Takariya 7:14 - Ala Wone Peenok Peebi Mbanak

¹⁴ O wiya nombok-kombok warit wage logonet, yi mendek ndi mendek wonok mappege menggi kwak, it ineebe togop aret yi aakumi ndi aakumi inambik inenggela'me mappiyareegirak. Mappiige mbareegi, it wonogo menggam inanggween paga time o wogo eerogo pereegwaarak me, aakumi ambiriluk ambi yinggwi-unggwogwe eeka'lek aret agaarik o. O abe aret kwe, o wogo aret eerogo pereegwaarak nogo ti aret o,” yinuk, an yo'nereegerak.

Takariya 7:14 ပူးပေါင်းရင်းမြစ်များ

2 Mbinineegwaarak 36:21

At Aliku ALA nen Yeremiya yoge logonet, “Inanggween paga yitarip eerogo pemenggaarak wonage kagak tahun 70 eerigin o,” yinuk, yoreegerak nogo a'me nggelok yi nage kagak, inanggween ti, yaka'lek mbo pugu negen wonagagerak me, lubungge logowak nduk, tahun 6 eeppunuk, ambi eeke paga yi mendek ndi mendek yaka'lek teppuurak yugu nogo ndak-ndak aret agagerak.

Ndawi 58:9

Kani alok mendek kumbunuk, Togolowak kwippegaatak awo aganggen aga'lek kagak Abera'lek me o wiya nen kani ki inom, mbuk inom, kunik nogo Iyaarak-mbiyaarak eerogo nappege menggi kwak It aap maluk eekaarak inom, eeriyak koonggwi inom, Togop aret eerugun o.

Yetaya 17:13

Yi wurik oone pu nage menggi kwak, Yi aakumi ndi aakumi togop agan nugwi kwe, Ameneno puut paga wonage o wiya nen wonok nage menggi kwak, O wiya omaawi nombok-kombok wage logonet, wola yugu wonok nage menggi kwak, Ala nen it mbaarage kenok, kole o nda time mbaganugun o.

Yetaya 21:1

Niyo Laut Aa'nggi Paga O Karume ariyak abinggaanggo paga Ala nen yoreegerak nogo yi aret. O ame pa'nggwe nen wiya nombok-kombok warit wage menggi kwak, O inamineeri nage menggim karume nogome nen aap ambi awuri inom aago wogo agaarik o.

Yetaya 60:15

It aakumi nen, Kogole o, yinuk, at mbo punuk mbaganggwi, Tu at wonage ti paga naga'lek alik paga nogwe, Eeko nogogwaarak kwe, Yogondak perak, ale'nggen mondok-mondok kage logowak nduk eerogo pege, It aa'nduk ndarak nen at paga inale'nggen mbako nogogwaarak me, yogondak nda'narit wundi nagun kenok, at paga inale'nggen ombako logowak nduk eeppiige, Eerigin o.

Yetaya 66:15

Aliku ALA kani wunuk ari enggela'me wage, O wiya nabuninuk wage menggi kwak at anggweendo paga wage, Eerigin, mbako logonip o. Anini inoba piinet nage logonet, mondok wuk togon aret inoba piinet nage, Ndi, mberirenet nage logonet, kani wunuk agan nage menggi kwak agan nage, Eeke logogin o.

Yeremiya 12:10

Ndomba ndegeninaka kwak it aakumi ndegeninakwi nen neyabu anggur yarak nogo maluk eerogo pugwi, Neyabu yarak iniyok paga aambiranogo pugwi, Eeko logonet, Neyabu yarak abu obeelom niniki ale'nggen mbake nogo o kugume aakumi wonogolik pogom eerogo pegaarak o.

Yeremiya 23:19

O wiya anini ambik nombok-kombok eerit wage menggi kwak, Naliku ALA nanini togop aret kilak togon it aap maluk eeka inoba kwippiige neyaagun o.

Yeremiya 30:23

O wiya nabuk togon wage menggi kwak, Aliku ALA anini mi'nage, Ndi, o wiya nombok-kombok warit wage menggi kwak, it aap maluk eeka nogo anini inoba kwippiinet wage, Eeke kaamunggup o.

Yeremiya 36:19

Yorage mbareegi, it aap inengga warak nogo nen at Mbaruk yogwi, “Kat Yeremiya kimbirak mbet kumaa'nari nanip o. Ndi, kumaarak wonogo logonet, Nit yime ogoorik o, yinuk, aakumi yoroorak abu mage o,” yinuk, yoreegwaarak.

Yeremiya 44:6

an nanini kani kunik negen mi'nage logonet, o Yekura kota-kota inom, o Yerutalem tu paga tu paga inom, nanini kilirogo wuppit wagagirak paga o ti, aakumi wonogwe lek nggween mbuk eerogo pereegirak yogondak inigen kogwe ti aret o,” yinuk, yegerak o.

Yeremiya 5:15

Aliku ALA nen ari logonet, “It Iterali paga wiganak ti, aakumi ambi inoone ineenggo'lek me, yogwe liippugulik wonogwe, O aa'nduk nen nok yogondak kuli inendage lek ageelik mondok ki wonage, Eeke menggerak nogo O nda nen tebenogo piya woraawak nduk, nappiya woraagin o.

Yeremiya 52:30

Ndi, endagembogut logonet, wone lengganogo yorage kagak tahun 22 eeppunuk, ambi age paga aap endagembogut eebe wonok nega inowe Nebutararan nen it Yakuri mendek ineebe tujuh ratus empat puluh lima wogoren nage, eereegwaarak ineebe lambunik ti empat ribu enam ratus aret.

Yetikiyen 12:19

It o Yerutalem wonogwe inom, it Iterali inanggween paga wonogwe inom, eeppiyoorak Aliku Itok Menggerak ALA nen yegerak it o yime menggaarak yoroorak nogo yi aret. It o time wonogwe nogo nen inogogumbuk logonet, ugun-ugun eeppiinet nugwi paga inanggween paga anebunu pereegerak abok aret lek arigin me, iniki piirik logonet inambi nunggwi, Abu meek ee'ninake o, yinuk, inaniyo nunggwi, eeko logogun o.

Yetikiyen 22:15

It at enggela'me wonogwe nogo yi aakumi ndi aakumi inenggela'me nappiige, yi o ndi o abok aret mak eerogo piige, eeke logomenggerik, maluk ogole warak mendek eeke menggerak nogo, ti kuli aret lek eerogo pigin o.

Yetikiyen 5:10

at enggela'me time nen it inogobamini nen inapuri lombok inoorogo nunggwi, it inapuri nen inogobamini inoorogo nunggwi, eeko logogun o. Maluk onggo aaninggin oba kwippege logonet, it ando yumbunik nogo o wiya kwak yumbunogo mappiyaagin o.

Ndaniyen 8:9

Ndi, eyak 4 nogo ambi paga eyak mbuuluk ambi wungge nagagerik, eebe nggwok arit lagangge logonet, ena o ame pa'nggwe koonogo nappege, oonegen lagi wage menggim pa'nggwe koonogo nappege, Nggween Abu Abe Lombok Menggim pa'nggwe koonogo nappege, eeke kagagirak.

Oteya 9:17

Ndi, kit nogo ti, Ala wone konembunuk liirogon eekwi lek me, Nogoba Ala nen kit mbo pinagamenggerak yi aakumi ndi aakumi inenggela'me yagak-ndagak nugu logomunggup nduk, Mak eerogo pinagagin o, yinuk, yokkiragi o,” yoragagirak.

Yowen 2:3

It ti wogwe iigak, inaame nggwe yi mendek ndi mendek kani nenet nage, Inambokan kani omoonuk wunuk agan wage, Eerigin o. It inaame nggwe o nggween ti, o Eren kwak kogwe kwe, Wogo logonet, ambi mbo nagun lek, tigitogon lek eerogo pit woraagun me, Inambokan karu eerilek kwak aremenggerak kaagun o.

Ala Unde 26:22

Ndi, an nen yi mendek ndi mendek inanini wulo penaame mendek nappiya woraminggirak paga it Iterali inapurilogwe ndiniren penaame nibinogo nunggwi, inaanggumi lek eerogo tigippiigwi, ineebe ambitak mban me, iname time aakumi nobek lek logowak nduk, inoorit unggwogwe, eeko logogun o.

Ala Unde 26:33

Inom wim mbanak nen aakumi Iterali iname nen mugogo wumbiinok, muguren inoorit nogwe iinok, yi aakumi ndi aakumi inanebunu alitak lombok inenggela'me ma'narit nawak nduk, inom wim mbanak yonggo piyaminggirak eeppiya wogwe iinok, Iterali inawi kota abe wurik ti lek age, ndi, inanggween nogo ti, we o wogo wonage, eeke logogin o.

Amot 1:14

An nen o Araba yugum pak wurik paga kani nappi woraminggirak me, Yugum pak wurik me inarum logorak inawi wurik nogo kani nen lek eerogo nagin o. Wim inoba kwi'nari unggwogwe eyom paga kumi-wa'le inoone ya-kwa agan nogwe, O wiya oone pu warit wage menggi kwak, wim eeko logonet, keekok piyanggogwe, Eekwi iigak,

Nakum 1:3

At Aliku ALA ti, iniki yanggoppunuk wonage, At omaawi mondok nggwok lombok wonage, Eeke menggerak kwe, It aap maluk eeko menggaarak inomaluk onggo eeppiyaagin lek ti lek, eeppiyaagin aret o. O wiya oone pu warit wage logonet, nombok-kombok eeke kagak at enggela'me wage, Aap tu paga nage logonet, iyok paga liirubu aa'ngga eerogo pit nage menggi kwak, At o ndugwi paga nage logonet, togop eerogo pit nage,

Abakuk 3:14

It aakumi ambi eekkoloorak meek kumaarak wonogwe nogo, at awuri nen inambeme yonggorinabuwok nduk, eeko logonet, Nanonggwan aga o, yinuk, inale'nggen mbako mengga kwak, At awuri wim eeka nen nit mappinanuwok nduk, o wiya warit wage menggi kwak wogwe iigak, At awooluwak yabok togon eerogo inowe nogo anobak polok togon warogo pege,

Tepaniya 3:6

Aliku ALA nen ari logonet, “An nen yi aakumi ndi aakumi inenggaawak lek eerogo piige, O arum logorak pak wurik unggut-unggut me o nggorek wurik nogo yigirogo pege, It tu nogo menggam maluk eerogo pigirak me, aakumi tu ti paga naga'lek wonogwe, Inawi kota-kota o wogo eerogo pege logonet, Aakumi ambiriluk ambi teppiyoolik tigitogon lek eerogo piige, Eereegirak o.

Takariya 2:6

Aliku ALA nen ari logonet, “O wiya agi-ogu nen, aru-ogwe nen, nage menggim nogome mappinagareegirak me, kit o omarip paga pa'nggwe wonogwe nogo woraanip o! Woraanip o!

Takariya 8:1

At Omaawi Lombok Menggerak Aliku ALA nen wone ambinom yo'nereegerak.

Takariya 9:14

Ti eeke kenok, Aliku ALA nen at apuri inirimbaga kin ari wage logonet, O kimbik pindanogo pege menggi kwak, at omaale namburogo nappigin o. At Itok Menggerak Aliku ALA nen oone nggwok eeka trompet nogo oone pu eeke, O ame pa'nggwe nen o wiya nombok-kombok eerit wage enggela'me at wage,

Pelaareegerak 28:33

Kit yabu ligak wuundamo eerogo kinanggween paga yi awi ndi awi yarumonggotak nogo, aakumi kineenggo'lek mendek nen anggen mbanogo nunggwi iigak, aaninggin kinoba pinagamenggaarak tebenak aret logonet, kambit nogo logomunggup o.

Pelaareegerak 28:49

Towe pen ware wage nagaatik, towe mappiige menggi kwak, aakumi o nggween irip nda lombok menggaarak inoone kit kineenggo'lek mendek nogo nen, mappinagi woraawak nduk, Aliku ALA nen eeppiige kenok, wogo logomenggaarik,

Pelaareegerak 28:64

At Aliku ALA nen kit o nggween alom me nen nggween irip me yi aakumi ndi aakumi wonogwe inenggela'me time mak eerogo nappinagamenggerak time wonogo logonet, kit inom, kinombomini inom, kugi kineenggo'lek mendek ogut eyo paga a, yugum paga a, ogobakkigirogo Ala obaane'me mippogo logomonggotik, alut eeko logomunggup o.

Pelaareegerak 4:27

At Aliku ALA nen aakumi inanebunu alik mendek inenggela'me logomunggup nduk, mak eerogo pinagamenggerak inenggela'me wonogo logonet, it ando kambit nogwe iigak, kit ando mbereeluk mban kineenik aret logomunggup o.