Takariya 8:3 - Ala Wone Peenok Peebi Mbanak

³ At Aliku ALA nen an yo'nege logonet, “An niyokan o Tiyon wage logominggirik, o kota Yerutalem enggela'me time aret logogin o. Time wonage neegak, o Yerutalem endage ti, Kota Liirogon Eeka o, yogwe, ndi, Nomaawi Lombok Minggirak Naliku ALA nabuut nogo endage, Puut Alik Leenak o, yogwe, eeko logogun o,” yinuk, yo'nege,

Takariya 8:3 ပူးပေါင်းရင်းမြစ်များ

Ndawi 2:6

“At endagembogut logorak leenogo pigirak nogo Nabuut leenak Tiyon nogo paga mippigirak o,” Yinuk, yegerak o.

Ndawi 48:1

Aliku ALA abuut alik leenak menggim ninogoba Ala agota paga wonage nogo, Mondok iya aret me, at tiyappogo logorak ti, op aret o.

Wundeegwaarak 29:45

Eerogo piige logominggirik, an aakumi Iterali inenggela'me wonage, ndi, an nen inogoba Ala aret age, eeke logogin o.

Yetaya 1:21

Kat o kota aa'nduk noone liirogon mugurok nage nagandak kwe, kwe ya wukak pogom agandak yi, nonggop agan o? Aa'nduk a'me nggelok mban eerit nage, Obeelom mban wonage, eeke nagandak kwe, Yogondak nen aap inooka lombok agandak wonage agandik o.

Yetaya 1:26

Inowak loongga nogo maan aa'nduk aakumi inowak loongga wonogogwa kwak inobaane'me mippiige, Aa'nduk inom wone koonggo nogogwa kwak inobaane'me eeppiige, Eerigin o. Ti eeke neenok, aakumi nen, O Yerutalem ti, Obeelom Eeko Menggam o. Ala Wone Liirogon Mugurok Nogo Menggam o, yinuk, kat yokkogo logogun,” yegerak o.

Yetaya 11:9

Niyo laut yenggenak nggween kaga'lek nobarogo pereegi kwak, At Aliku ALA eeke menggerak nogo it nggween paga wonogwe abok aret ineenu arugun me, An nabuut abu alik leenak nogome At ambi nen at ambi maluk eeppegak eekwi, At ambi nen at ambi nibinogo pi nagak eekwi, Eeko logogun lek o.

Yetaya 12:6

Kit o Tiyon monggotak yi wae. At Kikak Nakeelik Alik Leenak kit Iterali kinogoba kinenggela'me wonage ti, mondok iya me, Kiniki ale'nggen nen keekok yogwe, ndawi wakwi, Eeko logonip o,” yinuk, yorogo logomunggup o.

Yetaya 32:16

Ti eeke kenok, karume nggween obeelom aruwam time nen a'me nggelok mban eekwi, Ndi, yabume yarak eyoongga kunik negen aruwam time obeelom mban eerit nugwi, Eeko logogun o.

Yetaya 60:14

It aap tebenogo pugwi inapuri nogo abu'me tebe yi unggwogwe, Ndi, it aap meek eerogo pugwi nogo nen inendobanggun yindumbunuk, iyok paga pirik-perek yogwe, Eeko logonet, Aliku ALA agota o, yinuk, yogwi, At Kikak Nakeelik Alik Leenak Iterali inogoba o Tiyon unde o, yinuk, yogwi, Eeko logogun o.

Yetaya 65:25

Nggeewo owo nogo ndomba aagaluk imbirak lambunna'nuk inambi nunggwi, It singa nogo tapi iri'ngga mbanogo nenet nogo mengga kwak nenet nugwi, Ndi, waalo ti, liirubu aa'ngga aret nenet nogwe, Eeko logogun o. Nabuut alik leenak nogome abok aret at ambi nen at ambi maluk eerogo pege, at ambi nen at ambi warogo pege, Eeko logogun lek o,” yinuk, Aliku ALA nen aret yegerak o.

Yetaya 66:20

It yumbunik nappiyaminggirak ti nen kit kinoreewi abok aret aakumi inanebunu lombok inenggela'me wonogwe nogo kuda paga, nggweendo wim eeka paga, nggweendo paga, keledai paga, unta paga, wogoren iniyokan Naliku ALA nake warogo wo'nogo mengga kwak, nabuut abu alik leenak o Yerutalem nabu'me piya woraagun o,” yinuk, Aliku ALA nen aret yegerak o. “It aakumi Iterali nen tenggap abu leenak nogo paga gandum yigirik nake puurak ndoonogo punuk, wonok Naliku ALA nawi wurik me pi wogo mengga kwak, it togop aret wogoren piya woraagun me,

Yetaya 8:18

An Aliku ALA nen wo'nereegerak napuri ninom yime aret ogoorik o. It Iterali ineenu ogwe, in wakkagak wonogwe, eeko logowok nduk, At Omaawi Lombok Menggerak Aliku ALA o puut Tiyon menggerak nogo nen nappinani wagaarak wonogo ogoorik o.

Yeremiya 14:9

It aakumi iniki kobak a'nuk wonogwe, It aap wim wakaa'ngget kwe, inagap ndaganaburak meek age, Eeko mengga kwak, Kat nonggop nduk togop aret wonage agandik? Kaliku ALA wae. Kat ninenggela'me wonage, Ndi, nit nen kat kendage wiganinuk nogwe, Eeko monggoorak me, Mbo pinaniyak ti mage obak!

Yeremiya 26:18

“At Kitikiya it Yekura inowe endagembogut wonage eyom paga aap o Moreteyet mendek endage Mika nogo nen it Yekura mendek abok aret wone yorage logonet, At Omaawi Lombok Menggerak Aliku ALA nen yegerak nogo yi aret. O Tiyon ti, yabu waganggo mengga kwak eerogo pege, O kota Yerutalem ti, yigirik-noonom eerak logonak logowak nduk, eerogo pege, Ndi, puut paga nawi wurik wonage nogo eyoongga tibinik-wandinik eerogo pege, Eerigin, yegerak o, yinuk, yoragagerak.

Yeremiya 31:23

At Omaawi Lombok Menggerak Aliku Iterali inogoba Ala yegerak nogo yi aret. “It an napuri keele maageren piya nogogwam nen iniyokan wogoren piya wage neenok, it aakumi o Yekura wonogwe inom, o Yekura kota-kota menggaarak inom, nen wone aa'nduk yogo nogogwaarak ambinom yogo logorak nogo yi aret. O obeelom eeko menggam yi wae. Puut alik leenak yi wae. Aliku ALA ale'nggen koba pagage logowak o, yinuk, yogo logogun o.

Yeremiya 33:16

Eeke ti eyom paga it Yekura mendek wondet aago nugwi, It Yerutalem mendek iniki ugun tayenak logonet nugwi, Eeko logogun o. O kota ti, endage, Obeelom Koonak Eeppinanega Aliku ALA aret o, yinuk, yogo logogun, yegerak o.

Yetikiyen 48:35

O kota yendok-wandok irip nggorek wakkogo logonet metet sembilan ribu paga wakkaagun o. Ne ti paga nen o kota ti endage, ALIKU ALA YIME AGAARIK, yogo logogun o,” yinuk, yegerak me, ti aret yagi o.

Ndaniyen 9:16

Ninogoba wae. Nit maluk eekwi paga inom, ninombomini maluk eeko nogogwaarak paga inom, it aakumi ninaagan-ninambokan wonogwe abok aret nen o Yerutalem endage maluk eerogo pugwi, ndi, nit kat apuri meek eerogo pinanugwi, eekwi me, kat obeelom eeppiinet nage menggendak nogo ndak-ndak kagota kabuut alik leenak menggerak o Yerutalem nogo kiniki aagi eeppege, kanini oba kwippege, eeke nogo mbo punuk, kena koonogo pe'niige logot o.

Yowen 3:17

Aliku ALA nen ari logonet, Togop eeke neenok, it nen Naliku inogoba Ala an nogo, nabuut alik leenak Tiyon paga minggirak ineenu arugun o. Ndi, Yerutalem ti, o abu alik leenak lombok arigin me, It aakumi inambik nen o time ambinom tebenggola wogo logogun mondok lek aret o.

Yowen 3:21

Ndi, it nen maluk eeppiigo nogogwaarak an onggo eeppiiga'lek nogo, ti eyom paga eeppiige logogin o, yinuk, yegerak me, yokkiragi o. Aliku ALA ti, o Tiyon mondok-mondok logogin o, yinuk, wone yoragagerak ti aret.

Mika 4:1

O age yobok paga Aliku ALA awi puut paga wurik wonage nogo, Yi puut ndi puut tiyarogon wonogwe ti, tebenak kagak, puut ti mban tiyanak wonage, Puut-puut mbuulogwe teberogon wonage nogo enggela'me puut ti mban tiyak ari, Eerigin o, yinuk, koonogo pigin me, Yi aakumi ndi aakumi puut ti paga niyo nage mban menggi kwak togop aret unggwi wogo logogun o.

Tepaniya 3:13

It aakumi Iterali mendek eegu yumbunik wonogwe nogo nen maluk eekwi, Inoone pilit pugunggwi, Wone mbanggo logonet, inoone pilit ambi pugunogo yorogwe, Eeko logogun lek aret o. Ndomba iri'ngga nenok, iniki ugun nogo yege menggi kwak, it togop aret eerogo piyaagin me, Aakumi ambi nen mbaaninako logogun lek aret,” yegerak me, yokkiragi o.

Takariya 1:16

Togop aret me, Aliku ALA nen yegerak nogo yi aret. An nen o Yerutalem ne ambinom nena koonogo pegiige logonet, inabuwa mbake, an nawi obaane'me time wuruwak nduk, eeppiige, ndi, keele wakkagak paga o Yerutalem ngginogo nappege, eerigin o, yinuk, at Omaawi Lombok Menggerak Aliku ALA nen aret yegerak yoret o.

Takariya 12:6

Kani wurik logonogo punuk, kani wuninogo pogo mengga kwak, gandum owak mippit nanuk, ndi wuninogo enggela'me pogo mengga kwak, ne ti eyom paga an nen it Yekura mendek inoweewi togop aret eerogo piige neenok, it aakumi inaagan-inambokan wonogwe nogo abok aret kani wuninogo piigwi iinok, tigitogon aret nenet nagin kwe, o Yerutalem perak, wonage menggi kwak enaani aret logogin o.

Takariya 14:10

O Nggeba nen nok, kota Yerutalem ambokan o ame pa'nggwe kota Irimon kuli nggween ti abok aret, o Araba-Yoraran kobak nabunogo pereegi kwak eerogo pigin kwe, o kota Yerutalem perak, tu unggwogo menggam endage, Mbeniyamin, kuli nen nok, tu unggwogo menggam endage, Aa'nduk, kuli nen nok, tu unggwogo menggam, Unggu'me, kuli nen nok, o nggorek wurik Kananen kuli nen nok, aap endagembogut ake anggur aambiranggo menggam kuli, tiyarogon menggerak ndak-ndak aret eerogo pigin o.

Takariya 8:16

Togop aret me, it eeko logorak nogo yi aret. It-it wone pilit lek abet mendek mban yogwe, inowak loonggo menggam inowak loonggo logonet, eekaatak a'me nggelok mban eeppiigwi, Wone ti abu liirogon yaga o, yinuk, yuwak nduk, eeppiigwi, eeko logowak o.

Takariya 8:19

At Omaawi Lombok Menggerak Aliku ALA nen an yo'nege logonet, “Tut kenagan penembunuk, ambi penenak paga, tut 4 penembunuk ambi penenak paga, tut 6 penembunuk, ambi penenak paga, tut 9 penembunuk, ambi penenak paga, mbi nengga'lek inambe mage negen logonet, it Yekura mendek eekwi nogo ti, inale'nggen mbakwi, inale'nggen nen lubuk yogwe, inale'nggen nen laago nggwok lakwi, eeko logogun me, pilit yaga'lek abet mban yuurak iniki kunik eekkologwe, iniki ambit lambunik logorak inikilom mbakwi, eeko logowak,” yo'nege,

Yaya 1:14

At Wone nogo, aap aret age nagagerik, ninom aret wonagagerak. Ninom logonet, oona ngginik kagak, iniki kunik nen eeppinanege, Ala ndogop menggerak o, yinuk, liirogon yo'nirage, eeke kogo logonet, at Ala aput ambolom ndarak me, ogoba nen tiyappereegerak mondok tiyanak aret kogogurak o.

Yaya 14:23

Yoge mbareegi, at Yetut nen, “Aap ambit ambi iniki kunik ee'nake kenok, an noone liirogon aret eeke logogin o. Ti eeke kenok, an nogoba nen at iniki kunik eerigin o. Ndi, an nogoba nimbirak at ka wogo logomonggoorik, ninom aret logogun o.

Kolote 2:9

At Ala eebe itok li'luk aago menggerak nogo abok aret, Keritut oba lenggenak logonet, aakumi aret nda'nage nagagerik, nege nagagerak.

Wayu 21:10

Yo'nege nagaarik, Aberiniki ninikime lik ari mbaki, neebe wo'neren puut nggwok tiyarogon nogo paga pani lagangge nagaarik, o kota abu alik leenak Yerutalem ngget ogobakkigirik Ala wonage me mbogut paga nen wambi wage, “Ti ket o,” yinuk, yo'negerak.

Wayu 21:27

Ndi, it maluk inikime porogo wonogwe, maluk peyak wurik kagak ugun eerit nugwi, pilit pugunggwi, eeko menggaarak nogo kenok perak, unggwi nogwe iyoolik o. Ata, it aakumi ineenik mondok-mondok aganaburak inendage mbuku paga liiru mbanak Ndomba Aagaluk porogo wonage kenok mban unggwi nogwe iigirak o.

Wayu 21:3

Wambi wage mbaki, wone lengganogo yorage menggim time nen oone nggwok ambi ari logonet, “Ala at apuri inenggela'me logowam nogome logokit nduk, eebe wambi wage ti, kaanip o. At eebe nogo apuri inom logonet, it nen, Kat ninogoba Ala aret o, yinuk, yogwi, ndi, at nen, Kit an napuri aret o, yinuk, yorage, eeko logogun o.