaame a'nuk aa'nduk wage, Iterali inogoba Ala kinage mbanit peebi aret age, Eerigin me, Kit mbet-mbet wundi wogwe, Kole mondok mbe agan wogwe, Eerumunggup lek o.

Yetaya 54:14

Obeelom mban eerit namenggerak paga nu'lek eerogo patigin o. It tebenogo puurak nda wonogwe me, agabiti mbarigin lek o. Iniki a'nggan woorak nda lombok wonogwe me, ka woraagun lek mban.

Yetaya 60:18

Aap iniki worokot nen aakumi maluk eeppiinet nugu agaarik o, yinuk, at wonage me time nen yogwe, O maluk eerogo pugwi, o yigirik-noonom eerogo pugwi, eekaarak o, yinuk, anggween paga time nen yogwe, Eekwi nogo ambinom konenggo logogun lek o. At nen, Nayugum pak wurik ti, Nagap Ndaka o, ari, Ndi, Narunggambe ti, Nalut Eeka o, ari, Eeke logogin o.

Yeremiya 31:12

Wogo logomenggaarik, puut Tiyon paga ari wa'nuk, inale'nggen nen keekok yogwe, Naliku ALA an nen obeelom eeppiige logonet, Gandum inom, anggur amburu ngget toolak inom, tayitun amburu inom, kambin-ndomba inaagalogwe inom, lembu-tapi inaagalogwe inom, Yi mendek ndi mendek abok aret mondok nggwik togon wogoraminggirak paga Iniki ale'nggen nen i'ndok nggi yogwe wonogwe, Eeko logogun o. Ineebe logorak nogo ti, kom yarak me niyo mbininogo mambi wagaatak me, abe kwit agan lagangge menggi kwak aret logogun me, Le yogo nogogwa kwak ambinom yogo logogun lek o.

Yeremiya 46:13

It Mbaben mendek inowe endagembogut Nebukanetat nen o Metit tebenogo piya woroorak wone Aliku ALA yoge kagak yoraga Yeremiya yoreegerak nogo yi aret.

Yeremiya 46:2

It o Metit mendek eeppiyoorak yereegerak nogo ti, Aap Yotiya aput Yoyakim nogo it Yekura mendek inowe endagembogut a'nuk, wone lengganogo yorage kagak tahun kenagan eeppunuk, ambi eeke paga, aap Mbaben mendek inowe endagembogut Nebukanetat nen it aakumi o Metit mendek inowe endagembogut Pirawun Neko awuri ineegin warak inom o Karekemit niyo Eparat aa'nggi paga taati wonogwe me, tebenogo piyareegerak Pirawun awuri inom eeppiyoorak wone yoragagerak nogo yi aret.

Yetikiyen 39:29

An Naberiniki it Iterali mendek inoba piyaagin me, eeppiige neenok, it neegwi iyo, netenggen kumaappatinuk logogin lek aret o,” yinuk, at Aliku Itok Menggerak ALA nen aret yegerak me, yagi o, yinuk, yoragagirak.

Amot 9:15

It Iterali ti, awi yako mengga kwak, inanggween lombok paga inakom kwippiyaminggirak me, Inanggween wogoragagim time nen it aakumi ambi nen nggiginogo wumbiyaagun mondok lek aret o, yinuk, at Aliku kinogoba Ala nen wone yi abok aret yegerak me, yokkiragi o,” yinuk, yoragagirak.

Takariya 12:4

Ne ti eyom paga an nen it kuda abok aret ambime lingga nagak, ambime lingga nagak, eerit nugu logowak nduk, eerogo piige, aap at paga kwi'ndak wogwe nogo, kumili-kumili eerogo piige, eerigin o,” yinuk, Aliku ALA nen aret yegerak o. “It Yekura paga wiganak mendek an nenegen wogonake logogin kwe, it yi aakumi ndi aakumi inaguda nogo perak, inigen mbuk eerogo piyaagin o.

Takariya 12:8

Ne ti eyom paga Naliku ALA nen it Yerutalem wonogwe nogo, inarum wonage logonet, it aakumi inomaawi lek abu ndeyak wonogwe nogo, at Ndawut omaawi wonagagi kwak eerogo piige, ndi, at Ndawut paga wiganak nogo ti, Ala kwak, Aliku ALA ayonggo malayikat inaa'nduk a'nuk, nogo nogogwa kwak, eerogo piige, eerigin o.

Takariya 14:11

O kota Yerutalem ti, aa'nduk maluk eerogo pogo nogogwa kwak ambinom eerogo pugun lek mondok nu'lek aret logogin me, o kota time aakumi iniki ugun tayenak wonogo logogun o.

Takariya 9:7

Wam amiya mburunogo inamberagin wako menggaarak nogo lek eerogo pege, Mbi mage yugu kagak nunggwi paga ineyak kun nggelok ari nogo waganogo mbo pege, Eerigin o. Ti eeginabit nage logonet, ando teppiyaminggirak nogo ti, ninogoba Ala amendek aret eerogo piyaagin me, It aakumi Yekura mendek ndarak logok mengga kwak ogwe, Ndi, it Ekeron mendek ti, it aakumi Yebut mendek mengga kwak ogwe, Eerugun o.

Nappiigak 7:34

An napuri o Metit wonogwe nogo inoorit nogwe nenegen iige, yagan warit nugu logonet inoone yogwe nogo naruk konengge, eeke minggirak me, wondet eerogo piyaakit nduk wambi wagi o. Kat o Metit nappagage me, aret nak o, yinuk, yoreegerak o.

Wayu 20:9

Iige nagarik, o kobak nonggologo pereegim time aakumi mbini negen togop aret kuwak eeppunuk, it abet mbareegwaarak Ala apuri nogo inookwi, ndi, o kota Ala inikilom mbake menggim nogo lek eerogo pugwi, eeruwok nduk, oo'nggut panggeko mbaka, kani mbogut paga nen wunuk agan wambi wage logonet, aakumi nogo tigitogon nenet nage kagarak.