Takariya 8:12 - Ala Wone Peenok Peebi Mbanak

¹² “Anggen yaremenggaarak nogo abe lagangge, eyo anggur nogo anggen abe yege, inanggween amburu eerogo pemenggerak paga anggen abe mbanggologwe, mbogut paga nen mayu wuppi wage, eeruwak nduk, eeppiyaagin o. Yi mendek ndi mendek abok aret ti, an napuri eegu yumbunik yi, ineyate kwak unde logowak nduk, eeppiyaagin o.

Takariya 8:12 ပူးပေါင်းရင်းမြစ်များ

Wakkagagerak 26:12

Ndi, at Itak nogo it inom nogome aret wonage logonet, yi mendek ndi mendek yarit nage logonet, “Ero ambit nen anggen ambiret mbanggolaagin,” mba'nuk, yareegerak kwe, at Aliku ALA ale'nggen oba pege me, ero ambit paga anggen ambik 100 negen aret yege me,

Wakkagagerak 27:28

Kogoba Ala nen miin anggen mbogut paga nen wokkege, O nggween mili lubuk eerogo pagage, Kombato inom, anggur amburu inom, Alik negen kalo logonogo wokkege, Eerigin o.

1 Endagembogut 17:1

Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak

Ndawi 72:3

Ti eeke kenok, puut-puut tiyanak paga Yi mendek ndi mendek wonage mban me, Kologo logonet, iniki ugun tayenak wonogwe, It puut-puut teberogon paga wonogwe nogo nen Abe koonak mban eerit nogwe, Eeko logogun o.

Ndawi 85:12

Aliku ALA nen obeelom eerogo pinanigin me, Nit ninanggween paga anggen obeelom mban yi'nage logogin o.

Kini Wuppiige 19:12

Aap endagembogut anini wungge ti, singa anini nen oone kole ari menggi kwak aret kwe, Ale'nggen mbake nogo perak, konaananggen iri'ngga oba luurogo pege menggi kwak aret menggerak.

Yetaya 30:23

At nen kineyabume yi mendek ndi mendek awi yarumonggotak mbilanuwak nduk, mayu nappi woramenggerak paga kinambi ambik abe aret nunggo logomunggup o. Ne ti eyom paga kinaanggumi nggween nggwok wiganak paga inagari'ngga abe nenet nugwi,

Yetaya 61:7

Kit kinenggali mbakak nugu nogotak obaane'me ne mbere wogorogo mengga kwak kit an napuri wokkirage, Kinendage maluk agaarak obaane'me eyate wokkiramenggerak paga kinale'nggen age, Eerigin o. Kinanggween paga wonogwe kiigak eyate ne mbere kwak wokkiraagin me, kinale'nggen mondok-mondok eekkinake logogin o.

Yeremiya 31:12

Wogo logomenggaarik, puut Tiyon paga ari wa'nuk, inale'nggen nen keekok yogwe, Naliku ALA an nen obeelom eeppiige logonet, Gandum inom, anggur amburu ngget toolak inom, tayitun amburu inom, kambin-ndomba inaagalogwe inom, lembu-tapi inaagalogwe inom, Yi mendek ndi mendek abok aret mondok nggwik togon wogoraminggirak paga Iniki ale'nggen nen i'ndok nggi yogwe wonogwe, Eeko logogun o. Ineebe logorak nogo ti, kom yarak me niyo mbininogo mambi wagaatak me, abe kwit agan lagangge menggi kwak aret logogun me, Le yogo nogogwa kwak ambinom yogo logogun lek o.

Yetikiyen 34:28

Ti eeke neenok, yi aakumi ndi aakumi nen inooko logonet, kugun wogoren nogwe, mba'ngge inanini warak mendek nen ineebe nibinogo nunggwi, eeka'lek iniki ugun tayenak obeelom aret wonogwe me, it aakumi ambi nen iniki ma'naruwak nduk, eerogo piyaagun lek o.

Yetikiyen 36:12

It aakumi an napuri Iterali ti, puut-puut ti paga nugwi-wugwi, at paga unde eeppatinuk wonogwe, it ineyate kwak aret age, eeruwak nduk, eerogo pigin me, at paga logonet, nda'naremenggaarak nogo, at puut-puut nen ambinom lek eerogo piige logogin lek aret, yegerak me, yokkiragi.

Yetikiyen 36:30

Mbi noogelo nen mbaganit namenggaarak yi aakumi ndi aakumi inenggela'me wonogwe iinok, inenggali wappiigo nogogwaarak nogo, ambinom wappiigo logokwak, an nen yi eyo ndi eyo yarak inom, yi mendek ndi mendek ineyabume yarak inom, anggen ambik yi'naruwak nduk, eerogo pigin o.

Yetikiyen 36:9

Iterali wonogo menggam puut-puut ti paga niniki eya eerogo panege paga nale'nggen oba pege neenok, ineyabu ti paga eekkologwe, yi awi ndi awi yarit nogwe, eerugun o.

Oteya 13:3

Togop aret me, o wege paga tit nake nagaatik, lek age, Oonikiya konaananggen luurogo pege nagaatik, kubondendok lek age, Yi mendek ndi mendek menenggwi iigak, o wiya nen ameneno kabe'nuk nggarek ari, Kani kunggaatak ka'luk yarugu-parugu lagangge, Eeke menggi kwak, It togop aret arugun o.

Oteya 14:5

Aliku ALA nen ari logonet, “It Iterali nanini inoba piyoorak mbakirak nogo, muk lek agaarak me, An mbo paninuk, nomo agan nugu nogogwaarak nogo, an nen iniyokan wogoren piya wage, Inabuwa lombok mbarit unggwage, Eerigin o.

Yowen 2:19

Mbake logomenggerik, at Aliku ALA nen wone onggo yorage logonet, Yogondak an nen gandum inom, anggur amburu ngget toolak inom, eyo tayitun amburu inom, Wokkiraminggirak nunggwi paga ndonggoppinagage kaamunggup o. Kit nen yi aakumi ndi aakumi inenggela'me nugwi kiinok, It aap maluk mendek nugwi yi o, yinuk, ambinom yokkirogo logowak nduk eerogo pinagagin lek o.

Yowen 2:22

Kit ndiimbu-nggwiya yi wae. Iri'ngga mbanogo nenet nogo monggo'nom mili lagangge, Yi eyo ndi eyo anggen yit nage, Eyo wuli inom, eyo anggur inom, kineenggi warak logorak anggen luurogo yege, Eerigin me, Kinagabiti mbarugup o.

Ala Unde 26:3

It nen an wone lengganogo yorage nogo mugurok nogwe, ndi, wone, Yogop ee'nu ndogop ee'nu, yorage nogo liirogon eerit nogwe, eekwi iinok,

Tepaniya 3:13

It aakumi Iterali mendek eegu yumbunik wonogwe nogo nen maluk eekwi, Inoone pilit pugunggwi, Wone mbanggo logonet, inoone pilit ambi pugunogo yorogwe, Eeko logogun lek aret o. Ndomba iri'ngga nenok, iniki ugun nogo yege menggi kwak, it togop aret eerogo piyaagin me, Aakumi ambi nen mbaaninako logogun lek aret,” yegerak me, yokkiragi o.

Agayi 1:10

It eekwi paga mbogut paga nen mayu amburu wuppi waga'lek wonage, ndi, nggween amburu nen yi mendek ndi mendek anggen kole eerogo pega'lek wonage, eeke agaarik o.

Agayi 2:18

Aliku ALA awi wuriyak ogowa ne yogondak yi aret pogo o, yinuk, tut 9 penenak tanggal 24 ne yogondak yi kuli nen nok, eerit noorak nogo iniki liippit nogo logowak o.

Agayi 2:19

O aa'nduk nen nok, yogondak kuli eyo anggur anggen inom, eyo wuli anggen inom, eyo delima anggen inom, eyo tayitun anggen inom, yega'lek aret wonage me, yariyak anggen awi pugu ambi wonage ilik, lek a? Liippuwak o. Wonage lek aret kwe, o yogondak yi kuli nen an nale'nggen inoba piige logonet, wogorage logogin, yegerak me, yokkiragi o,” yinuk, yoragagerak.

Takariya 8:6

At Omaawi Lombok Menggerak Aliku ALA nen an yo'nege logonet, “Ti eeppiyoorak nogo ti, it aakumi ando yumbunik nogo nen, Iya eeriyak mendek ti abet aret eekwi iyaamun, ilik, lek a? mbaremenggaarak kwe, it nen eeriyak iya mbakwi ti, an eeriyak iya mbakeelik o,” yinuk, at Omaawi Lombok Menggerak Aliku ALA nen aret yo'nege,

Maleyaki 3:11

Ti eekwi iinok, inambi yarak waalo pune nen nenet nugwi, inageyo anggur awi yarak anggen yugu mono-mono wangge, eeke kero, an arum wonage logogin o,” yinuk, at Omaawi Lombok Menggerak Aliku ALA nen aret yegerak o.

Matiyut 6:33

Kit aa'nduk kinogoba abu'me pinagarak, Ao, mbakwi, ndi, at obeelom lombok eeke logorak mbake nogo, kit ndak-ndak eeko logorak miikwi, eeko logonip o. Togop eekwi kiinok, kit nen, Ti mendek lek me, uugwe mbakwi nogo inom abok aret oba lunogo wokkirage kaamunggup o.

1 Korindut 3:21

ti kenok, it aakumi iniki nen mban koombunuk, eerit nugwi nogo wogoppiyaagup o. An Pawulut inom, at Apolot inom, Kepat inom, yi mendek ndi mendek Ala nen wakkagagerak inom, nineenik wonogwe inom, kanggwi inom, yogondak wonage inom, peebi logorak nogo inom, yi mendek ndi mendek abok tigitogon ti, kit unde aret o.

Pelaareegerak 32:2

An wone mamunirage yi, o mayu wangge menggi kwak age, Noone ari yi, miinanggen iri'ngga paga luurik pogom age, Iri'ngga anggup awo larak paga o mayu wangge kwak, age, Yi mendek ndi mendek yarak paga o mayu lubu-lubu wangge kwak, age, Eeruwak o.

Pelaareegerak 33:13

It inanebunu Yutup mendek nen eeko logorak wone yoge logonet, “Kaliku ALA nen it inanggween obeelom eeppiige logonet, Abe mendek mayu mbogut paga wonage nogo wuppi wage, Niyo nggween abu'na yenggenak wonage nogo nen amburu nigabit wage,

Pelaareegerak 33:28

Togop eerigin me, Kit Iterali mendek kiniki tayenak obeelom mban wonogwe, Mbogut paga nen yi amburu ndik-ndik agago wuppit wage me, Gandum inom, anggur amburu ngget toolak inom, Ambik wonage menggim time ari nanuk wonogwe me, Niyo eneeri wungge menggi kwak, Yakup ombowologwe time nu'lek obeelom aret wonogo logonet, Wiganggo logogun o.

Yakobut 3:18

It aakumi iniki lambumbiinet nega nogo nen awi anggen yako mengga kwak, aakumi iniki lambunik logowak nduk eeppiinet nugu nagaatik, ti'nuk, anggen kole age kenok, mbanggologo mengga kwak, aakumi obeelom mban eerit nugwi paga iniki ugun tayenak ale'nggen paga wonogwe iigo menggaarak o.