Takariya 8:17 - Ala Wone Peenok Peebi Mbanak

¹⁷ At ambi nen oreeluk ambi maluk eerogo puurak koonggwi, pilit kagak, Abet aret o, yinuk, kumbuk mbaniyak inikilom mbakwi, eekwi ti, abok aret an neebi lombok mbake me, eerugwaarik o,” yinuk, Aliku ALA nen aret yo'nege, eereegerak.

Takariya 8:17 ပူးပေါင်းရင်းမြစ်များ

Ndawi 10:3

“Niniki nengge nogo aret eerit nogo ogoorik o,” yinuk, wogoppakwi, It aap yi mendek ndi mendek mban kolaawok, mbarit nugwi nogo inendage tiyappiigwi, At Aliku ALA endage meek eerogo pugwi,

Ndawi 101:3

An neegak maluk eeriyak ti, “Mage o,” yorage, Eeke logogin o. It aap an noone liippuurak ineebi mbakwi nen Eerit nugwi nogo an neebi inombake, It an ninom kunik logorak lek aret inombake, Eeke logogin o.

Kini Wuppiige 3:29

Aap kore ambi nen, “At op aret nimbirak wonage,” kombake kagak, maluk eeppuurak koonogo pege,

Kini Wuppiige 6:14

Pilit wone mban inikime yagabit eerak wonage me, maluk eeriyak mban koonit nugwi, Wone waruwak nduk, inikime mambiinet nugwi, Eeko menggaarak o.

Kini Wuppiige 8:13

Aliku ALA inagabiti mbakwi ti, “Maluk nineebi o,” mbakwi ti aret. Iniki wogoppakwi, Nit iya, mbakwi, Ineraambe maluk lombok eerit nogwe, Inambokan laganuwak nduk agan nugwi, Eekwi ti, An neebi lombok mbake minggirak o.

Yeremiya 4:14

Kat Yerutalem yi wae. Maluk eeriyak kinikime koonit nage keegak, ne mande ari nagin o. Kagap ndaruwak nduk, komaluk kinikime wonage nogo abu nggarenogo mbo pege logot o.

Yeremiya 4:2

Ndi, Nit a'me nggelok mban eeppiinet nugwi, Obeelom mban eerit nugwi, Pilit lek abet aret eeko logogun o, yinuk, Neenik Minggirak Naliku ALA nendage kunogo kumbuk mbanggwi, Eekwi iinok, It aakumi inanebunu lombok nen, It eekwi ti, nit togop aret eeko logowok o, yinuk, Nale'nggen-kale'nggen yogo logonet, nendage tiyappanogo logogun o,” yinuk, yegerak me yokkiragi o.

Yeremiya 44:4

Ogole warak mendek eekwi an neebi lombok mbake minggirak nogo, Mbo pinip o, yoraawak nduk, nayeloman mini an yorage neegak yoraga kulinik-kalinik nappiigak mban eeke nagagirak kwe,

Abakuk 1:13

Kat kikak nakeelik abu obeelom wonage me, maluk eekwi kenegen kage, It aakumi maluk eekwi iinok, puk wonage, Eeriyak meek me, It aakumi inoone amburu agan nogo logonet, maluk eekwi nogo nonggop nduk, mbo piige, Ndi, it aap maluk eeka mendek nen maluk eerit nogo logonet, It aap iniki abe koonak nogo inambeme yonggorinakwi iigak, nonggop nduk koone lek puk wonage, Eeke menggendak?

Takariya 7:10

Kumi nanu inom, elege moono inom, aakumi nggiru inom, ineenggi lek inom, tebenogo piigwi, it mban-mban at ambi maluk eeppegak eeriyak koonogo pugwi, eerugwaarik, yegerak me, yokkiragi o,” yinuk, yoragagirak o.

Takariya 8:18

At Omaawi Lombok Menggerak Aliku ALA nen wone ambinom an yo'nereegerak.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Matiyut 12:35

Aap obeelom mendek nogo ti, inikime obeelom mendek yugu paga obeelom aret eeke menggerak. Ndi, aap maluk mendek nogo ti, inikime maluk mendek yugu paga maluk aret eeke menggerak.

Matiyut 15:19

Kinikime maluk eeriyak koonggwi inom, aap wakwi inom, kumi kundugume wurinakwi inom, komologwe tawe wurinakwi inom, yogoot waganggwi inom, pilit wone inoba piigwi inom, miyuk-meya eerogo piigwi inom, nogo ti, kinikime nen aret wungge menggerak me,

Matiyut 5:28

an nen perak, Yi aap ndi aap kumi inigen pegiigo nagaatik, iniki nengge kenok ti, muk inikime nen wukaarak aret, yokkiragi o.