Takariya 9:15 - Ala Wone Peenok Peebi Mbanak

¹⁵ Ndi, nogwe iigak, at Omaawi Lombok Menggerak Aliku ALA nen it ineebe op logowak nduk, nobarogo piige, Eerigin o. Togop aret eerigin me, at apuri nen it inawim nogo ineebe lek eerogo piigwi, It yugum anggen keele paga nggelembunuk nambukwi nogo paga tebenogo piigwi, Anggur amburu nenok ugun agan nugu mengga kwak kumili-kumili negen agan nugu logonet, aakumi ugun inoorogo piinet nogwe, Togolowak amiya eno korok togon toolak wonok Ala ake warogo wogogo menggam ogobakkigirik unggut-unggut kilirogo pit nogo mengga kwak Aakumi inoorit nogwe paga inamiya togop aret wambit nage, Eeke logogin o.

Takariya 9:15 ပူးပေါင်းရင်းမြစ်များ

Ayup 41:28

Maale inookaatak kwe, puruk yaga'lek inogogumbuk wonogwe, Yugum anggen keele paga nggelembunuk inookaatak kwe, Wiiri anggen paga ninookwi negen age mbakwi,

Ndawi 78:65

Eeke nagagerik, Aakumi nogo yogo nagaatik, mi'nogo mengga kwak, Inogoba Ala mi'nage, Aap anggur amburu neenok iniki lek agaatak wonagaatik pilak yogo mengga kwak, inogoba Ala pilak ari, Eeke nagagerik,

Wundeegwaarak 27:2

Eeko logomenggaarik, mbuti tembaga paga tapi eyak negen ogobakkigirogo eyo nappuurak unggut 4 nogome nabenogo mippit nanuk, eyo eebe apit tembaga paga nabenogo pit nogo logonet, tapi eyak negen nogo kunduk etenggen ambit kunnaruwak nduk, eeruwak o.

Ndawi Iya 1:4

Togop me, nit mbet-mbet nawok nduk, an kat kambokan woraakit nen, “Omok o,” yo'niru o. Nowe kendagembogut yi wae. An wo'neren kago ogoorak me pani wagandak wonage agarik o. Kat keenok, ninale'nggen nggwok lombok mbakwi, Kat eeke keenok, niniki ale'nggen alik negen kogwe, Anggur amburu noorak ninikilom mbuuluk mbakwi kwe, kat ninoreeluk abuwa nen kiniki kunik eekendak paga kat tiyappagagwi, Eeko ogoorik o. It komologwe kat tiyappagarak ti abu obeelom aret o.

Ndawi Iya 5:1

Niriluk o. Noreeluk o. An neyabu me unggwi nage, Namendek obari abe kaga kuwak eeke logonet, nggami inom kuwak eerogo pege, Nanggiin ta'mbanak inom, nanggiin amburu inom, nengge, Nanggur amburu inom, nayilak amburu inom, nengge, Eekirak o. Togop me, niniri-ninore yi wae. Mbi nunggwi, anggur amburu nunggwi, ee'nip o. Amburu ndonggorogon nenok, inale'nggen aganake menggi kwak, niniki-kiniki kunik logonet, kinoba ndonggo yuwak nduk eerit nogo logonip o.

Ndawi Iya 7:9

Ndi, kambe paga keyak mbannake nogo ti, anggur amburu abe kwak wonage, Eerak logowak o. Anggur amburu nogo ti, lek aga'lek at niniki kunik eeke yi, nogo yege kagak kwe, Ambe paga neyak toguk-toguk mban eeke logogin o.

Yetaya 37:35

At Aliku ALA nen ari logonet, An nendage maluk age, Ndi, nayeloman Ndawut nimbirak wone koonogo pereegirak nogo mbeyok ari, Eerukwak, An nen aret o kota yi, ambi age kero arum wonage, ili ari, Eeke logogin, yegerak o,” yinuk, yoreegerak.

Yetaya 55:1

Aliku ALA nen ari logonet, “It abok aret niyo abu wonogwe ti, woraawak o! Wogo logomenggaarik, niyo yi nawak o. It inawu lek wonogwe ti, wogo logomenggaarik, inambi waganogo nunggwi, Inawu paga onggo pugwi, onggo kunogo nunggwi, eeka'lek we aret anggur amburu inom, tapi elak amburu inom, kologo logomenggaarik, nunggwi, Eeko logowak o.

Ala Unde 4:18

Pit nage logomenggerik, amiya ando waganogo an ninom lambungge minggim nawooliya wurik me nenggaanom paga obari abe kaga kani kunggo menggam eyo owak mippugu irip-irip to eerak agi paga labunogo punuk, amiya ando apit nogo wonok an ninom lambungge minggim nawooliya wurik tu unggwogo menggam abu'me time kilirogo puwak o.

Ala Unde 4:25

Ti eeke kenok, omaluk lek eerogo pikit nduk, aap an neebe unde nogo nen kambin warak amiya nogo eenggi paga ando wonok nake kani kunggo menggam eyo owak mippugu irip-irip to eerak agi paga labunogo punuk, amiya apit nogo waganogo nake warak kani kunggo menggam abu'me time kilirogo puwak o.

Ala Unde 4:7

Pit nage logomenggerik, amiya ando waganogo an ninom lambungge minggim nawooliya wurik me nenggaanom paga obari abe kani kunggo menggam eyo owak mippugu irip-irip to eerak agi paga labunogo punuk, amiya ando apit nogo waganogo an ninom lambungge minggim nawooliya wurik tu unggwogo menggam endekem nggwe nake warogo kani kunggo menggam abu'me time kilirogo puwak o.

Mika 5:8

Kit Iterali kinawim kinom nambuko logonet, tebenogo piigwi, Kinom ogoorak nogo lek eerogo piigwi, Eeppunuk, “Nineegin tiyak yigi o,” yinuk, keekok piyanggogo logomunggup o.

Takariya 10:5

It lambuk togon wim kalu-kalu kwak eerit nogo logonet, Aakumi iniyok tu paga purok amok mbanogo pit nugu mengga kwak, aakumi togop aret eerogo piinet nugwi, Naliku ALA ninom wonage me, It wim eerit nogo logonet, inawim kuda paga kwi'na'nuk nugwi nogo, tebenogo piinet nugwi, Eeko logogun o.

Takariya 10:7

It Eparayim mendek aap wim kalu-kalu kwak ogwe, Anggur amburu nenok, inale'nggen mbakwi kwak, iniki ale'nggen mbakwi, eekwi nogo, Inapuri nen inigen iigo logomenggaarik, it kunduk, inale'nggen mbakwi, At Aliku ALA nen eerogo piigerak ti iya, yinuk, inale'nggen nen ndawi lubuk yogwe, Eeko logogun o.

Takariya 12:6

Kani wurik logonogo punuk, kani wuninogo pogo mengga kwak, gandum owak mippit nanuk, ndi wuninogo enggela'me pogo mengga kwak, ne ti eyom paga an nen it Yekura mendek inoweewi togop aret eerogo piige neenok, it aakumi inaagan-inambokan wonogwe nogo abok aret kani wuninogo piigwi iinok, tigitogon aret nenet nagin kwe, o Yerutalem perak, wonage menggi kwak enaani aret logogin o.

Takariya 12:8

Ne ti eyom paga Naliku ALA nen it Yerutalem wonogwe nogo, inarum wonage logonet, it aakumi inomaawi lek abu ndeyak wonogwe nogo, at Ndawut omaawi wonagagi kwak eerogo piige, ndi, at Ndawut paga wiganak nogo ti, Ala kwak, Aliku ALA ayonggo malayikat inaa'nduk a'nuk, nogo nogogwa kwak, eerogo piige, eerigin o.

Takariya 14:20

Ne ti paga oone lobale eekak kuda paga pugunik nogo paga, Aliku ALA ake leenak o, yinuk, ayo waganogo pugwi, ndi, kuwali-kuwali Aliku ALA awi wurik me wonage nogo ti, togolowak alik leenak ake warogo kani kunggo menggam enaame pugwi kwak, pugwi, eerugun o.

Takariya 14:3

Ti eekwi iinok, Aliku ALA wundi nanuk, wim eekwi iinok eeke menggi kwak, it yi aakumi ndi aakumi ti, inom wim perenggolaagin o.

Takariya 2:9

Togop me, an neenggi omaawi paga it ineebe nggwi eerogo inoorogo piige, inayeloman mini nen inagugun wonok ndi yuwak nduk, eerogo piige, eeke neenok, at Omaawi Lombok Menggerak Aliku ALA nen an abet aret nappani wagaarak ineenu arugun o,” yinuk, ari kagarak o.

Takariya 9:17

Ti aago logogun nogo ti, abu abe kigirikwe lombok me, iya! Gandum nunggwi paga inapuri wologwe mbet-mbet tawe ogwe, Anggur amburu ngget toolak nunggwi paga inapuri komologwe inagabolo piyok togon tawe ogwe, Eerugun o.

1 Korindut 1:18

It aakumi kanggo menggaarak nogo nen Yetut eyo karo-karo paga kambeegerak wone nogo konembunuk, “Yi wi inoone negen agan nugwi o,” yinuk, i'ndok kanggo menggaarak kwe, nit ninagap nda'ninake nogo nen perak, wone ti, waganggwi paga, Ala ninagap nda'ninake me, “Wone ti, Ala omaawi aret kogo o,” yinuk, mbako monggoorak.

Epetut 5:18

Ndi, anggur amburu nonggo logomonggotik, kumili kunit namonggotak paga maluk eekkinaburak me, mbo punuk, Aberiniki mban kiniki me liinik logowak nduk, eeko logonip o.

1 Tamuwen 17:45

Yoge mbareegi, at Ndawut nen aap Pilitin mendek nogo yoge logonet, “Kat an nooriyak nduk, paloowi inom, mbuti wooluwak inom, wolurege inom, li'luk ee'nuk, an nowagam wagandak kwe, an perak, at Aliku Omaawi Lombok Menggerak awuri ineegin warak Iterali inogoba Ala mbelappege menggendak nogo endage paga kowagam wagi o.