Takariya 8:4 - Ala Wone Peenok Peebi Mbanak

⁴ At Omaawi Lombok Menggerak Aliku ALA nen an yo'nege logonet, “Aa'nduk aap inanggok inom, kumi inanggok inom, aakelo-kweegelo ogogwaarak me, inalitik-inalitak waanggun luk o Yerutalem tu paga kwi'narit nogo nogogwa kwak, it peebi togop aret eerit nogwe,

Takariya 8:4 ပူးပေါင်းရင်းမြစ်များ

Ayup 42:17

Ndi, Ayup nogo abu anggok lombok age nagagerik, li a'nuk kambeegerak.

Ayup 5:26

Ndi, kat perak, gandum anggen mbanak nogo Mbelaniyak eyom ari wage kenok, Mbelanggo menggam mambogo mengga kwak Kagabolo ki keegak kanggok a'nuk kangge keenok, Piya unggwogo menggam pagi unggugun o.

Wundeegwaarak 21:19

mi'na'nuk, waanggun luk endekem nege kenok, waremenggerak onggo wariyak mage o. Ata, andi logonet, yabu eeke logolik onggo inom, at obeelom eeppugwi iigak onggo wogoroorak nogo inom, ti mban wogoruwak o.

Yeremiya 31:13

Ti eeke eyom paga komologwe tawe inale'nggen nen kwirabik-kwirabok yogwe, Wologwe tawe inom, kumi-aap inanggok inom, inale'nggen nen togop aret lubuk agan nogwe, Eeko logogun o. Iniki puru aago logomenggaarak nogo, obaane'me iniki ale'nggen eerogo piige, Inale yogo logomenggaarak nogo, obaane'me iniki eyak wappiige, inale'nggen eerogo piige, Eerigin o.

Yeremiya 31:24

O Yekura paga, o Yekura kota-kota paga, aakumi ambik wonogwe me, it yabu eeka inom, inandomba wogoren ambime agak nega inom, o time inom wonogo logogun o.

Takariya 2:4

at yoge logonet, “O kota Yerutalem ti, aakumi ineebe inom, inaanggumi inom, ambik lombok wigannarit nogo logogun me, o kota yagat wurik lek we tene wonage logogin o.

Iberani 12:22

Kit yogondak puut alik Tiyon abu'me at eenik menggerak Ala nogo agota Yerutalem mbogut paga nogome aret ka nogogutak negen aret wonogwe o. It yi malayikat ndi malayikat nineenggi lingginiyak meek mondok iya lombok kuwak eerak logonet, inale'nggen paga eekwi ineebe inom,

1 Tamuwen 2:31

at apuri inom, anebunu mendek inom, ambik kenok iya ombakwi nogo, lek eerogo piyoorak eyom abu panggoni wagaarak wonage me, at paga wiganak ambi li a'nuk kanggo logogun mondok lek o.

1 Tamuwen 2:32

An nen aakumi Iterali inanebunu alik mendek obeelom eeppiige at enegen iige logomenggerik, ari logonet, It mban eeppiige yi, Ao, yinuk, iniki wakkolamenggerak kwe, at paga wiganak ambi li a'nuk kanggo logogun lek o.