Takariya 9:7 - Ala Wone Peenok Peebi Mbanak

⁷ Wam amiya mburunogo inamberagin wako menggaarak nogo lek eerogo pege, Mbi mage yugu kagak nunggwi paga ineyak kun nggelok ari nogo waganogo mbo pege, Eerigin o. Ti eeginabit nage logonet, ando teppiyaminggirak nogo ti, ninogoba Ala amendek aret eerogo piyaagin me, It aakumi Yekura mendek ndarak logok mengga kwak ogwe, Ndi, it Ekeron mendek ti, it aakumi Yebut mendek mengga kwak ogwe, Eerugun o.

Takariya 9:7 ပူးပေါင်းရင်းမြစ်များ

1 Mbinineegwaarak 1:14

Yebut mendek inom, Amori mendek inom, Nggiragati mendek inom,

1 Mbinineegwaarak 21:15

At Ala ayonggo malayikat nogo nen o Yerutalem pup eerogo puwak nduk, nappi wagagerak nogo, inoorit aap Yebut mendek endage Arawuna gandum agabolo mbelangge menggim taati ari wage mbareegi, aakumi mondok alik negen kambit nogwe nogo, at Aliku ALA iige nagagerik, iniki puru yinuk, at ayonggo malayikat aakumi inoorit nage nogo yoge logonet, “Abu aret me, keenggi awiikkolet o,” yinuk, yoreegerak.

Ndawi 3:7

It ninom wim mbanak abok aret Ineegwak nenenogo nappiige, It maluk eeka ineyak langgunogo nappiige, Eeke menggendak me, Kaliku ALA wae. Kenegen an liippanege, Ndi, nogoba Ala wae. Kat nen an nagap ndake, Eeru o.

Ndawi 58:6

Togop me, kat Ala wae. It aap ti, Togop kwak aret me, ineyak langgunogo piige, Kaliku ALA wae. It singa kwak aret me, ineyak nggiginogo piige, Eeru o.

Yeremiya 48:47

Togop aret eerugun kwe, peebi nen o Mowap aa'nduk wonagagi kwak eerogo pigin o,” yinuk, Aliku ALA nen aret yegerak me, yokkiragi o. O Mowap aaninggin eeppuurak liiru mbanak kuli ti aret.

Yeremiya 49:39

“Togop aret eerigin kwe, peebi o Elam aa'nduk wonagagi kwak eerogo pigin o,” yinuk, at Aliku ALA nen aret yegerak o.

Yeremiya 49:6

Togop kwe, ti'nuk, it Amon mendek ti, aa'nduk wonogogwa kwak eerogo piyaagin o,” yinuk, Aliku ALA nen aret yegerak o.

Amot 3:12

Aliku ALA nen ari logonet, “Singa nen ndomba wappunuk nengge logonet, iyok a, aruk a, ti mban yumbunogo mbo pegetak me, At aap ndomba ndegeninaka nogo kwaakkage menggi kwak, It Iterali mendek o Tamariya wonogwe nogo togop aret inagap ndarogo piige neenok, Nogo yegak lit yarak mban kologwe, Inanobak anep mbanak mban waganggwi, eerugun, yegerak me, yagi o,” yinuk, yoragagirak.

Takariya 8:23

At Omaawi Lombok Menggerak Aliku ALA nen an yo'nege logonet, “Ne ti eyom paga yi aap ndi aap inanebunu alitak inom, inoone alitak inom, ineebe 10 nen aap Yakuri mendek ambi ayum nggorek ineenggi mondok omaawi pipporogo logonet, Kit Ala kinom wonogwe ninaruk konenggoorak me, kit ninom noorak uugwe mbako ogoorik o, yinuk, yorogo logogun o,” yinuk, an yo'nege, eereegerak ti aret.

Takariya 9:6

Ndi, aakumi inanebunu nenggelak-kenggelak ndarak mendek nogo, o Atorot ye mbambatinuk wonogo logogun o. It aakumi Pilitin mendek iniki tiyappakwi ti, lek eerogo pege,

Takariya 9:8

Togop kwe, at Aliku ALA ari logonet, “It aap wim eeka nen o yi, unggwi wogwe, wundi nogwe, eeko logonet, an nawi wurik maluk eerogo pukwak, nawi wurik arum logogin o. Arum logonet, nenegen wonage me, it tebenogo piiga ambi nen an napuri tebenogo piya unggwogo logogun lek o,” yinuk, yegerako.

Nggalatiya 3:28

Kinobaabut ambit Keritut mendek ogogutak me, yi Yakuri mendek yi Yunani mendek, yi aap inayeloman aago mendek, yi aap inayeloman aago lek mendek, yi aap yi kwe, togop yuurak mondok lek aret o. Nit abok Keritut Yetut ninom kunik me, nineebe ambit aret ogoorik o.