Takariya 8:19 - Ala Wone Peenok Peebi Mbanak

¹⁹ At Omaawi Lombok Menggerak Aliku ALA nen an yo'nege logonet, “Tut kenagan penembunuk, ambi penenak paga, tut 4 penembunuk ambi penenak paga, tut 6 penembunuk, ambi penenak paga, tut 9 penembunuk, ambi penenak paga, mbi nengga'lek inambe mage negen logonet, it Yekura mendek eekwi nogo ti, inale'nggen mbakwi, inale'nggen nen lubuk yogwe, inale'nggen nen laago nggwok lakwi, eeko logogun me, pilit yaga'lek abet mban yuurak iniki kunik eekkologwe, iniki ambit lambunik logorak inikilom mbakwi, eeko logowak,” yo'nege,

Takariya 8:19 ပူးပေါင်းရင်းမြစ်များ

2 Endagembogut 25:1

Ti'nuk, aap Terekiya nen, “Aap Mbaben inowe endagembogut wone lengganogo yo'nirage logorak neebi,” mbareegerak. Mbake nagagerik, aap Yekura inowe endagembogut a'nuk wone lengganogo yorage kagak, tahun 8 eeppunuk, ambi eeke tut 10 penenak tanggal 10 paga at aap Mbaben inowe endagembogut Nebukanetat apuri ineegin warak abok aret o Yerutalem tebenggolaawok nduk, wogogwaarak. Wogo nogogwaarik, o kota endekenggwe time inawooliya wuppatinuk, o pak wurik obaga mbo ungguwok nduk, nda'nggi pit nogwe, nggween pit laganggwi, eeko nogogwaarik,

2 Endagembogut 25:25

Togop aret yoragagerak kwe, tut 6 penembunuk, ambi penenak ti paga aap endagembogut ombowologwe paga wiganak aap Netaniya aput Itamayen nogo, aap ineebe 10 inom wogo nogogwaarik, aap Nggeraliya inom, it aap o Mitapa inom wonagagerak Yekura mendek inom, it Mbaben mendek inom, inoorogo piyareegwaarak.

Etet 8:17

Wone lengganak liiru mbanak nogo yi o ndi o inom, yi kota ndi kota inom, aap endagembogut abu'me piige menggim abok aret mippit nogwe iinok, it aakumi Yakuri mendek iniki ale'nggen kani negen wunuk ari logonet, laago nggwok lako mbareegwa, it aakumi inanebunu alik mendek time wonogwe nogo apit aret aakumi Yakuri inayuk nen, “Nit kit mendek aruwi o,” yinuk, inom ogogwaarak.

Ndawi 30:11

Kat nen nale mbanogo paninuk Nale'nggen nen ndawi lubuk yikit nduk eerogo panege, Nayum nibinik maluk mendek yirik nogo nggoorogo paninuk, Nale'nggen mbarikit nduk, yum abe kwak yippanege, Eekendak me,

Ndawi 34:15

Aap iniki abe koonak menggaarak nogo Aliku ALA enegen wogoren nege, Iniki puru yogo logonet yogwi iinok, at aruk liirogon konengge, Eeke menggerak kwe,

Yetaya 12:1

Ne ti eyom paga kit nen yogo logonet, “Kaliku ALA wae. Aa'nduk kanini abet aret ninoba pinanege nagagindak kwe, yogondak nen kanini lek age, Niniki eyak wappinanege, Eeke me, Wa, lombok yokkogo ogoorik o.

Yetaya 35:10

It aap Aliku ALA nen wondet eerogo piyamenggerak nogo iname o Tiyon tu ti paga unggwi wogwe, Eeko logogun o. Unggwi wogo logonet, inale'nggen nen keekok piyanggogwe, Iniki ale'nggen mondok logorak mendek inikime nggelok ari logonet, inete yanggu aago wonogwe, Eeko logogun o. Iniki puru yogwe, iniki wakkologwe, eekwi nogo mondok lek age kagak Obaane'me inale'nggen alik negen aganake, Iniki kani moonuk negen nggelok ari, Eeke logogin o.

Yetaya 51:11

Kaliku ALA nen aakumi wondet eerogo piyareegindak mendek nogo iniyokan wogwe, O Tiyon unggwogo logonet, ndawi warit unggwogwe, Inale'nggen mondok kogo logorak mendek nen inete i'ndok nggi agan unggwogwe, Inale'nggen nggelok ari logonet, keekok agan unggwogwe, Eerugun me, Iniki puru ari, iniki aaninggin ndugu aago wonogwe, Eeko nagaarak nogo Lek aret arigin o.

Yeremiya 36:6

inambe mage negen eeppunuk wonogwe ne ti paga, Aliku ALA awi wurik me unggwi nage logomenggendik, wone an yokkege neegak mbuku pirik-perek aago paga liiru mbanogo pegendak nogo, aakumi kuwak aago wonogwe ti, inenggaanom paga lungge, it aakumi Yekura mendek inawi kota-kota nen wogwe kunduk, it abok inenggaanom paga lungge, eerumunggun o.

Yeremiya 39:2

aap Terekiya endagembogut wonage kagak tahun 10 eeppunuk, ambi eeke tut 4 penenak tanggal 9 paga o Yerutalem yugum pak wurik langgunogo pereegwaarak.

Yeremiya 52:4

Mbo pege nagagerik, aap Yekura inowe endagembogut a'nuk wone lengganogo yorage kagak, tahun 8 eeppunuk, ambi eeke tut 9 penembunuk ambi penenak tanggal 10 tut ti paga at aap Mbaben inowe endagembogut Nebukanetat apuri ineegin warak abok aret o Yerutalem tebenggolaawok nduk, wogogwaarak. Wogo nogogwaarik, o kota endekenggwe time inawooliya wuppatinuk, o pak wurik obaga mbo ungguwok nduk, nda'nggi pit nogwe, nggween pit laganggwi, eeko nogogwaarik,

Yetikiyen 18:8

At awu porogo wonogwe nogo onggo wu ambik nabenggolage, Ambinom wo'niru o, yinuk, yorage, eekeelik o. Aakumi maluk eeppiiga'lek eenggi awiirak wonage, Aakumi inowak loongge logonet, inetenggen lombongga'lek onggo liirogon aret eeppiige,

Yetikiyen 24:1

Wo'niren pinani wogogwaarak wonogwe niigak, tahun 8 eeppunuk, ambi eerak tut 9 penembunuk, ambi penenak tanggal 10 tut ti paga Aliku ALA nen an yo'nege logonet,

Takariya 7:5

“Aakumi o time menggaarak abok aret inom, it aap an neebe unde inom, yorage logonet, Tahun 70 eeke kagak, tut 4 penembunuk, ambi penenak paga inom, ti'nuk, tut 6 penembunuk ambi penenak paga inom, mbi nengga'lek inambe mage negen logonet, iniki wakkologo nogogwaarak nogo ti, At abet aret nit liippinanuwak, mba'nuk, mbi nengga'lek inambe mage negen logonet, iniki wakkologo nogogwaarak ilik, lek a?

Takariya 8:16

Togop aret me, it eeko logorak nogo yi aret. It-it wone pilit lek abet mendek mban yogwe, inowak loonggo menggam inowak loonggo logonet, eekaatak a'me nggelok mban eeppiigwi, Wone ti abu liirogon yaga o, yinuk, yuwak nduk, eeppiigwi, eeko logowak o.

Takariya 8:18

At Omaawi Lombok Menggerak Aliku ALA nen wone ambinom an yo'nereegerak.

Takariya 8:3

At Aliku ALA nen an yo'nege logonet, “An niyokan o Tiyon wage logominggirik, o kota Yerutalem enggela'me time aret logogin o. Time wonage neegak, o Yerutalem endage ti, Kota Liirogon Eeka o, yogwe, ndi, Nomaawi Lombok Minggirak Naliku ALA nabuut nogo endage, Puut Alik Leenak o, yogwe, eeko logogun o,” yinuk, yo'nege,

Wayu 22:15

it nggeewo pogom eeko menggaarak inom, magagirak iyagalo inom, yawukak mbabilu inom, aap inooka inom, kugi eeka inom, ndi, yi aap ndi aap pilit puguniyak inikilom mbako logonet, pilit-pilit pugungga inom, it perak, o kota time unggwi naga'lek yagat endekem logogun o.