Takariya 9:6 - Ala Wone Peenok Peebi Mbanak

⁶ Ndi, aakumi inanebunu nenggelak-kenggelak ndarak mendek nogo, o Atorot ye mbambatinuk wonogo logogun o. It aakumi Pilitin mendek iniki tiyappakwi ti, lek eerogo pege,

Takariya 9:6 ပူးပေါင်းရင်းမြစ်များ

Wone Alom Kibingga 6:2

Ala nen it aakumi uugwe mbakwi nogo ambi teppiigeelik abok aret wogorage, ineenggi warak eerogo piige, inendage tiyappiige, eeke logonet kwe, inale'nggen paga eerit nugu logowak nduk, inom eeppiyoolik me, aap inambik nen it aap ti inamendek nogo unde eeppatinuk, inale'nggen paga wonogwe iyareegirak o. Ti eekwi ti, aaninggin abu iya lombok kagak eekwi me, aanom warogo aret eekwi iyareegirak o.

Yetaya 23:9

Lek o! It aakumi eerit nugwi paga inendage tiyak ari kenok, wogoppakwi nogo abok aret tebenogo piige, It aap o nggween paga inendage warak wonogwe nogo lek eerogo piige, Eerikit nduk, Nomaawi Lombok Minggirak Naliku an ALA nen aret koonogo pege nagarik, lek eerogo pigirak o.

Yetaya 28:1

It Eparayim mendek nen amburu nenok kumili kumbunuk, Iri'ngga anggen laambu mendaarogo inenggaanok me yirik kwak inale'nggen mbakwi nogo, Yirik kenok, iya mbakugak anggen teebat age nogo, O kobappaga agi nggween mili paga wurik nogo, It amburu nenok kumili aganaka nen tiyappugwi inagota nogo, Inabuwa o!

Yeremiya 47:1

At Pirawun nen o Nggata awo tebenogo piiga'lek kagak, aakumi Pilitin mendek eeppiyoorak Aliku ALA yoge kagak yoraga Yeremiya yoreegerak nogo yi aret.

Ndaniyen 4:37

At mbogut paga time endagembogut menggerak nogo, eeke menggerak abok aret abe mban eeke, at eerit nage nogo a'me nggelok mban eerit nage, iniki wogoppakwi iinok tebenogo piige, eeke menggerak me, yogondak an Nebukanetat nen at ayuk wuke, alut eeke, endage tiyappege, eeke agarik o.

Amot 1:8

Aakumi o Atorot wonogwe nogo lek eerogo piige, At aap it Atekelon mendek abu'me piinok, ambim mbanak eenggime porogo menggerak nogo lek eerogo pege, Aakumi o Ekeron menggaarak nogo, an neenggi omaawi paga yigirogo piige, Eerit nage logonet, It aakumi Pilitin mendek eegu yumbunogo piyaminggirak nogo ambit iluk ambi teppigin lek abok aret inenggaawak lek eerogo piyaagin o,” yinuk, Aliku Itok Menggerak ALA nen aret yegerak o.

Tepaniya 2:10

It aakumi Mowap mendek inom, Amon mendek inom, iniki, “Nit abu iya lombok,” mbako logonet, At Omaawi Lombok Menggerak Aliku ALA apuri nogo, meek eerogo piigwi, inagi'ndok kanggwi, Eeko nogogwaarak onggo it togop aret eerogo piyaagin o.

Tepaniya 2:4

O kota Nggata ti, o wogo age, O Atekelon yi oone ndi oone lek age, Eerigin o. It aakumi o Atorot wonogwe nogo o liingge yini-panip aret mugogo wumbiigwi, It aakumi o Ekeron menggaarak nogo mugogo wumbiigwi, Eerugun o.

Takariya 9:5

Ti eeke nogo, o Atekelon nen enegen kage logonet, agabiti mbake, O Nggata ti, andi nen yagan yobak-nggolak wake, Ndi, o Ekeron kunduk, at iniki lunik wonage nogo lek age kenok, at togop aret yagan yobak-nggolak wake, Eerugun o. It Nggata mendek inowe endagembogut nogo lek age, O Atekelon nogome aakumi lek o wogo age, Eerigin o.

Takariya 9:7

Wam amiya mburunogo inamberagin wako menggaarak nogo lek eerogo pege, Mbi mage yugu kagak nunggwi paga ineyak kun nggelok ari nogo waganogo mbo pege, Eerigin o. Ti eeginabit nage logonet, ando teppiyaminggirak nogo ti, ninogoba Ala amendek aret eerogo piyaagin me, It aakumi Yekura mendek ndarak logok mengga kwak ogwe, Ndi, it Ekeron mendek ti, it aakumi Yebut mendek mengga kwak ogwe, Eerugun o.

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.