Takariya 9:5 - Ala Wone Peenok Peebi Mbanak

⁵ Ti eeke nogo, o Atekelon nen enegen kage logonet, agabiti mbake, O Nggata ti, andi nen yagan yobak-nggolak wake, Ndi, o Ekeron kunduk, at iniki lunik wonage nogo lek age kenok, at togop aret yagan yobak-nggolak wake, Eerugun o. It Nggata mendek inowe endagembogut nogo lek age, O Atekelon nogome aakumi lek o wogo age, Eerigin o.

Takariya 9:5 ပူးပေါင်းရင်းမြစ်များ

Yetaya 14:28

Aap endagembogut Akat kambeegerak tahun ti paga Ala nen Yetaya abinggaanggo paga yoreegerak yi aret.

Yeremiya 47:1

At Pirawun nen o Nggata awo tebenogo piiga'lek kagak, aakumi Pilitin mendek eeppiyoorak Aliku ALA yoge kagak yoraga Yeremiya yoreegerak nogo yi aret.

Yowen 3:4

An ngge eeppiigirak paga it Tirut mendek inom, Tiron mendek inom, o Pilitin paga menggaarak abok aret inom, nogo nen an ninom wone yuurak eeko agaarik? An ngge eekirak me, onggo eeppaniyak nduk eeko agaarik o? An ambi eekirak paga eeppaniyak mbakwi iinok, it eeko nogogwaarak onggo an logonuk lek mbet-mbet aret melak togon inoba kwippiyaagin o.

Amot 1:6

Aliku ALA nen ari logonet, “It aakumi o Nggata menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo teppiyaagin lek eeppiyaagin aret o. It aakumi Nggata mendek nen aakumi ambi mendek abok aret wogoren aap Erom mendek inayeloman mini logowak nduk ineenggime piya nogogwaarak me,

Amot 1:8

Aakumi o Atorot wonogwe nogo lek eerogo piige, At aap it Atekelon mendek abu'me piinok, ambim mbanak eenggime porogo menggerak nogo lek eerogo pege, Aakumi o Ekeron menggaarak nogo, an neenggi omaawi paga yigirogo piige, Eerit nage logonet, It aakumi Pilitin mendek eegu yumbunogo piyaminggirak nogo ambit iluk ambi teppigin lek abok aret inenggaawak lek eerogo piyaagin o,” yinuk, Aliku Itok Menggerak ALA nen aret yegerak o.

Takariya 9:4

Aliku ALA nen at eenggi lek eerogo punuk, niyo laut unde logonet, endage tiyanak menggerak nogo lek eerogo pege, O kota ti, kani nen nenet nage logowak nduk, eerogo pege, Eerigin o.

Takariya 9:6

Ndi, aakumi inanebunu nenggelak-kenggelak ndarak mendek nogo, o Atorot ye mbambatinuk wonogo logogun o. It aakumi Pilitin mendek iniki tiyappakwi ti, lek eerogo pege,

Nappiigak 8:26

Yoranet wogwe me, ninogoba Ala yonggo nappiya wage menggerak malayikat mendek ambi nen at Piliput nogo yoge logonet, “Tu o Yerutalem nen o Nggata nogo menggam o ame pa'nggwe tu mbuuluk paga time nak o,” yinuk, yoreegerak.

Oroma 5:5

Ndi, niniki lunik togop aret wonogwe me, at Ala nen Aberiniki wo'niragagerak ti paga Ala iniki kunik nen mondok alik negen ninabuwa mbake menggerak nineenu logonet, niniki lunik wonogwe nogo kolaagun aret mbakwi me, niniki piirik wonogwe lek o.

Pilipi 1:20

An eeke logokit nduk unde eeppaneegerak nogo, ando eeka'lek neenok, nenggali wappaniyak neebi me, “Ao,” mba'nuk, an neebe paga Keritut tiyappuurak mbake minggirak nogo, yogondak ndak-ndak mbake logonet, kambuurak kenok, neenik logorak kenok, “Op mban aret o,” yinuk, nagabiti mbaka'lek yoranet nege logorak uugwe lombok mbake agarik o.