Takariya 8:7 - Ala Wone Peenok Peebi Mbanak

⁷ At Omaawi Lombok Menggerak Aliku ALA nen an yo'nege logonet, “An napuri oonegen lagi wage menggim pa'nggwe wonogwe inom, oonegen kilu yi nage menggim pa'nggwe wonogwe inom, an nen inagap ndagaren

Takariya 8:7 ပူးပေါင်းရင်းမြစ်များ

Ndawi 113:3

Oonegen wundi wage menggim nen nok, kilu yi nage menggim abok aret Aliku ALA endage mban tiyanak wonage, Eerak logowak o.

Ndawi 147:2

Aliku ALA nen o Yerutalem obaane'me wurogo pege, It Iterali wogoren mbo piya nagagerak nogo kuwak eerogo piige,

Ndawi 50:1

At Omaawi Lombok Menggerak Aliku Ala oone ari, Oonegen lagi wage menggim nen nok, o kilu yi nage menggim kuli It nggween paga yime menggaarak nogo wiirage,

Yetaya 49:12

Ti eeke neenok, it aakumi o nda o omarip paga pa'nggwe nen, Oonegen kilu yi nage menggim pa'nggwe nen, o Tinim nen, Wogwe iyaamunggun o,” yinuk, yegerak o.

Yetaya 59:19

Aliku ALA ambe aagi wumbegetak paga niyo wu'nuk wage menggi kwak wage kenok, Aakumi oonegen kilu yi nage menggim pa'nggwe wonogwe nen Aliku ALA endage tiyanak nogo wage kenok inagabiti mbakwi, It oonegen lagi wage menggim pa'nggwe wonogwe nen at obaanggi-obaangge li'luk eekko'nok wage kenok, ayuk wukwi, Eerugun o.

Yeremiya 31:8

O omarip paga pa'nggwe nen wogoren wage, O nggween irip-irip time nen kuwak eerogo piya wage, Eerigin abet aret mbako logowak o. Kuwak eerogo piinok, inenggela'me nen it inigen mbuk inom, inendop yilugu inom, kumi inabila inom, kumi elege ndaruwok nduk, yagan wakwi inom, It ineebe apit lambunik nggwok aago wogoren iname iniyokan piya woraagin o.

Yetikiyen 11:17

Neebe aret me, Aliku Itok Menggerak ALA nen wone yegerak nogo yi o, yinuk, yoroorak nogo yi aret o. An nen yi aakumi ndi aakumi wonogwe me nen ambit me lambunogo piige, mak eerogo piyareegim yi awi ndi awi wonogwe me nen kuwak eerogo piige, eeke logominggirik, wogoren inanggween lombok o Iterali unde logowak nduk piya woraagin o.

Yetikiyen 36:33

At Aliku Itok Menggerak ALA nen yegerak nogo yi aret. “It inomaluk inoba lenggenak wonage nogo, lek aruwak nduk, inabin koorogo piige ne ti eyom paga it iname kota-kota logowak nduk, eerogo piige, o langgu-langgu eerak wonage nogo, obaane'me wurogo pege, eerigin me,

Takariya 10:6

It Yekura paga wiganak mendek nogo inomaawi eeppiige, It aap Yutup paga wiganak mendek inagap ndarogo piige, Eerogo piige logominggirik, Inabuwa nen wogoren iniyokan iname piya woraagin o. Piya wage logominggirik, Naliku inogoba Ala an aret a'nuk, wonage logogin o. Ndi, an mbo piyareegirak kwe, mbo piyoolik negen eerogo piyaagin me, It nggino yo'nugwi iinok, inoone konengge logogin o.

Maleyaki 1:11

“Oonegen lagi wage menggim nen nok, kilu yi nage menggim kuli, yi aakumi ndi aakumi inenggela'me abok aret an nendage mondok tiyanak logogin o. Aakumi inanebunu lombok inenggela'me nendage abu tiyanak logogin me, an nendage kumbunuk, yi o ndi o abok aret nake obari abe mendek kani kunggwi, an nake abe pugwi iinok, nale'nggen nen wagangge nogo mendek wo'nugwi, eeko logogun o,” yinuk, at Omaawi Lombok Menggerak Aliku ALA nen aret yegerak o.

Pelaareegerak 30:3

at Aliku kinogoba Ala nen kinabuwa mba'nuk, kit aakumi inenggela'me mak eerogo pinagamenggerak nogo kuwak eerogo wokkiren kiniyokan pinagi wage logomenggerik, aa'nduk wonogogutak togop nogo aret obeelom eerogo pinagagin o.