Takariya 7:10 - Ala Wone Peenok Peebi Mbanak

¹⁰ Kumi nanu inom, elege moono inom, aakumi nggiru inom, ineenggi lek inom, tebenogo piigwi, it mban-mban at ambi maluk eeppegak eeriyak koonogo pugwi, eerugwaarik, yegerak me, yokkiragi o,” yinuk, yoragagirak o.

Takariya 7:10 ပူးပေါင်းရင်းမြစ်များ

Ndawi 140:2

It aap ti nogo, Aakumi maluk eeppiyoorak inikime koonogo pugwi, Ko'lu-kii'me wim wone mban mbanit nugwi, Eeko menggaarak o.

Ndawi 21:11

Inamborowak kin-kin mbaganuwak nduk, kat nen komaale mba'mbak irage keenok, Aaninggin koba pagawak nduk wone mbanogo pugwi, Kat maluk eeppagi woroorak koonogo pugwi, Eeremenggaarak kwe, Mbeyok yigin o.

Ndawi 36:4

It nogo yogo menggam logonet kunduk Maluk eeriyak mban koonggwi, It eerit nugwi nogo ti, Obeelom lek maluk mban aret eerit nugwi, Maluk eeriyak eerinake nogo Mbo puurak mbaka'lek aret eekwi, Eeko menggaarak o.

Ndawi 72:4

It aakumi inenggela'me tebenak wonogwe nogo, Aap endagembogut nen inawone liirogon mban mbangge, Ineenggi lek inapuri nogo yeenggwaarage, Eeke logogin kwe, It aap tebenogo piiga nogo perak, Aan lebenogo piige logogin o.

Wundeegwaarak 23:9

It maan o Metit aap nggiru kwak wonogwe iigak, aaninggin eerogo piigo nogogwaarak nogo ineenu me, it aakumi nggiru inenggela'me wonogwe iinok, aaninggin inobaga piigo logorak mage o,” yinuk, yoraawak nduk, yoreegerak.

Kini Wuppiige 3:29

Aap kore ambi nen, “At op aret nimbirak wonage,” kombake kagak, maluk eeppuurak koonogo pege,

Kini Wuppiige 6:18

Iniki paga nen maluk eeriyak mban koonit nugwi, Iniyok tekkagaatak maluk eeko menggam ari nogwe,

Yetaya 1:23

Aap karum wonogwe nogo noone ineebi yogwe, It aap kiraaka inom nugwi, It apit aret wone mage yugu kagak wu wogorogwe iinok waganggwi, Wu inambe nggi-nggi agan nugwi, Elege moono inaana'le mbangga'lek mbo piigwi, Kumi togwe inawone liirogon koongga'lek teppiigwi, Eeko agaarik o.

Yeremiya 18:18

Yorage mbareegi, it aap ineebi nombakwi nen yogo logonet, “It aap Ala unde nen eeko logorak wone mamunnirogwe nogo lek age, it aap iniki warak nen ninaruk wakwi nogo lek age, ndi, Ala nen yorage kagak yoraga nen nit yo'nirogwe nogo lek age, eerigin lek me, aap Yeremiya ari menggerak ti, lek eerogo puurak koonuwok nduk, woraanip o. At wone yo'nirage nogo aret abut laganogo at yogwi, ndi, at, Yogop eeriyak, ndogop eeriyak, yo'nirage liippega'lek mbo pugwi, eekwi paga oone lek arigin me, eeruwok aret o,” yinuk, yereegwaarak me,

Yeremiya 21:12

Aliku ALA nen ari logonet, It Ndawut paga wiganak mendek ti, Ko'lu-kii'me kubondendok eekaatak a'me nggelok mban inowak loonggwi, It aap tebenogo piinok, inamendek kolamenggaarak ineenggime wonage nogo ndinggologwe, Eeko logowak o. Eeka'lek iinok perak, maluk eerit nogo nagaarak paga kani wunuk yinuk, noguk yega'lek yi mendek ndi mendek nenet nage menggi kwak, An nanini togop aret mi'nage logonet, eeppiinet nage logogin o.

Yeremiya 49:11

Inapuri elege-aabologwe moono yumbunik ti perak, nenegen wogonake logogin me, teppiyaawak o. Ndi, inagalomini kumi togwe ti kunduk, iniki an noba panggombuwak o,” yinuk, yegerak me, yokkiragi o.

Yeremiya 5:28

Abe mban nunggwi paga ineebe kole inamburu tene yogwe wonogwe, Eeko menggaarak. Maluk mban eerit nogo logonet, Ti kuli aret o, yogwe, Elege moono inawone amburu mbanggo logonet, it eeppiyoorak koonggwi, It aakumi ineenggi lek op eeppiyoorak koonak nogo eeppiyoorak inaana'le mbanggwi, Eekulik aret o.

Yeremiya 7:6

aap nggiru inenggela'me wonogwe inom, elege moono inom, kumi togwe inom, tebenogo piigo logonet, wi-wi aganaka'lek obeelom mban eeppiigwi, o yime it aap maluk eeka'lek iigak, inamiya wunaka'lek teppiigwi, kugi eerit nugwi paga maluk inoba paka'lek an mban mu'neren wogwe, eekwi iinok,

Yetikiyen 18:12

Aap aaninggin inoba wonogwe, aap ineenggi lek wonogwe, eerak nogo wi-wi aganake, Awu luulu wogorage logonet, inamendek wagangge nogo iyokan wogoraga'lek kolage, Kugiwak nen yeenggwaaruwak nduk ayuk wuke, Maluk ogole warak lombok eeke,

Yetikiyen 22:12

ndi, o kota enggela'me time aap inooruwak nduk, inonggo nggerenogo nunggwi, eeko agaarik o. At nen awu wogoragaatak porogo wonogwe, Onggo wo'ninip, yorage, at awu porogo wonogwe nogo paga ambik aret nabenogo kolage, oone omaawi paga aakumi wi-wi eerogo piige logonet, inamendek wagangge, eeke logonet, an noone yugu nogo at mondok kobak eerogo pereegerak o, yinuk, Naliku ALA nen aret yagi o.

Yetikiyen 22:29

It o time wonogwe nogo nen aakumi inambokan laganggo logonet, inoone omaawi paga inamendek ndinggologwe, inamendek kiraakkologwe, it aap aaninggin inoba wonogwe inom, ineenggi lek inom, tebenogo piigwi, it aap nggiru inawone liirogon mbangga'lek yiluk-yiluk mbanogo punuk, maluk onggo eeppiigwi, eeko agaarik o.

Yetikiyen 22:7

O kota enggela'me time aakumi inogobamini inom, inagalomini inom, meek eerogo piigwi, at enggela'me time aap nggiru aaninggin inoba piigwi, elege moono inom, kumi nanu inom, tebenogo piigwi, eeko nogogwaarak o.

Amot 4:1

Tapi amok ambik puut Tamariya o Mbatan mendek mengga kwak kit kumi o puut Tamariya mendek kinaanogum anggen yi wae. Kit nen aakumi ineenggi lek wi-wi eerogo piigwi, It aakumi tebenak mendek meek inombako logonet, yeenggwaaraga'lek mbo piigwi, “Anggur amburu nawok nen wo'nira wa'nip o,” yinuk, kinogonggelomini yorogwe, Eeko monggotak yi, Wone yokkirage yi, kinaruk konenggo logonip o.

Takariya 8:17

At ambi nen oreeluk ambi maluk eerogo puurak koonggwi, pilit kagak, Abet aret o, yinuk, kumbuk mbaniyak inikilom mbakwi, eekwi ti, abok aret an neebi lombok mbake me, eerugwaarik o,” yinuk, Aliku ALA nen aret yo'nege, eereegerak.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Matiyut 23:13

Wone ambinom yorage logonet, “Kit Ala wone liiru mbanak unde aap Pariti kinom kiniki laakot logonet, eeko monggotak yi, aakumi at mbogut paga mendek abu'me unggwogwe iyo, tu narogo wumbiigwi, kit unggwaga'lek logonet, it unggwi woroorak mbakwi nogo, tu non mbanogo piigwi, eeko monggotak me, kinabuwa o! (

Pelaareegerak 27:19

It aakumi nggiru inom, elege moono inom, kumi nanu inom, inawone liirogon koonogo piigwi lek ti, pulunik aret logowak o, yogwe iinok, It aakumi abok nen, Abet aret o, yogwe,

Yakobut 5:4

It kineyabu eeppinagagaarak nogo, onggo ndak-ndak wogoroorak kagak eeko nogogutak me, it inoone mumun kokop yokkirogwe yi, iyaanip o. It ando anggen yugu wonok kira wogwe nogo kunduk, inoone yogwe at Omaawi Lombok Menggerak ninogoba nogo, muk aruk konengge agaarik o.

1 Yaya 3:15

Aap ambi at awot eebi lombok mbake kenok, at aakumi inooka aret o. Ndi, aakumi inooka nogo ti, at mondok-mondok ineenik logorak mendek unde eekkolaga'lek ti, kineenu aret o.